Sekaria 7:6 - ICIGHAN BIBILO

⁶ Zum u ka nea yaan kwagh man nea maan kwagh la, kera ka sha ci wen ayol a en tsô ka ne yaan man ne maan gaa?

Sekaria 7:6 Iomraidhean Croise

1 Kroniku 29:22

Ve ya kwagh ve ma kwagh sha ishigh ki TER, a iember kpishi sha iyange la; shi ve ver Solomon wan u Davidi tor, ka kwa har je la, ve shighe un mkurem a̱ lu ityoor sha ci u TER, Sadoki di lu pristi.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Yesaia 58:3

Ka sha ci u nyi man se her kwaghyan, kpa U kera nenge ga? Ka sha ci u nyi se er uma wase ican, kpa U kera we iko ga? Nenge, sha iyange yen i hôron kwaghyan la, ne gema ne mba eren akaa a en tsô, man ne tsule mbatomov enev cii sha u ve̱ er tom.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Hosea 9:4

Vea kera toon iniav mbi wain sha ishigh ki TER ga, man iniav vev mbi sôngon kpaa mbia doo Un ga; mbia hingir ve er ka kwaghyan u mbazungwen ku nahan, mba vea ya mbi cii vea hôngor, gadia kwaghyan ve una lu sha ci u ijen ve tsô; una kera nyôr ken iyou i TER ga.

Sekaria 7:5

Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Sekaria 7:7

Kera ka akaaôron a TER lu ôr sha uprofeti mba tsuaa mbala, zum u ior tema ken Yerusalem man ve lu a mkpeyol, man agar a na a a kase un tser la, man ior lu ken tar u Imbusutariyan man shin tar u Pev la gaa?

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 14:26

gema inyaregh kila yam hanma kwagh u a sar u cii a mi, shin a lu ibua, shin a lu iyôngo, shin a lu wain, shin a lu kwaghman u taver, shin nyityô kwagh i i sar u kpaa; ya heregh sha ishigh ki TER, Aôndo wou, ember, we a ior ou.

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

1 Samuel 16:7

Kpa TER kaa a Samuel er: De kenger mluyol na ga, shin ityaven na kpaa ga; gadia a kumam ga, gadia mnenge u TER ngu er mnenge u or nahan ga; gadia or nengen mluashe u ken won, kpa TER yô, nengen ken ishima.