Sekaria 3:8 - ICIGHAN BIBILO

⁸ Shi ver ato, zegepristi Yosua, we man akar a ou a a tem u sha ishi la, gadia ve ka ior i tesen a tese ikav; gadia nenge, duen Yam a wanakiriki Wam, icerenkon la.

Sekaria 3:8 Iomraidhean Croise

Upasalmi 71:7

Mo yô, m ngu er ka kwagh u kpilighyol hen ior kpishi yô; kpa ka We U lu ijiir yam i waren ker ye.

Yesaia 11:1

Iceren una tser sha ikpughur u Yese, gbaa una due ken amise na, una ume atam je;

Yesaia 20:3

Tsô TER kaa er: Er wanakiriki Wam Yesaia a lu zenden idyelegh anyom atar, a akôvangahar kpaa ga yô, sha u i̱ lu ivande man ikav sha kwagh u Igipiti man sha kwagh u Kushi yô,

Yesaia 4:2

Sha iyange la mende u TER ua doo ashe ua engem, iyiav mbi shin tar kpaa mbia lu icivir man iengem i mba ve wer ken Iserael la.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 49:3

man shi A kaa a mo er: U ngu Wanakiriki Wam, Iserael, U Me pase icivir Yam ken a we yô.

Yesaia 49:5

Hegen yô, Ter ngu kaan, TER u A erem je er M lu ngôm ken uya, sha u M̱ lu Wanakiriki Na, M̱ hide a Yakob her a Na, sha u Iserael a̱ kohol her a Na yô—i civir Mo sha ashe a TER, Aôndo Wam kpaa hingir agee Am—

Yesaia 52:13

Nenge, á kpe Wanakiriki Wam iyol, á na Un icivir, á kende Un sha tsung je.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 53:2

Gadia A vese sha ishigh Nagh er zamkon nahan, man er mise u shin inya i ombor yô, lu a ma mkomashe, shin icivir i sé kenger Un ga, lu a ma dooashe u Una sar se kpaa ga.

Yesaia 8:18

Nenge, mo kua ônov mba TER A nem ne, se mba uivande kua akav hen Iserael sha ikev i TER u akum a Sha, u A tem sha uwo u Shion la.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Yeremia 33:15

Sha ayange la man sha shighe la Me na Gbaa u perapera Una ta hen Davidi; ka Un Una ôr ijiir sha mimi man Una er perapera shin tar ye.

Esekiel 12:11

Kaa wer: Mo m ngu ne ikav, er m er nahan, kape á er a ve je la; vea undu tar ve, vea yem ken uikangen.

Esekiel 12:6

Tôô mbi sha vande sha ashe a ve je, due a mi ken ime; cir ishigh you sha er ú kera nenge a inya ga yô; gadia M ver u sha u u̱ lu ya u Iserael ikav.

Esekiel 24:24

Esekiel una lu ne ikav; hanma kwagh u a er cii, kape ne kpaa né er je la; zum u kwagh ne una er yô, nea fa er Mo M lu Ter AÔNDO yô.

Esekiel 34:29

Me na iyiav mbia doo ve je, mbia za gwa, ijen ia kera tim ve ken tar ve kera ga, man vea kera ya kunya hen akuraior kpaa ga.

Esekiel 37:24

Wanakiriki Wan Davidi una tema tor sha a ve; ve cii vea lu a orkuran môm; vea zenden ken akaaôron a Am a jirigh, vea waan akaawan a Am iko man vea eren sha mi kpaa.

Sekaria 6:12

man ôr kwagh a na kaa wer: TER u akum a Sha ngu kaan nahan er: Nenge, or u i yer iti na er Icerenkon la una due hen ijiir na, ka un una maa tempel u TER ye;

Luka 1:78

sha mhôônom ma zungwen tsung ma Aôndo wase la; ka sha ma man sev mbu aven Sha la mbua va hen vese ye,