Sekaria 7:12 - ICIGHAN BIBILO

¹² Een, ve er asema a ve taver er ka iwen i diamondi yô, sha u vea ungwa atindiakaa man akaaôron ga yô, a TER u akum a Sha A tindi sha Jijingi Na sha ikev i uprofeti mba tsuaa mbala; nahan iyugh i vesen i due hen TER u akum a Sha.

Sekaria 7:12 Iomraidhean Croise

2 Kroniku 36:13

Man a hendan a tor Nebukadinesar kpaa, u lu na un bum iti i Aôndo la; a nômbo ikôl, a cighir ishima, a kera hide hen TER, Aôndo u Iserael, ga.

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Yobu 9:4

Ngu a kwaghfan ken ishima, man shi A hemba agee; ka an nan vande hendan a Na, man i kpe nan iyolo?

Upasalmi 50:17

er u gem u vende mkôôm, man u te mkaanem Am ken ijime you kera kpaa yôô?

Ekesodu 7:13

Kpa ishima i Farao cighir, a wa ve iko ga, er TER kaa yô.

Yesaia 46:12

Ver nen ato her a Mo, ne mbacighirasema, ne mba ne gbe ca a perapera la.

Yesaia 48:4

Gadia M fa, u taver ityough, mon wou ka gbelaiyôgh, man icul you ka togula je;

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Yesaia 65:12

Me ver ne sha ci u ishôm, né cii né ngurum sha u á sôngo ne; sha ci u zum u M yila la, ne vengese ga, zum u M ôr kwagh kpaa ne ungwa ga, kpa ne er kwaghbo sha ashe Am, ne tsuwa kwagh u a doom la ga yô.

Yeremia 17:1

Isholibo i Yuda yô, i nger i sha pensel u iyôgh man sha diamondi u horon zwa; i gber i sha kpande u ishima ve, kua sha ikor i atse a ve a nanden nagh sha mi kpaa,

Yeremia 17:23

Kpa ve wa iko ga, man shi ve ver ato kpaa ga, ve nômbo ikôr ve her, sha u vea ungwa ga, man sha u vea ngohol ityesen kpaa ga yô.

Yeremia 26:19

Nahan Hisekia tor u Yuda kua ior i Yuda cii, ve wua un kpa? A cia TER gaa, man a zamber a TER, TER kpaa vaa afanyô de kwagh u bo u lu ôr sha a ve la gaa? Se yô, se mba kpelan kwaghbo u vesen haan sha uuma asev je.

Yeremia 42:21

M pase ne un nyian ve, kpa ne wa imo i TER, Aôndo wen, iko sha ma kwagh u A tindim a mi her a ven ga.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Yeremia 7:20

Sha ci u nahan yô, Ter AÔNDO ngu kaan nahan er: Nenge, á haa iyugh Yam kua ishima i vihin Yam sha ijiir ne, sha or man sha zendenya man sha ikon i ken akôngo, kua sha iyiav mbi hen inya; ia hia a kera, á pir i ga.

Esekiel 11:19

Me na ve u lun ishima i môm, Me ver jijingi u he ker a ve; Me dugh iwenshima ken iyol ve kera, Me na ve ishima i inyam;

Esekiel 14:5

sha u Me kôr asema a ya u Iserael, gadia ve cii ve pav a Mo sha akombo a ve la.

Esekiel 2:4

Man mbayev kpaa mba we kwagh iko ga, ve cighir asema. M ngu tindin we her a ve; kaa a ve wer; Ter AÔNDO ngu kaan nahan er:

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

Sekaria 1:2

Ishima vihi TER tsung a uter enev.

Sekaria 7:7

Kera ka akaaôron a TER lu ôr sha uprofeti mba tsuaa mbala, zum u ior tema ken Yerusalem man ve lu a mkpeyol, man agar a na a a kase un tser la, man ior lu ken tar u Imbusutariyan man shin tar u Pev la gaa?

Mateu 13:15

Gadia ishima i nongoior ne cighir, ato a ve kpaa nga ongo dedoo ga; ve kusu ashe a ve kpaa, sha u vea nenge sha ashe a ve ga; man vea ungwa sha ato a ve kpaa ga, vea kav ken asema a ve ga, vea shi vea gema man Mo Me bee ve angev ga.

Marku 4:12

sha er: Mnenge yô, ve̱ nenge, kpa ve̱ de kaven ga; sha u ve̱ de gem asema man á de ve asorabo a ve ga yô.

Luka 8:12

Mba sha gbenda yô, ka mba ve ungwa tsô diabolo va, va tsuwe ve kwaghôron la ken asema kera, sha u ve̱ de ne jighjigh i̱ yima ve ga.

Aerenakaa A Mbaapostoli 28:27

Gadia nongoior ne kehe ishima keregh, ato ve kpaa nga ongo dedoo ga; ashe ve kpaa ve kusu a, sha er vea nenge sha ashe a ve ga, man vea ungwa sha ato a ve ga, man vea kav ken asema a ve vea gema man Mo M̱ bee ve angev ga.

2 Peteru 1:21

Gadia mayange ma kwaghôron u profeti due sha awashima u or ga, kpa Icighan Jijingi mgbegha ior man ve ôr kwagh u Aôndo ye.