Sekaria 4:10 - ICIGHAN BIBILO

¹⁰ Gadia ka an nan laha iyange i akaa a kiriki laa? Gadia a ataankarahar ne, ka ashe a TER a a jingi a nengen tar cii la, aa ember, zum u aa nenge kor u sôron kwagh a min sha u a̱ lu jighilaa, sha uwegh ku Serubabel yô.

Sekaria 4:10 Iomraidhean Croise

2 Kroniku 16:9

Gadia ashe a TER nga jingen sha akaa a sha won cii, sha u Una pase agee Na hen mba asema a ve a lu jighilaa her a Na yô. Sha kwagh ne yô, u er ibumekwagh; gadia hii hegen je ityav mbia za u iyol.

Yobu 8:7

Man shi er mhii wou a lu côhin nahan kpaa, mkur wou yô, una seer kpishi.

Upasalmi 33:14

Hen ijiir Na i teman la, A ta ashe A nenge mba ve tem shin tar cii,

Anzaakaa 15:3

Ashe a TER nga sha hanma ijiir, nga kor mbavihinkwagh kua mbamimi.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 66:11

sha er né ambe atumba a na a surun ishima, á kuma ne gbing gbing yô, sha er né kam atumba, man á doo ne ken ishima sha mngee u icivir na.

Yesaia 66:14

Nea nenge nahan, man ishima yen ia ember, akuhe a en aa hingir gese gese er gwergwer nahan, man á fa er uwegh ku TER ku lu a mbayev Nav yô, man Una yuwe a mbaihomov Nav.

Yeremia 16:17

Gadia ashe Am ne nga sha igbenda ve cii, ngi myer sha ishigh Yagh ga, man iferkwagh ve kpaa ngi myer sha ashe Am ga.

Esekiel 1:14

Akaauma la, lu nyôngoso zan hiden, bee er ka mlu u inyiar i ka i nyiar nahan.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Amoshi 7:2

Tsô zum u ve bee u yan toho hen tar la yô, nahan m kaa mer: Tere, AÔNDO, shi de se kwaghbo; Yakob una er nan man una tilee? Gadia a ndahar.

Amoshi 7:5

Nahan m kaa mer: Tere, AÔNDO, shi de; Yakob una er nan man una tilee? Gadia a ndahar.

Hagai 2:3

Ka an nan shi ken a ven u yan nan nenge iyou nen ken icivir i i laa? Man hegen yô, ne nenge a i, ngi nana? Kera ngi ken ashe a en er ka gbilinkwagh gaa?

Sekaria 3:9

Gadia nenge, iwen i M ver sha ishigh ki Yosua la, sha iwen i môm la, ashe nga ataankarahar; nenge, Me nger ingeren i sha iwen la, kape TER u akum a Sha A kaa ne, man shi Me kar a ifer i tar ne kera sha iyange i môm.

Sekaria 9:1

Mkaanem ma TER ôr sha tar u Haderaki, Damaseku una lu ijiir i memen i ma; gadia ashe a TER nga sha ior kua sha ikwe i Iserael cii;

Luka 15:32

Kpa ka u i̱ saan se iyol keng, se̱ ember, gadia anngôu ne lu kpe, a shi a hingir uma; a saa, i shi i zua a na kpaa.

Mpase U Yohane 5:6

M nenge ken atô u ikônough ki torough man hen atô u akaauma a anyiin la, man ken atô u mbatamen la, Waniyôngo tile, lu er i sôngo Un nahan, lu a akor ataankarahar man ashe kpaa ataankarahar, ka ujijingi mba utaankaruhar mba Aôndo mba i tindin ve shin tar cii la.

Mpase U Yohane 8:2

Tsô m nenge mbatyomov mba Shaav mba utaankaruhar mba ve til sha ishigh ki Aôndo la, i na ve ikor i tôngon itiankarihiar.