Sekaria 6:15 - ICIGHAN BIBILO

¹⁵ Mba ve lu ica je vea va, vea va wase u maan tempel u TER, tsô nea fa er i lu TER u akum a Sha A tindim her a ven yô. Kwagh ne una kure sha mi vough, aluer nea wa imo i TER, Aôndo wen, iko a ishima i môm yô.

Sekaria 6:15 Iomraidhean Croise

Yesaia 3:10

Ter nen orperapera, kaa nen ner, á kpe nan iyol, gadia nana ya atam a aeren a nan.

Yesaia 49:12

Nenge, mban ka ken ica ve dugh ye; mbala ka ken imbusutarimese man shin ityôtar kpaa; shi mbagenev ka ken tar u Shinim ve dugh ye.

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Yesaia 60:10

Ior mba ken iniongo igen vea maa ugilgar ou, man utor vev vea er u tom; gadia sha ishima i nyoon Yam M gbidye u, kpa sha erdoo Wam M zungu u mhôônom.

Yeremia 7:23

Kpa tindi ne M wa ve, M kaa Mer: Ver nen ato sha imo Yam, nahan Me hingir Aôndo wen, man shi ne kpaa né hingir ior Av, man zende nen sha gbenda u M kaa ne la cii, sha u i̱ kpe ne iyol yô.

Sekaria 2:13

Huan nen ving sha ishigh ki TER, ne uuma cii; gadia A mough hen icighanjiir Na.

Sekaria 3:7

TER u akum a Sha ngu kaan nahan er: Aluer ú zenden sha igbenda Yam man ú eren tom u M ne u yô, nahan ú nengen sha ya Wam man shi ú kuran ityembeya Yam, Mo kpaa Me na u ian i nyôron ken mba ve til heen ne.

Sekaria 6:12

man ôr kwagh a na kaa wer: TER u akum a Sha ngu kaan nahan er: Nenge, or u i yer iti na er Icerenkon la una due hen ijiir na, ka un una maa tempel u TER ye;

Aerenakaa A Mbaapostoli 2:39

Gadia ityendezwa ngi sha ci wen kua ônov enev man mba ve lu ken ica la cii kpaa, ka mba Aôndo Ter wase Una yila ve er ve̱ va her a Na la cii.

Mbaromanu 16:26

Kpa i va a mi ken igbar hegen shi mba pasen un sha uruamabera mba uprofeti hen akuraior cii, sha u a̱ wa jighjigh u nan la iko—

Duteronomi 30:10

aluer ú ver ato sha imo i TER, Aôndo wou, ú waan atindi a Na man akaawan a Na a i nger ken ruamabera u tindi ne iko yô, aluer ú gema hen TER, Aôndo wou, a ishima you cii man uma wou cii yô.