Sekaria 2:8 - ICIGHAN BIBILO

⁸ Gadia TER u akum a Sha ngu kaan nahan er, ka sha u m̱ tese icivir Na, A tindim hen akuraior a a ye ishar sha a ven la ye; gadia u nan bende a ven yô, nan bende hongorshe Na je.

Sekaria 2:8 Iomraidhean Croise

Genese 20:6

Tsô Aôndo kaa a na ken mnyam mara er: Een, M fa, ka sha ishima i gbar gbar u er nahan ye, Mo kpaa M yange u sha u de kera eren Mo kwaghbo ga; ka nahan man M rumun Mer bende a na ga ye.

2 Utor 24:2

Tsô TER tindi akumautya a Mbakaldi man akum a Mbashiria man akum a Mbamoabi man akum a Mbaamon hen a na. A tindi a er a̱ za nôngo ityav a Yuda a̱ tim un sha imo i TER i mbayev Nav uprofeti ôr i sha zwa Na yô.

Upasalmi 17:8

Kuram er hongorshe nahan; yerem ken mure u akper a Ou,

Anzaakaa 7:2

Wa atindi am iko, lu uma, ityesen yam kpaa, kura i er hongorshe wou nahan,

Yesaia 49:19

Gadia atse a agar a ou man ajiir a ou a a hingir gbilin, man tar wou u i vihi u kera la, mimi je hegen á imbishi we sha ci u mngee u ior mba ve tem ken a we; man mba ve mena u la vea gba ica.

Yeremia 12:14

TER ngu kaan nahan er: Mba ve we ndor a Mo, ve eren kwaghbo ne cii, ve benden dyako, u M ver ior Av Iserael, ave ne, nenge, Me tsuwe ve ken tar ve kera, man Me tsuwe ya u Yuda ken atô ve kpaa.

Yeremia 27:7

Akuraior cii aa eren ishima na, kua wan na man wan u wan na kpaa, zan zan shighe u tar na iyol na kpaa una va kuma; nahan akuraior a ageegh man utor mba tamen vea gema un, una hingir sha ikev ve.

Esekiel 25:12

Ter AÔNDO ngu kaan nahan er: Sha ci u Edom a tese ihom sha ya u Yuda sha iyev i oron yô, man a vihi kwagh kpishi, a or iyev sha ve,

Esekiel 25:15

Ter AÔNDO ngu kaan nahan er: Sha ci u Mbafiliti ve er kwagh sha iyevoron man ve or iyev a mlaha ken ishima sha u timin sha ihom i gbem,

Esekiel 26:2

Wan u or, sha ci u Tiru a ter Yerusalem, a kaa er: Ehee! i hembe un u a lu hunda u akuraior la, i ver un ivegher her a mo; mo m iv, un yô, gema hingir gbilin,

Esekiel 26:20

sha shighe la Me hungwa a we a mba ve hongo shin ihungwa la imôngo, hen ior mba tsuaa la, Me na u ú tema ken ajiir a zan kweng a taregh la, ken udeserti mba ve vande lun gbem la, a mba ve hungwa shin ihungwa la imôngo, sha u i̱ de kera shi teman ken a we ga, man ú kera kôndo ú tema sha tar u mbaumav ga;

Esekiel 35:5

Sha ci u u lu a ihom ken ishima gbem, man u gema Mbaiserael u na ve sha agee a sanker sha iyange i ican ve, sha shighe u mtsaha ve, u masetyô la;

Esekiel 36:11

Me na ior kua uzendenya vea ngee sha a ven, vea mar ônov vea ngee; shi Me na ne mbateman sha a ven er tsuaa nahan, man Me er a ven dedoo á hemba ayange a hiihii la; nahan man né fa er Mo M lu TER ye.

Esekiel 38:11

ú kaa wer: Me kôndo hen tar u agar a u, a lu a ugir ga la, me za ta sha mba ve tem bem bem a mkpeyol la, ve cii ve tema mba a ugir ga, shi mba a uishindan man ihinda kpaa ga,

Esekiel 38:14

Nahan yô, wan u or, ôr kwaghôron u profeti, kaa a Gogi wer: Ter AÔNDO ngu kaan nahan er: Sha iyange i ior Av Iserael vea tema bem bem la yô, wea fa gaa?

