Sekaria 3:7 - ICIGHAN BIBILO

⁷ TER u akum a Sha ngu kaan nahan er: Aluer ú zenden sha igbenda Yam man ú eren tom u M ne u yô, nahan ú nengen sha ya Wam man shi ú kuran ityembeya Yam, Mo kpaa Me na u ian i nyôron ken mba ve til heen ne.

Sekaria 3:7 Iomraidhean Croise

Genese 26:5

sha ci u Aberaham lu ungwa imo Yam, waan iko sha imo Yam man atindi Am man akaawan Am man atindiakaa Am.

1 Utor 2:3

ver ishima sha imo i TER, Aôndo wou, zaan sha igbenda Na, ver ishima sha akaawan a Na man atindi a Na man akaaôron a Na sha u ú lu a iveren ken akaa a ú er cii, man sha hanma ian i wea geman cii;

1 Utor 3:14

Aluer ú zenden sha igbenda Yam, ú veren ishima sha akaawan a Am man sha atindi a Am, er teru Davidi lu zenden nahan yô, Me seer we ayange kpaa.

1 Kroniku 23:32

man sha u ve̱ ver ishima sha tom u tenti u kohol ker, man tom u icighanjiir, man tom u wasen anmgbianev vev, ônov mba Aron, sha ci u tom u ken iyou i TER la.

Yesaia 62:9

kpa mba ve kur a mi la, vea ya un man vea wuese TER; man ve mba ve kohol un kpaa, ka ve, vea ma un ken ityembe i icighanjiir Wam ye.

Esekiel 44:8

Ne kera wa iko sha tom u sha akaa Am a tseghan la ga; kpa ne gema ne ver atôatyev sha u a̱ eren Mo tom ken icighanjiir Wam.

Esekiel 48:11

Kua lu sha ci upristi mba i tsegh ve ken ônov mba Sadoki, mba ve lu wan iko sha tom Wam, ve kaha ga, zum u Mbaiserael kaha undu gbenda la, er ônov mba Levi kpaa ve kaha nahan la.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 8:35

Ayange a ataankarahar la cii luun nen hen hunda u tenti u kohol ker la, tugh man tetan; waan nen iko sha imo i TER sha er né kpe ga yô, gadia kape i kaam je la.

Sekaria 3:6

Tsô Ortyom u TER shi ôr kwagh a Yosua gbang gbang, kaa er:

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.

Sekaria 6:15

Mba ve lu ica je vea va, vea va wase u maan tempel u TER, tsô nea fa er i lu TER u akum a Sha A tindim her a ven yô. Kwagh ne una kure sha mi vough, aluer nea wa imo i TER, Aôndo wen, iko a ishima i môm yô.

Sekaria 6:5

Nahan ortyom la gema kaa a mo er: Angan ka ahumbe a anyiin a Sha a a dugh er a vande tilen sha ishigh ki Ter u taregh cii yô.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Luka 22:30

sha u né ya kwagh, né ma kwagh sha tebul Wam man né tema sha mkônom ma torom, né ôr ijir sha ikwe i Mbaiserael i pue kar ihiar la ye.

YOHANE 14:2

Ken ya u Terem ayou nga kpishi; a lu nahan ga yô, ma M kaa ne; gadia Me yem sha u Me za sôr ne ijiir.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.