Sekaria 7:11 - ICIGHAN BIBILO

¹¹ Kpa ve venda u ungwan, ve yoghol akende, ve cir ato a ve sha u vea ungwa ga yô.

Sekaria 7:11 Iomraidhean Croise

2 Kroniku 33:10

Tsô TER ôr kwagh a Manase kua a ior nav, kpa ve ver ato ga.

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Nehemia 9:29

shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Yesaia 28:12

Un u A kaa a ve er: Ngun ka mmem je ne, na nen u vôron la mmem; man ka ngun man a lu mkunduyol je ye, nahan kpaa ve rumun u ungwan ga.

Yesaia 46:12

Ver nen ato her a Mo, ne mbacighirasema, ne mba ne gbe ca a perapera la.

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Yesaia 65:12

Me ver ne sha ci u ishôm, né cii né ngurum sha u á sôngo ne; sha ci u zum u M yila la, ne vengese ga, zum u M ôr kwagh kpaa ne ungwa ga, kpa ne er kwaghbo sha ashe Am, ne tsuwa kwagh u a doom la ga yô.

Yeremia 11:10

Ve gema ve hide sha u eren aferakaa a uter vev, mba ve venda u ungwan akaaôron Am la; ve gba dondon mbaaôndo mbagenev, civir ve; ya u Iserael kua ya u Yuda ve vihi ikuryan Yam i M ya a uter vev la.

Yeremia 13:10

Aferaior a a vende u veren ato sha akaaôron Am ne, a zenden sha mcighir u ishima i a, man shi a dondon mbaaôndo mbagenev sha u eren ve tom, man u guren civir ve, aa hingir vough er tsar ne nahan, u alu a ma inja ga ne.

Yeremia 17:23

Kpa ve wa iko ga, man shi ve ver ato kpaa ga, ve nômbo ikôr ve her, sha u vea ungwa ga, man sha u vea ngohol ityesen kpaa ga yô.

Yeremia 17:27

Kpa aluer nea ungwam ga, nea rumun u tseghan iyange i memen ga, man u den ikav mbi tôôn nyôron a mi hen ihinda i Yerusalem sha iyange i memen ga, nahan Me keer usu hen ihinda na, ua hia ayou a utor a Yerusalem, á kera pir u kpaa ga.

Yeremia 19:15

TER u akum a Sha, Aôndo u Iserael, ngu kaan nahan er: Nenge, Me va a kwaghbo sha gar ne kua angarev nav cii, u M ter sha a ve la cii; sha ci u ve nembe ikôr, ve kera ongo akaaôron Am ga yô.

Yeremia 35:15

Shi M tindi mbatomov Av cii, uprofeti her a ven pepe kua aikighe, M kaa Mer: Shi hide nen, hanmô wen nana̱ undu gbenda u nan u bo, sôr nen aeren a en, de kera dondon nen sha mbaaôndo mbagenev sha u eren ve tom ga, nahan né tema ken tar u M na ne kua uter enev la; kpa ne ver ato ga, iko kpaa ne wam her je ga.

Yeremia 36:31

Me tsaha un man vor na kua mbatomov nav sha ci u iferkwagh ve, man me va a kwaghbo sha a ve man sha mba ve tem ken Yerusalem man sha ior mba Yuda, u lu M ter sha a ve la cii, kpa ve wa iko ga la.

Yeremia 42:21

M pase ne un nyian ve, kpa ne wa imo i TER, Aôndo wen, iko sha ma kwagh u A tindim a mi her a ven ga.

Yeremia 44:16

Sha kwaghôron u u ôr se ken iti i TER la, sé wa u iko ga.

Yeremia 5:21

Shi ungwa nen kwagh ne, ne ior mba lanen kwagh man mbakavenkwagh kpaa ga; ne mba ne lu a ashe, kpa ne mba nengen ga; ne mba ne lu a ato, kpa ne ongo ga ne.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Yeremia 7:24

Kpa ve wa iko ga, man shi ve ver ato kpaa ga, kpa ve za sha mbamhen vev man sha mcighir u asema ve a bo la, ve hide ijime, ve za hemen ga.

Yeremia 7:26

nahan kpaa ve wam iko ga, man shi ve ver ato kpaa ga, kpa ve nômbo ikôr; ve hemba uter vev dang u eren.

Yeremia 8:5

Ka sha ci u nyi je ior mba Yerusalem mban mhirjime ve a lu mhirjime u gbemee? Ve kôr icugh gbang, ve venda u hiden.

Esekiel 14:5

sha u Me kôr asema a ya u Iserael, gadia ve cii ve pav a Mo sha akombo a ve la.

Esekiel 3:7

Kpa ya u Iserael yô, una ver ato her a we ga; gadia ve rumun u veren ato her a Mo ga; gadia ya u Iserael cii ka mbatavertyough man mbakehenasema kpaa.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Hosea 4:16

Gadia Iserael sôghor er ka tulebua u sôghor ityô yô; nahan TER Una shi á koso ve er gumiyôngo nahan hen ijiir i yan toho i i gbangese kpa?

Sefania 3:2

Ongo kwagh ga, rumun mkôôm ga, suur sha TER ga, man kporom ikua ikua a Aôndo na kpaa ga.

Sekaria 1:4

De kera luun nen er uter enev nahan ga, mba uprofeti mba tsuaa mbala, ve lu genger imo kaan a ve er: TER u akum a Sha ngu kaan nahan er: Gema nen asema, undu nen igbenda yen i bo man aeren a en a bo; kpa ve ungwa ga, ve ver ato her a Mo kpaa ga, kape TER A kaa ne.

Mateu 13:15

Gadia ishima i nongoior ne cighir, ato a ve kpaa nga ongo dedoo ga; ve kusu ashe a ve kpaa, sha u vea nenge sha ashe a ve ga; man vea ungwa sha ato a ve kpaa ga, vea kav ken asema a ve ga, vea shi vea gema man Mo Me bee ve angev ga.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Aerenakaa A Mbaapostoli 7:57

Nahan ve gbidye ivaa genger genger, ve cir ave sha ato, ve hembe ishima i môm, ve za ta sha a na.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?