Sekaria 7:14 - ICIGHAN BIBILO

¹⁴ kpa Me purugh a ve sha hiar, Me sambe ve ken akuraior cii a ve fe a ga yô. Ka nahan man tar la hingir ice ken ijime ve, je ma or u zenden karen hiden ker, kera lu ga ye; ve gema tar u doon ne hingir ice.

Sekaria 7:14 Iomraidhean Croise

2 Kroniku 36:21

sha u kwaghôron u TER u Yeremia lu ôr la, a̱ kure sha mi vough, zan zan tar la zua a mmem sha ayange a memen a u, gadia shighe u u hingir ice la yô, u mem zan zan anyom akunduatargber kar ivin.

Upasalmi 58:9

Er ityev yenev mbi a lu a kav ayegher a ikon ga je tsô, Una kar a mi kera sha hiar, kwagh u kô kua mtsee u usu la cii kpaa.

Yesaia 17:13

Akuraior ka a hura er ihuran i mngerem ma kpishim yô, kpa Una zôhô a ve, tsô vea nyôngoso vea yem ca je, á num ve er imough i sha iwo, i ahumbe a purugh a i yô, man er ihundu i hiar sha ishigh ki uraahumbe nahan.

Yesaia 21:1

Mkaanem ma Aôndo sha desereti u zegemnger. Er uhiar mba ken tar u Imbusutariyan la, ka ve karen ve huran sha agee nahan, kape ngu a due ken ikôngo ken tar u cieryol.

Yesaia 60:15

Er ngise i ta u kera, i kôr u ihom, je ma or kera kar hen we ga, nahan Mo Me gema u, ú hingir kwagh u engem zan zan gbem, man shi kwagh u iember sha ikov ikov.

Yesaia 66:15

Gadia, nenge, TER Una va ken usu, man akekeautya a Na aa lu er ka hiar nahan je, Una pase ishima i nyoon Na sha iyugh, man mzehe Na sha igyamusu.

Yeremia 12:10

Mbakuranilev kpishi vihim sule u ikon i wain ve ndyar kwar Wam shin akev angahar a ve, ve gema kwar Wam u doon hingir taaikôngo dang.

Yeremia 23:19

Nenge, zegeahumbe u TER, ka iyugh je la, i dugh, ka hiar je; ka sha ityough ki mbaaferev je una va ta ye.

Yeremia 30:23

Nenge, zegeahumbe u TER, ka iyugh, i dugh ye, ka hiar je; ka sha ityough ki mbaaferev je a va te ye.

Yeremia 36:19

Nahan atiator kaa Baruki er: Za, we kua Yeremia, za yer nen, or môm nana̱ de fe henpe ne lu ga.

Yeremia 44:6

Ka sha ci u nahan man ishima Yam i vihin man iyugh Yam i ve, i gbe yeghen sha agar a Yuda man sha akômaigbinda a Yerusalem ye; a hingir atse man taaikôngo er i lu nyian nahan.

Yeremia 5:15

Nenge, M ngu van a ikurior igen i ken ica sha a we, we ya u Iserael, kape TER A kaa ne; ka ikurior i been je ga, ka ikurior i tse i tse je, ikurior i u fe zwa u i ga, man u kav kwagh u i er kpaa ga yô.

Yeremia 52:30

sha inyom i sha ikundu kar utar i Nebukadinesar la, Nebusaradan orhemen u mbakurantor kura Mbayuda deri utaankaruhar man akunduahar ka utaan, yem a ve uikangen; kohol ior cii ve lu dubu unyiin man deri ataratar.

Esekiel 12:19

kaa a ior mba hen tar la wer: Ter AÔNDO ngu kaan sha mba ve tem ken Yerusalem man tar u Iserael ne nahan er: Vea ya kwaghyan ve a ishima i nyian man vea ma mngerem a mkondoyol, sha ci u tar ve ua hingir ice, man akaa a a lu ken u cii, aa saa kera, sha ci u ipila i mba ve tem ken u la cii.

