Sekaria 3:1 - ICIGHAN BIBILO

¹ Tsô A tesem zegepristi Yosua, a tile sha ishigh ki Ortyom u TER, Satan gema tile un ken uwegh ku yanegh sha u yilan un ijir.

Sekaria 3:1 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Genese 48:16

ortyom u Sha u a yimam sha hanma kwagh u bo cii, a̱ ver mbayev mban doo doo, iti yam i̱ tsôr sha a ve, kua iti i uter av Aberaham man Isaka kpaa; ve̱ seer a seer ngeen ken tar.

1 Kroniku 21:1

Tsô Satan mough hendan a Iserael, a tor Davidi ityô er a̱ ôr iyenge i Iserael.

2 Kroniku 29:11

Ônov av, de kera hunden nen ishima sha kwagh ne ga; gadia TER tsuwa ne er ne̱ tile sha ishigh Nagh, ne̱ er Un tom kpaa, ne̱ hingir mbatomov Nav, ne̱ nanden kwaghhumandoon kpaa.

Esera 10:18

Ken ônov mba upristi kpaa, i zua a mbagenev mba ve er kasev ken atôatyev yô. Ken ônov mba Yeshua wan u Yosadaki man angbianev nav yô, lu: Maaseia man Elieser man Yaribi kua Gedalia.

Esera 2:2

mba ve va a Serubabel imôngo yô, lu: Yeshua, Nehemia, Seraia, Reelaia, Mordekai, Bilshan, Misepar, Bigevai, Rehum man Baana. Iyenge i nomsombaiorov mba Iserael yô, ka:

Esera 5:2

Nahan Serubabel wan u Shealtiel man Yeshua wan u Yosadaki ve mough, shi ve gba maan iyou i Aôndo i i lu ken Yerusalem la; mbaprofeti mba Aôndo, lu a ve imôngo, lu wasen ve.

Upasalmi 106:23

Ka nahan man A kaa er, Una tim ve kera ye; ka Mose, icuwanor Na la, va tile Un sha ishi a zamber, sha u goom a iyugh Na kera, sha er A̱ de timin ve ga ye.

Upasalmi 109:6

Wa un sha ikev i iferor, ormsende a̱ tile un ken uwegh ku yanegh.

Yeremia 15:19

Nahan yô, TER ngu kaan nahan er: Aluer wea hide yô, nahan Me hide a we, ú va tile sha ishigh Yagh; man aluer wea ôr kwagh u injaa, á kera lu kwagh u gbilinigh ga yô, ú hingir er ka zwa Wam nahan; ve yô, ve̱ hide her a we je, kpa we yô, de kera hidi her a ve ga.

Esekiel 44:11

Vea lu mbatomov ken icighanjiir Wam, vea kuran ihinda i iyou, vea eren tom ken iyou; vea wuan nagh ku nanden, man nagh ku sôngon sha ci u ior, vea tile sha ishigh ki iorov, vea eren tom.

Esekiel 44:15

Kpa Mbalevi mba ve lu upristi, ônov mba Sadoki, mba ve lu eren tom ken icighanjiir Wam, zum u Mbaiserael ve kaha ve undum la, ka ve vea kporom her a Mo sha u eren Mo tom man vea tile sha ishigh Yagh sha u nan Mo nagh sha ahôm man awambe, kape Ter AÔNDO A kaa ne;

Hagai 1:1

Sha inyom i sha uhar i tor Dariu, uwer u sha ataratar sha iyange i hiihii i uwer la, kwaghôron u TER va sha ikev i profeti Hagai hen Serubabel, wan u Shealtiel, gomna u Yuda, man hen zegepristi Yosua, wan u Yehosadaki, kaa er:

Hagai 1:12

Nahan Serubabel, wan u Shealtiel, man zegepristi Yosua wan u Yehosadaki kua asande a ior a a shi her cii la, ve wa imo i TER, Aôndo ve, iko kua akaaôron a profeti Hagai er TER, Aôndo ve, tindi un yô; ior kpaa cia sha ishigh ki TER.

Hagai 2:4

Kpa hegen yô, taver ishima, we Serubabel, kape TER A kaa ne; man taver ishima we zegepristi Yosua, wan u Yehosadaki, man shi taver nen ishima, ne ior mba hen tar ne cii, er nen tom kape TER A kaa ne, gadia M ngu a ven, kape TER u akum a Sha A kaa ne,

Sekaria 1:13

Tsô TER gema ôr kwagh a ortyom u a lu ôron kwagh a mo la sha akaaôron a dedoo man a surun ishima kpaa.

Sekaria 1:19

M gema m pine ortyom u a lu ôron kwagh a mo la mer: Ka nyi kwagh nee? Nahan a kaa a mo er: Angan ka akor a a sambe Yuda man Iserael kua Yerusalem la.

Sekaria 1:9

Nahan m kaa mer: Terem! Ka nyi kwagh nee? Nahan ortyom u lu ôron kwagh a mo la, kaa a mo er: Me tese u inja i akaa ne.

Sekaria 2:3

Yô, nenge, er ortyom u a lu ôron kwagh a mo la kporom ken hemen yô, ortyom ugen due va kohol un,

Sekaria 3:8

Shi ver ato, zegepristi Yosua, we man akar a ou a a tem u sha ishi la, gadia ve ka ior i tesen a tese ikav; gadia nenge, duen Yam a wanakiriki Wam, icerenkon la.

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.

Sekaria 6:11

ngohol azurfa man zenaria hen ve, er idyer i tor a mi, cir sha ityough ki zegepristi Yosua wan u Yehosadaki,

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Luka 21:36

Nahan kuran nen shi eren nen msen hanma shighe cii, sha er né kuma u waren akaa a á va er la cii, man né tile sha ishigh ki Wan u or yô.

Luka 22:31

Shimon! Shimon! Nenge, Satan norom sha u una yegher ne er uwua nahan.

Duteronomi 10:8

Hen shighe la je TER maa tsegha kwe u Levi er ve̱ tôôn areki u ikuryan i TER man ve tilen sha ishigh ki TER, ve̱ eren Un tom, man sha u ve̱ naan iveren ken iti Na kpaa, zan zan va ar nyian ne.

Duteronomi 18:15

TER, Aôndo wou, Una ver u Profeti, Una due hen atô wou ken anmgbianev ou je, er mo nahan, ka Un né ver ato sha a Na ye.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

1 Samuel 6:20

Nahan ior mba Bete-Shemeshi kaa er: Ka an nan fatyô u tilen sha ishigh ki TER, Aôndo u wang, nee? Una mough hen a vese heen yô, Una kôndo Una za sha unô?