Sekaria 2:9 - ICIGHAN BIBILO

⁹ Gadia, nenge, Me kunde uwegh Agh sha a ve, vea hingir ishar i mba iyange ve shiren ve tom la; tsô nea fa er i lu TER u akum a Sha, A tindim yô.

Sekaria 2:9 Iomraidhean Croise

Yesaia 10:32

Nyian, nyian je, una haa hen Nobu, á kende iju na sha uwo u wankwase u Shion, uwo u Yerusalem je.

Yesaia 11:15

Tsô TER Una vihi nombor u zegemnger u Igipiti purututu, Una kunde uwegh Nagh sha Ifi sha ahumbe Na a hian la. Una gbidye un, Una pav un á hingir iwagh itiankarihiar, Una er ior vea per a akôvangahar je.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 13:2

Kende nen tuta sha sha uwo u penem penem, genger nen imo yila ve, viligh nen ave, ve̱ nyôr sha ihinda i atiator.

Yesaia 14:2

Akuraior a sha won aa kua a ve aa yem a ve ken tar ve; ya u Iserael kpaa una ya dyako sha ve ken tar u TER, vea hingir ve ikpan i nomso man i ukase, vea kôr mba ngise ve kôr ve la, vea tema tor sha mba ngise ve kighir ve la.

Yesaia 19:16

Sha iyange la Mbaigipiti vea hingir er kasev nahan, vea gbidye akarkase iyol, vea cia kpaa, sha ci u mkundu u uwegh ku TER u akum a Sha ku A kundu sha a ve la.

Yesaia 26:1

Sha iyange la á wa icam ne ken tar u Yuda er: Se mba a gar u taver; A ver myom er, a̱ lu gilgar kua akpagar.

Yesaia 33:1

Kwagh á tser u, we or u vihin ior akaa kera, kpa we yô, i vihi u akaa kera ga, we u u eren atseregh, kpa we yô, i er atseregh a we ga. Zum u ú mem u vihin ior akaa kera la, á vihi u kera; man zum u ú de u eren atseregh yô, á er atseregh a we.

Yesaia 33:21

TER Una lu se kwagh u icivirigh heregh je, ijiir i uifi man iwagh i gbangese, utso mba nahan vea kar sha mi ga, man tso u vesen kpaa ga.

Yesaia 33:23

Ikor you gba dur; i fatyô u taver ityôgh ki tsogh ga, i fatyô u samber ikondo ga. Tsô maa á kar ishar i ngeen yum la, mbaawanev kpaa ya ishar.

Yesaia 4:5

Sha tar u uwo u Shion cii kua sha ajiir a eren mbamkohol her la, TER Una er ibeenegh kia lu atetan kua mnyim, man iwanger i inyomborusu i yeghen tugh; gadia icivir la cii, kwaghcirin una lu sha mi.

Yesaia 48:16

Kporom nen her a Mo, ungwa nen kwagh ne: sha hiihii je M ôr kwagh ken myer ga; zum u kuma u kwagh la una er yô, Mo M lu heregh je; hegen Ter AÔNDO tindim kua Jijingi Na.

Yesaia 60:18

Mayange á kera ungwa iperakwagh ken tar wou ga, shin myôhôr shin mtim ken ipaventar wou kpaa ga; wea yila ugilgar ou wer Myom, man ihindagar you kpaa wer Iwuese.

Yesaia 60:19

Iyange ia kera lu iwanger you atetan ga; shin mte u uwer kpaa una kera lu u iwanger you ga, kpa TER Una gema á lu iwanger you i tsôron man Aôndo wou kpaa Una lu icivir you.

Yeremia 27:7

Akuraior cii aa eren ishima na, kua wan na man wan u wan na kpaa, zan zan shighe u tar na iyol na kpaa una va kuma; nahan akuraior a ageegh man utor mba tamen vea gema un, una hingir sha ikev ve.

Yeremia 28:9

Profeti u a pase er bem una lu la, zum u kwaghôron u profeti la una va kure sha mi vough yô, nahan sha shighe la á fa er profeti la, a lu profeti u TER A tindi un mimi je yô.

Yeremia 8:19

Ungwa! Imo i mlia i wankwase u ior Av ken tar u icaa tsung je; TER kera ngu ken Shion gaa? Tor na kera ngu keregh gaa? Ka nyi man ve bamen Mo sha ieev vev mbi gban man sha akaagbilinigh a tar ugene?

Esekiel 39:10

nahan vea kera ker ikon ken toho ga, man shi vea kera gber ikon shin akô kpaa ga, gadia vea keer usu sha ikav mbi tswamev; mba ve ya ve ishar la, ve di kpaa vea ya ve ishar, mba ve kura ve akaa la, ve di kpaa vea kura ve akaa, kape Ter AÔNDO A kaa ne.

Yoel 2:27

Nahan né fa er M lu ken atô u Iserael yô, man ka Mo M lu TER, Aôndo wen ye, ugen ngu ga; ior Av kpaa vea kera va ahenge ga.

Habaku 2:17

Gadia ipila i i er Lebanon la ia cir u, man mtim u i tim inyamtoho la, una ta u mciem iyol— sha ci u awambe a ior man sha ci u ipila i i er tar, man gar, man mbateman kimi cii la.

Habaku 2:8

Sha ci u we u sar akuraior kpishi, ior mba ve shi her cii ve di kpaa vea sar u, sha ci u awambe a ior, man sha ci u ipila i i er tar man gar, man mbateman kimi cii.

Sefania 2:9

Nahan yô, TER u akum a Sha, Aôndo u Iserael ngu kaan nahan er: Er M lu u uma yô, mimi je, Moabi una hingir er Sodom, man Mbaamon er Gomora nahan, ijiir i imo menden her man ahungwa a bar, man ice gbem sha won; asande a ior Av aa sar ve, man asande a ikurior Yam a a shi her la aa ngohol ve.

Sefania 3:15

TER tôô ajir a i ôr u la kera, A kar a orihom wou kera; Tor u Iserael, TER ngu ken atô wou; ú kera shi cia kwagh u bo ga.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Sekaria 2:8

Gadia TER u akum a Sha ngu kaan nahan er, ka sha u m̱ tese icivir Na, A tindim hen akuraior a a ye ishar sha a ven la ye; gadia u nan bende a ven yô, nan bende hongorshe Na je.

Sekaria 4:9

Ave a Serubabel tim imagh ki iyou ne, shi ka ave na kpaa aa kure i ye, tsô né fa er i lu TER u akum a Sha a tindim her a ven yô.

Sekaria 6:15

Mba ve lu ica je vea va, vea va wase u maan tempel u TER, tsô nea fa er i lu TER u akum a Sha A tindim her a ven yô. Kwagh ne una kure sha mi vough, aluer nea wa imo i TER, Aôndo wen, iko a ishima i môm yô.

Sekaria 9:15

TER u akum a Sha Una kura ve, vea ya, vea ndyar angahar sha awen a ken mzu; vea ma, vea yôôso er ve ma wain nahan, á iv ve er ka gbande nahan, man er ka azongo a atse a nanden nagh sha mi nahan.

YOHANE 13:19

Hii hegen je, M ngu kaan ne, er i lu a kuma ga ne, sha er á va kuma yô, né na jighjigh ner, ka Mo Un je ne yô.

YOHANE 16:4

Kpa akaa angan M ôr ne sha er zum u shighe u a una va kuma yô, né umbur a er M kaa ne a yô; kpa akaa ne yô, M kaa ne a sha hiihii la ga, sha ci u M lu a ven her yô.