Esekiel 22:15

Me sambe u ken akuraior man Me tsenda u sha ityar ityar, Me tim akaa a ou a hôngorough ken a we kera.

Esekiel 5:10

Nahan yô, uter vea ya inyam i ônov vev ker atô wou, man ônov di kpaa vea ya uter vev; Me ôr u ijir man shi Me sambe asande a a shi ken a we la sha ahumbe, hanma ian cii.

Daniel 8:9

Ken ku mômough ken a, ankor u kiriki due, u a hingir ku vesen kpishi yô, a ver ishigh vegher u ken imbusutariyan man vegher u sha ityoughkitaregh man vegher u ken Tar u Icivirigh.

Hosea 9:17

Aôndo wam, Una ta ve kera, sha ci u ve ver ato hen a Na ga yô, nahan vea hingir mbaazende azende ken akuraior.

Yoel 2:3

Usu ngu hian zan ve ken hemen, ken ijime ve kpaa nomborusu ngu yeghen; tar ngu er sule u Eden nahan sha ishiv vev, ken ijime ve ka taaikôngo gbilin, ma kwagh war sha ikev ve ga.

Levitiku 26:22

Me tindi inyamikume her a ven ia va kôr ne ônov, ia tim ilev yenev, ia pande ne, né kera ngee ga, igbenda yen kpaa ia kpe.

Levitiku 26:33

Me sambe ne ken akuraior, Me tsuwa sanker Me tôv ne ijime, tar wen ua hingir ikôngough gbilin, agar a en kpaa aa hingir atse.

Amoshi 1:14

nahan Me keer usu sha gilgar u Raba, ua hia ayouator a na, a amo a geren sha iyange i utya, sha ijeverahumbe kpaa sha iyange i zegehiar;

Nahum 1:3

TER we ishima, tahav Nav vese, kpa u tsahan yô, deen ga. Gbenda Na ngu ken ihiar man ken ijeverahumbe, abeen ka ihundu i shin angahar a Na.

Habaku 3:14

Ka sha udagi nav iyol na U kuma ityough ki mbautyav nav mba ve ve er hir nahan sha u samben mo la ye; ve ember je, er vea ya mbaatsanev ken myer nahan.

Sefania 3:6

M tim akuraior kera, ayouautya a ve a taven hingir alôgh; M vihi igbendagar ve, ma or kera kar sha mi ga; i tim agar a ve, ma or u teman ker shi ga.

Sekaria 2:6

Mough, mough yevese due nen ken tar u Imbusutarimese la kera, kape TER A kaa ne; gadia M sambe ne wuee er ahumbe a anyiin a Sha nahan, kape TER A kaa ne.

Sekaria 8:1

Kwaghôron u TER u akum a Sha shi va her a mo, er:

Sekaria 9:14

Tsô á nenge a TER Una kar ve sha, ivaan Na kpaa ia due er inyiar nahan; man Ter AÔNDO Una tôngo korough, Una va ken hiar u ken imbusutariyan la.

Duteronomi 28:33

Iyiagh ki sule wou man tom wou u ican cii, ikurior igen i u fe i ga, ia ya; kpa we yô, á gbaa kighir we eren we ican gbem tsô;

Duteronomi 28:49

TER Una va a ikurior igen ken ica, ia kôr u ihom, ia due ken ikighir i tar, er iguve ka i purugh nahan; ikurior i ú ungwa zwa u i ga je;

Duteronomi 28:64

TER Una samber a we ken akuraior cii, hii hen ikighir i tar ne zan zan za ar ken ikighir i tar ngila; keela yô, né za civir mbaaôndo mbagenev mba we kua uter ou ne fe ve ga la, ikon man awen.

Duteronomi 4:27

Shi TER Una sambe ne ken ior, ior enev vea mase shin kpeghee ken akuraior, henpe TER Una za haa ve la.