Sekaria 7:5 - ICIGHAN BIBILO

⁵ Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Sekaria 7:5 Iomraidhean Croise

2 Utor 25:23

Tsô zum u mbahemenev mba akumautya cii, ve a ior vev, ve ungwa er tor u Babilon ver Gedalia, hingir gomna yô, ve va hen Gedalia hen Misepa, ka Ishemael wan u Netania man Yohanan wan u Karea man Seraia wan u Tanhumeti, Ornetofa, man Yaasania wan u Ormaakati, ve a ior vev.

2 Utor 25:25

Kpa sha uwer u sha utaankaruhar la Ishemael wan u Netania, wan u Elishama u ken tsombor u tor, va a ior pue a na imôngo, ve va ta num sha Gedalia, ve wua un kua Mbayuda man Mbakaldi mba ve lu a na imôngo hen Misepa la.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Yesaia 58:3

Ka sha ci u nyi man se her kwaghyan, kpa U kera nenge ga? Ka sha ci u nyi se er uma wase ican, kpa U kera we iko ga? Nenge, sha iyange yen i hôron kwaghyan la, ne gema ne mba eren akaa a en tsô, man ne tsule mbatomov enev cii sha u ve̱ er tom.

Yeremia 25:11

Tar ne cii kpaa ua hingir ijiir i atse a ayou aa lu her man kwagh u cieryol; man akuraior angan aa lu sha ikev i tor u Babilon anyom akunduatargber.

Yeremia 29:10

Gadia TER ngu kaan nahan er: Saa anyom akunduatargber á iv sha ci u Babilon, man Me va sôr ne, Me kure kwaghôron Wam u dedoo a ven, Me hide a ven hen ijiir ne ye.

Yeremia 52:12

Tsô sha uwer u sha utaan, ayange a u pue la, ka inyom i sha pue kar utaankarunyiin i tor Nebukadinesar, tor u Babilon je la. Nebusaradan, orhemen u mbakurantor, u a til sha ishigh ki tor u Babilon la, za va ken Yerusalem;

Daniel 9:2

sha inyom i hiihii i mtemtor na la, mo Daniel m nenge ken ruamabera, iyenge i anyom i TER ôr profeti Yeremia, sha u kuren kwagh u mvihi u Yerusalem la, lu anyom akunduatargber je.

Hosea 7:14

Ve yilam sha ishima i môm ga, kpa mba ngoron sha ugambe vev; ve tôndo avav iyol ayol a ve sha ci u samuyia man wain u he; mba hendan a Mo.

Sekaria 1:12

Nahan Ortyom u TER la kaa er: TER u akum a Sha, shi nan je man Ú zungwe Yerusalem kua agar a Yuda mhôônom, a iyugh You i lu sha a je i kom anyom akunduatargber ne ase?

Sekaria 7:3

ve̱ za pine upristi mba sha iyou i TER u akum a Sha man uprofeti, er: M̱ vaan, man m̱ hôron kwaghyan sha uwer u sha utaan, er m vande eren anyom a a kar kpishi la nahan shinii?

Sekaria 7:4

Tsô kwaghôron u TER u akum a Sha va her a mo kaa er:

Sekaria 7:6

Zum u ka nea yaan kwagh man nea maan kwagh la, kera ka sha ci wen ayol a en tsô ka ne yaan man ne maan gaa?

Sekaria 8:19

TER u akum a Sha ngu kaan nahan er: Kwaghyan u hôron u sha uwer u sha unyiin man u sha utaan man u sha utaankaruhar man u sha pue, una hingir Yuda kwagh u msaanyol man u iember man uiniongo mba dedoo; nahan yô mimi man bem ve̱ doo ne ishima.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:2

Nahan shighe u wea eren iwua yô, de tôngon korough sha hemen wou, er mbaatsereghev ve eren ken ushinagoge kua sha igbenda sha u vea zua a icivir hen ior la nahan ga. Mimi je, M kaan ne ne, ve ngohol injar ve kera ve.

Mateu 6:5

Man shighe u wea eren msen yô, de luun er mbaatsereghev nahan ga; gadia ka i doo ve u tilen eren msen ken ushinagoge man sha akahar a akômaigbinda sha u ior ve̱ nenge a ve yô. Mimi je M kaan ne ne, ve ngohol injar ve kera ve.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

2 Mbakorinte 5:15

Man A kpe ka sha ci u ior cii sha u mba ve lu uma yô, ve̱ de kera lu uma sha ci ve ayol a ve ga, kpa i̱ lu sha ci u Un u A kpe sha ci ve shi i nder Un kpaa la.

Mbakolose 3:23

Hanma kwagh u ne eren cii yô, eren nen un, i̱ lu sha ishima i môm er ka sha ci u Ter nahan, i̱ de kera lu sha ci u ior ga,