Sekaria 6:5 - ICIGHAN BIBILO

⁵ Nahan ortyom la gema kaa a mo er: Angan ka ahumbe a anyiin a Sha a a dugh er a vande tilen sha ishigh ki Ter u taregh cii yô.

Sekaria 6:5 Iomraidhean Croise

1 Utor 19:11

Tsô A kaa a na er: Due, tile sha uwo ne sha ishigh ki TER. Tsô nenge, TER va kar, zegeahumbe u taver za va, a pav uwo, hembe avande sha ishigh ki TER; kpa TER lu ken ahumbe ga; ahumbe la nga kar kera yô, tar tenger; kpa TER lu ken tartenger la ga;

1 Utor 22:19

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

Yobu 1:6

Nahan iyange igen ônov mba Aôndo va, va tile sha ishigh ki TER, Satan di kpaa va a ve imôngo.

Upasalmi 148:8

usu man ura u awomboogh man senou man irkpiigh, man uraahumbe u u eren sha mkaanem Nam vough yô;

Upasalmi 68:17

Akekeanyinya a Aôndo nga udubu ikundu je, een, udubu kwa udubu; Ter ngu ken atô u a, ka Senai ken icighanjiir.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yeremia 49:36

Me va a ahumbe a anyiin a a dugh sha azongo a anyiin a Sha sha Elam, Me sambe ve sha ahumbe la cii; mba i zende ve ken Elam la, ma ikurior i vea za ker ga yô, ia lu ga.

Esekiel 11:22

Tsô ucerubi kende akper a ve sha, akaver la kpaa lu a ve nongo; man iengem i Aôndo u Iserael lu sha a ve vegher u sha.

Esekiel 37:9

Nahan A kaa a mo er: Ôr kwaghôron u profeti a jijingi, ôr kwaghôron u profeti, we wan u or, kaa jijingi wer: Ter AÔNDO ngu kaan nahan er: Va sha ahumbe a anyiin la, we jijingi, va ôô ken mba i woo ve mban, ve̱ hingir uma.

Daniel 11:4

Zum u una mough yô, tartor na ua gba, á pav u sha avegher a ahumbe a anyiin a Sha la, ua kera lu u tsombor na ga, tahav nav mbu a tem tor sha mi la kpaa mbua kera lu ga; gadia á wuhe tartor na kera, ua hingir u mbagenev, á kera lu mban ga.

Daniel 7:10

Ifi u usu due gba kuwan sha ishigh nagh; ior udubu dubu lu eren Un tom, man dubu pue kwa dubu pue tile sha ishigh Nagh; i tema ijirôron man i bugh uruamabera.

Daniel 7:2

Daniel ôr kwagh kaa er: M nenge ken mpase wam tugh; yô, nenge, ahumbe a anyiin a sha la, ve gbuusu zegemnger.

Sekaria 4:10

Gadia ka an nan laha iyange i akaa a kiriki laa? Gadia a ataankarahar ne, ka ashe a TER a a jingi a nengen tar cii la, aa ember, zum u aa nenge kor u sôron kwagh a min sha u a̱ lu jighilaa, sha uwegh ku Serubabel yô.

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.

Sekaria 6:1

Shi m kende ashe sha, yô nenge, akekeautya anyiin due hen haregh u iwo ihiar; iwo shon lu iwo i togula.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Luka 1:19

Ortyom la gema kaa a na er: Ka mo Gaberiel u m til sha ishigh ki Aôndo ne; i tindim er m̱ va ôr u kwagh, m̱ va u a loho u dedoo sha akaa ne.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 1:7

Sha kwagh u mbatyomov mba Shaav yô, A kaa er: Un u A gema mbatyomov Nav mba Shaav ve hingir ahumbe, man shi mba ve eren Un tom kpaa ve hingir iniomborusu.

Yosua 3:11

Nenge, areki u ikuryan u TER u tar cii ngu karen sha ishigh yenegh hungwan shin Yordan.

Mpase U Yohane 7:1

Ken masetyô u akaa ne yô, m nenge mbatyomov mba Shaav unyiin tile sha azongo a tar a anyiin la, ve kôr ahumbe a anyiin a sha tar la sha u ma ahumbe a̱ de pever shin tar ga, shin sha zegemnger kpaa ga, shin sha ma kon kpaa ga.