Sekaria 2:6 - ICIGHAN BIBILO

⁶ Mough, mough yevese due nen ken tar u Imbusutarimese la kera, kape TER A kaa ne; gadia M sambe ne wuee er ahumbe a anyiin a Sha nahan, kape TER A kaa ne.

Sekaria 2:6 Iomraidhean Croise

Genese 19:17

Tsô zum u ve due a ve ken won yô, A kaa a ve er: Yevese war, de gem ashe ijime ga, gbulumaa ne cii kpaa, de til her ga, yevese yem sha uwo, sha er ú tim ga yô.

Upasalmi 44:2

U zenda akuraior sha uwegh Ough je; ve yô, U gema U môôr ve; U er ior mbala ican; ve yô, U gema u ngee ve.

Yesaia 48:20

Due nen ken Babilon kera, yevese nen Mbakaldi; pase nen sha imo i icam je, kaa nen kwagh ne, yôô nen un zan zan ikighir i tar, kaa nen ner: TER paa wanakiriki Na Yakob.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Yeremia 1:14

Tsô TER kaa a mo er: Ka ken imbusutarimese man kwaghbo una due fese una va tser mba ve tem sha tar ne cii ye.

Yeremia 15:4

Me na, vea hingir ityartor i sha won cii kwagh u cieryol, sha ci u Manase, wan u Hesekia, tor u Yuda, sha ci u kwagh u a er ken Yerusalem la.

Yeremia 3:18

Sha ayange la, ya u Yuda una zua a ya u Iserael, vea due imôngo ken Imbusutarimese la, vea va nyôr ken tar u M na uter enev dyako yô.

Yeremia 31:10

Ungwa nen imo i TER, ne akuraior, pase nen i hen ityar i hen kpe u zegemnger i ken ica la; kaa nen ner: Wen u A sambe Iserael la, Una kohol un, una kura un er orkuranilev ka nan kura ikumuile nahan.

Yeremia 31:38

Nenge, ayange nga van kape TER A kaa ne, a á maa TER gar la, á hii sha gôgôyou u taven u Hananel je á za ar hen Hundagar u Zongo.

Yeremia 31:8

Nenge, Me va a ve shin tar u Imbusutarimese, Me kohol ve sha akighir a tar, mbaapirashe man mbakeer man kwase a iyav kua kwase u toghol mar, vea lu a ve imôngo; ka ikumior i vesen ia hide heen ye.

Yeremia 50:8

Yevese, due nen ken atô u Babilon kera, due nen ken tar u Mbakaldi, lu nen er ukpev mba ve hemen akumauile nahan!

Yeremia 51:45

Ior Av, due nen ken atô na kera, hanma or nana̱ yima uma u nan sha ishima i vihin i tsung i TER la.

Yeremia 51:50

Ne mba ne wer sanker, yem nen, de til nen ga; umbur nen TER ken ica, man Yerusalem a̱ lu ne ken ishima.

Yeremia 51:6

Yevese, due ken atô u Babilon kera, hanma or nana̱ yima uma u nan; i̱ de kera timin ne kera sha ifer na ga; gadia ka shighe u iyevoron i TER je ne, ngu kimbin un sha ieren na.

Esekiel 11:16

Nahan yô, kaa wer: Ter AÔNDO ngu kaan nahan er: Shin er M yem a ve ca ken akuraior, man shi M sambe ve sha ityar ityar sha won, nahan kpaa, M hingir ve icighanjiir sha anyangem kpeghee sha ityar i ve yem ker la.

Esekiel 17:21

Mbayevese ken a na cii, ken akum a na cii, sanker una wua ve, man mba ve shi her yô, á sambe ve sha ahumbe hanma vegher cii; nahan man né fa er i lu Mo TER M kaa kwagh ne ye.

Esekiel 5:10

Nahan yô, uter vea ya inyam i ônov vev ker atô wou, man ônov di kpaa vea ya uter vev; Me ôr u ijir man shi Me sambe asande a a shi ken a we la sha ahumbe, hanma ian cii.

Esekiel 5:12

Kwe wou u môm ken ikwe itiar ua kpe bouange, man ijen ia wua ve ker atô wou; shi kwe wou ugen ken ikwe itiar á wua u sha sanker, á ningir á tser, shi kwe ugen ken ikwe itiar Me sambe u sha ahumbe hanma ian cii, man shi Me tsuwa sanker ken ijime ve.

Daniel 11:4

Zum u una mough yô, tartor na ua gba, á pav u sha avegher a ahumbe a anyiin a Sha la, ua kera lu u tsombor na ga, tahav nav mbu a tem tor sha mi la kpaa mbua kera lu ga; gadia á wuhe tartor na kera, ua hingir u mbagenev, á kera lu mban ga.

Amoshi 9:9

Gadia, nenge, Me na zwa, Me yegher ya u Iserael ken akuraior cii, er ka i yegher uwua sha tser nahan, nahan kpaa ishange i môm ia gba inya ga.

Sekaria 1:16

Nahan yô, TER ngu kaan nahan er: M hide hen Yerusalem a mhôônom ma zungwen; á maa iyou Yam ker, kape TER u akum a Sha A kaa ne; á samber kor u karen sha Yerusalem cii.

Sekaria 2:7

Mough yem hen Shion, yevese war, we u u tem vea wankwase u Babilon ne.

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Marku 13:27

Hen shighe la, Una tindi mbatyomov Nav vea kohol uicuwanmbaiorov Nav sha ahumbe a sha avegher anyiin la, hii shin ikighir i tar zan zan á ar sha ikighir i Sha.

Duteronomi 28:64

TER Una samber a we ken akuraior cii, hii hen ikighir i tar ne zan zan za ar ken ikighir i tar ngila; keela yô, né za civir mbaaôndo mbagenev mba we kua uter ou ne fe ve ga la, ikon man awen.

Mpase U Yohane 18:4

Shi m ungwa imo igen due Sha kaa er: Nongoior Wam, due nen ken a na kera sha er né nyôr nongo sha asorabo a na ga, shi né ngohol atsan a tseren un la kpaa ga yô.

Rutu 4:1

Tsô Boashi mough za hen hundagar, za tema her; yô, orpaan u Boashi ter kwagh na la, gba va karen; a gema a kaa er: We, via la, va va tema heen yôô. Tsô a va, a va tema inya.