Amoshi 1:11

TER ngu kaan nahan er: Sha ci u atindi a peren atar a Edom, een, sha ci u anyiin je yô, Me kera hide a mtsaha na ijime ga, gadia a cir anngô na ityô a sanker uwe, man shi a ta mhôônom ma zungwen kera cii, ishima na i nyoon pever ga, lu a iyugh gbem;

Amoshi 1:13

TER ngu kaan nahan er: Sha ci u atindi a peren atar a Mbaamon, een, sha ci u anyiin je yô, Me kera hide a mtsaha ve ijime ga, gadia ve pav kasev mba Gileadi mba ve lu iyav la iyav sha u vea seer tar ve u̱ kehe;

Amoshi 1:9

TER ngu kaan nahan er: Sha ci u atindi a peren atar a Tiru, een, sha ci u anyiin je yô, Me kera hide a mtsaha na ijime ga, gadia ve na ikurior jimin cii sha ikev i Edom man ve wa ikuryan i anmgbian a anmgbian la iko ga;

Mika 4:11

Hegen yô, akuraior kpishi kohol num sha a we, mba kaan er: I̱ hôngor a na, ashe ase a̱ kenger Shion.

Mika 5:6

Vea kuran tar u Ashiria sha sanker kua tar u Nimrodi kpaa sha ajiir a nyôron ken u la; Una yima se sha ikev i Ashiria, zum u una va ken tar wase man una ndyar angahar ken tar wase la.

Mika 7:10

Tsô orihom wam una nenge, kunya ua kôr un; un u a kaa a mo er: TER, Aôndo wou, ngu hana? la. Ashe am aa kenger un; hegen á ndyar un er angbiôr a sha igbenda yô.

Habaku 2:17

Gadia ipila i i er Lebanon la ia cir u, man mtim u i tim inyamtoho la, una ta u mciem iyol— sha ci u awambe a ior man sha ci u ipila i i er tar, man gar, man mbateman kimi cii la.

Habaku 2:8

Sha ci u we u sar akuraior kpishi, ior mba ve shi her cii ve di kpaa vea sar u, sha ci u awambe a ior, man sha ci u ipila i i er tar man gar, man mbateman kimi cii.

Sefania 2:8

M ungwa tarnahan u Moabi man iheen i Mbaamon, i ve hee ior Av, man er ve va tseen sha tar ve yô.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Sekaria 2:9

Gadia, nenge, Me kunde uwegh Agh sha a ve, vea hingir ishar i mba iyange ve shiren ve tom la; tsô nea fa er i lu TER u akum a Sha, A tindim yô.

Sekaria 8:5

Igbenda i gar kpaa ia mgbough a mbayev mba nomso man mba kasev, vea numben sha igbenda na.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Mateu 25:45

Tsô Una gema Una kaa a ve er: Mimi je M kaan ne ne, er ne er nahan a mô u ken mba hemban gban ijime mban ga yô, ka Mo je ne er a Mo nahan ye.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 17:18

Er U tindim shin tar ne nahan, Mo kpaa, kape M tindi ve shin tar ne je ne.

Aerenakaa A Mbaapostoli 9:4

a gba inya a ungwa imo lu kaan a na er: Saulu! Saulu! Ka nyi u tevem a icana?

Duteronomi 32:10

A zua a na ken tar u desereti, ken taaikôngo u akaa a vaan ker; A kase un, a wa atô, A yisa un, A kura un er wanshe Na yô.

2 Timoteu 1:6

Gadia ka Aôndo kwagh u vough u oron mba ve lu tôvon ne a ican la iyev eren ve ican.

1 Yohane 4:14

Se yô, se nenge man se mba eren shiada ser, Ter tindi Wan sha u A̱ lu Oryiman u tar.