Sekaria 3:2 - ICIGHAN BIBILO

² TER kaa a Satan er: TER A̱ yange u, we Satan; een, TER u A tsough Yerusalem la, A̱ yange u; ngun kera ka ityôndo i i sase duen a mi ken usu gaa?

Sekaria 3:2 Iomraidhean Croise

2 Kroniku 6:5

Hii sha iyange i M due a ior Av ken tar u Igipiti la je, M tsuwa ma gar ken ikwe i Iserael u Me maa iyou ker Mer iti Yam i̱ lu ker ga, man M tsuwa ma or u nana lu ityoor u ior Av Iserael kpaa ga;

2 Kroniku 6:6

kpa M tsuwa Yerusalem Mer iti Yam i̱ lu ker; shi M tsuwa Davidi Mer a̱ tema tor sha ior Av Iserael.

Upasalmi 109:31

gadia til ken uwegh ku yanegh ku oribanave, sha u yiman un sha mba ve lu ôron un ijir i kuugh yô. Ka Pasalmi u Davidi

Yesaia 7:4

Kaa a na wer: Ver ishima, ishima i̱ de nyian we ga; de kera cie ga, ishima i̱ de yen u sha ci u atôndo a usu a mnyiigh ahar ne ga, sha ci u iyugh i kenden tsung i Reshin man Shiria kua i wan u Remalia, la.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Amoshi 4:11

M yôhôl ne er Aôndo yôhôl Sodom man Gomora nahan, ne lu er ityôndo i i sase duen a mi ken usu yô; nahan kpaa, ne hide her a mo ga, kape TER A kaa la.

Sekaria 1:17

Shi genger imo, kaa wer: TER u akum a Sha ngu kaan nahan er: Agar a Am aa shi á mgbough a mkpeyol; TER Una shi á sur Shion ishima, man Una shi á tsuwa Yerusalem kpaa.

Sekaria 2:12

TER Una ya dyako sha Yuda, ka kwar Na ken icighantar je la, Una shi á tsuwa Yerusalem kpaa.

Marku 1:25

Kpa Yesu yange un, kaa er: We, huan, due ken a na kera.

Marku 9:25

Tsô Yesu nengen ikpelaior i gbe kohol ayem nahan yô, A yange jijingi u hôngorough la A kaa a na er: We, jijingi u kondon iker man u kondon ato ne, M ngu kaan a we, due ken a na kera, mayange de kera shi nyer ken a na ga.

Luka 22:32

Kpa M er msen sha ci wou sha u jighjigh wou u nan a̱ de yen ga yô; we kpaa, shighe u ú gema ishima yô, taver anmgbianev ou asema.

Luka 4:35

Kpa Yesu yange un, kaa er: Huan, due ken a na kera! Er jijingi u bo la kende un inya her atô ve yô, maa a due ken a na, kpa a vihi un iyol mape ga.

Luka 9:42

Ngur van a va je tsô, jijingi la kende un inya, vihi un iyol caver caver. Kpa Yesu yange jijingi u hôngor la, gema war wanakiriki la, hire a mi, na ter na.

YOHANE 13:18

Ka ne cii M kaan ga; M fa mba M tsough ve yô; kpa ka sha er icighanruamabera Una kure sha mi vough yô er: Ka or u nan ye kwagh a Mo ikagh i môm je nan tumum angahar iyol ye.

Mbaromanu 16:20

Ica ia gba ga je tsô Aôndo u bem Una cagh Satan shin angahar a en. Mrumun u sha mhôôn u Ter Yesu a̱ lu sha a ven.

Mbaromanu 8:33

Ka an je nana yôô ityôkwagh sha mba Aôndo A tsough ve laa? Ka Aôndo A ne ishô ye.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

Yuda 1:23

Yima nen ve, tsuwe nen ve ken usu kera, mbagenev yô zungwe nen ve mhôônom a mciem iyol. Ikondo i i hôngor sha kwagh u iyolough la tsô kpaa nyagh nen i.

Yuda 1:9

Kpa Mikael ortyom u Sha u tamen la, zum u a lu nôngon a diabolo, lu kpelan ikom i Mose la yô, a kera cihi a ôr un ijir i sha mtoho ga, kpa a kaa er: Ter A̱ tsaha u.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.