Sekaria 5:3 - ICIGHAN BIBILO

³ Tsô a kaa a mo er: Ngun ka ifan i, i dugh i lu zenden sha tar cii yô, gadia hanma or u nan iin yô, ka sha i á tim nan kera hegen ye; hanmô u nan bumun kpaa, ka sha i á tim nan kera hegen ye.

Sekaria 5:3 Iomraidhean Croise

Ekesodu 20:15

De iin ga.

Anzaakaa 29:24

Hanma or u nan nyer nongo a ormbaiv yô, ka uma u nan je nan ker un ihom ye, ka nan ungwa mbum, kpa nan bugh zwa ga.

Anzaakaa 3:33

Ifan i TER ngi ken ya u mbaaferev, kpa ijiir i mbaperapera yô, ka A ver i dedoo.

Anzaakaa 30:9

sha er m̱ de idi m̱ nyiman We, m̱ kaan Mer; Ka an nan lu TERE? ga, man shi m̱ de lu oribanave je er me za ii, me gema me ter iti i Aôndo wam gbilin, ga.

Yesaia 24:6

Ka nahan man ifan i ker tar, man mba ve tem sha u kpaa ve lu yan ican sha ibo ve ye; ka nahan man i nande mba ve tem sha tar kera, ior ve shi her kpeghee ye.

Yesaia 43:28

Nahan M hôngor mbavesen mba icighanjiir, M gema Yakob M na i tim un purututu, Iserael kpaa hingir kwagh u aheenegh.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yeremia 23:10

Gadia tar ne iv a udyambaiorov; ifan gema na tar mzungu; ajiir a yan toho a ken taaikôngo uma cii; kwagh u ve ze her ayem yô, saa ka u bo; gbenda u ve keren tahav a mi yô, ka u mimi ga.

Yeremia 26:6

nahan Me gema iyou ne ia hingir er Shilo nahan, man Me gema gar ne una hingir akuraior a sha won cii kwagh u lun a ifan iyol.

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Yeremia 7:9

Ne gema ne ii, ne wua or, ne er idya, ne bum sha aie, ne nande Baal nagh, ne dondo mbaaôndo mbagenev mba ngise ne fa ve ga,

Esekiel 2:9

Zum u m kenger yô, nenge, i naregh uwegh her a mo, man nenge, ihurenruamabera lu ken ku;

Daniel 9:11

Iserael cii per atindi a Ou, ve kaha, ve kera wa imo You iko ga; ka nahan man i we se ifan, man mbum u i nger ken atindiakaa a Mose, ortom u Aôndo la, a ker se kpaa ye; gadia se er Un isholibo.

Hosea 4:2

Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

Levitiku 19:11

De iin nen ga, man de eren nen aie ga, man de tsughun nen ayol a en ga.

Levitiku 19:12

De bumun iti Yam sha aie geman hôngor a iti i Aôndo wou ga; Ka Mo TER.

Amoshi 3:10

Gadia ve kera fa u eren kwagh u mimi ga, kape TER A kaa ne, ve mba ve ombon ipila man iv ken ayou a ve a tor la.

Sekaria 5:4

Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.

Sekaria 8:17

ma or ken aven nana̱ de kera henen ifer ken ishima i nan sha or u wan ndor a nan ga; mbum u sha aie a̱ de kera doon ne ga; gadia akaa angan cii, M kôr a ihom, kape TER A kaa ne.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Malaki 4:6

Una va gema asema a uter á hide hen uôn, man asema a uôn di kpaa á hide hen uter vev; sha u M̱ de kera va timin tar purututu ga yô.

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Luka 21:35

gadia kape ia va bul a bul mba ve tem sha won cii la.

Mbaefese 4:28

Or u iin nana̱ de kera shi iin ga, kpa guda yô, nana̱ nôngo tsung, nana̱ er tom u mimi sha ave a nan, tsô nana lu a kwagh u panden nan orgen u kwagh a gbe nan yô.

1 Timoteu 1:9

I fa kwagh ne nahan er, i ver tindi ka sha ci u or u nan lu u perapera la ga, kpa ka sha ci u mbavendan atindi kua mbahembanato, man shi mba ve vende Aôndo kua mbaasorabo man shi mbalun wang ga kua udangmbaiorov man shi mbawuanuter kua mbawuanungô kua mbawuanior,

Yakobu 5:12

Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa “een” wen yô, a̱ lu “een” man “ei” wen kpaa shi a̱ lu di “ei” je, sha u né va gba ken ibo i yan ga yô.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Yosua 9:20

Kwagh u sé er a ve yô, sé de ve uma, sha er iyugh i̱ de kera ve sha a vese ga, sha ci u mbum u se bum a ve yô.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.