Sekaria 2:13 - ICIGHAN BIBILO

¹³ Huan nen ving sha ishigh ki TER, ne uuma cii; gadia A mough hen icighanjiir Na.

Sekaria 2:13 Iomraidhean Croise

2 Kroniku 30:27

Tsô upristi man Mbalevi mough, ver ior doo doo. Nahan i ungwa imo ve, msen ve kpaa kôndo ar sha icighanjiir Na u teman, za ar Sha je.

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Upasalmi 46:10

De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Upasalmi 78:65

Tsô Ter nder er ka or u nan nder mnya nahan, man er orageegh u msôrom ma ker nan nan genger imo yô.

Yesaia 14:2

Akuraior a sha won aa kua a ve aa yem a ve ken tar ve; ya u Iserael kpaa una ya dyako sha ve ken tar u TER, vea hingir ve ikpan i nomso man i ukase, vea kôr mba ngise ve kôr ve la, vea tema tor sha mba ngise ve kighir ve la.

Yesaia 19:16

Sha iyange la Mbaigipiti vea hingir er kasev nahan, vea gbidye akarkase iyol, vea cia kpaa, sha ci u mkundu u uwegh ku TER u akum a Sha ku A kundu sha a ve la.

Yesaia 41:1

Ne ityar i shin kpe u zegemnger, ver nen ato sha Mo ving; akuraior a̱ hide a agee a a her; ve̱ kporom, ve̱ ôr kwagh; sé za nen imôngo hen ijirôron.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 57:5

Ne mba asaren a iyolough a mgbegh ne hen ikon i terebin, shin itine i hanma kon u ndor yô; ne mba ne woo mbayev shin pev, shin ikwe i avande kpaa.

Yesaia 63:15

Hen ijiir You i teman i tseghan kua i icivirigh la, shir ashe shin, nenge. Gbashima Wou kua aeren a Ou a utaha nga hana? Mhôônom Ou ma kôron tsung ma ken ishima kua mhôônom Ou ma zungwen la kera ma a mo ga.

Yeremia 25:30

Nahan we yô, ôr kwaghôron u profeti ne cii sha a ve, kaa a ve wer: TER Una ta kume Sha, Una kende imo Na hen icighanjiir Na u teman la; Una ta kume tsung a ikumuile Na; Una genger imo a mba ve tem sha won cii, bee er ka mbashoghol atam a wain nahan.

Habaku 2:20

Kpa TER ngu ken icighantempel Na; yô, tar cii u̱ huan ving sha ishigh Nagh.

Sefania 1:7

Huan ving sha ishigh ki Ter AÔNDO! gadia iyange i TER mgbôghom; gadia TER sôr nagh ku sôngon, A tsegha mbavannya Nav.

Sefania 2:9

Nahan yô, TER u akum a Sha, Aôndo u Iserael ngu kaan nahan er: Er M lu u uma yô, mimi je, Moabi una hingir er Sodom, man Mbaamon er Gomora nahan, ijiir i imo menden her man ahungwa a bar, man ice gbem sha won; asande a ior Av aa sar ve, man asande a ikurior Yam a a shi her la aa ngohol ve.

Sefania 3:8

Nahan yô, keghem nen, kape TER A kaa la, zan zan sha iyange i Me mough sha u yan ishar la; gadia awashima Wam yô, ka u kohol akuraior, sha u Me kohol ityartor ijiir i môm, sha u Me haa iyugh Yam sha a ve, ka ishimavihin Yam cii je la; gadia sha usu u iwuhe Yam la, tar cii ua hia kera.

Sekaria 4:9

Ave a Serubabel tim imagh ki iyou ne, shi ka ave na kpaa aa kure i ye, tsô né fa er i lu TER u akum a Sha a tindim her a ven yô.

Sekaria 6:15

Mba ve lu ica je vea va, vea va wase u maan tempel u TER, tsô nea fa er i lu TER u akum a Sha A tindim her a ven yô. Kwagh ne una kure sha mi vough, aluer nea wa imo i TER, Aôndo wen, iko a ishima i môm yô.

Mbaromanu 3:19

Se fa, hanma kwagh u atindi a lu ôron yô, nga ôron a mba ve lu sha ikev i atindigh la sha u ilyam a̱ tôndo hanma or zwa man tar cii u̱ ya ibo sha ishigh ki Aôndo.

Mbaromanu 9:20

We or, u ngu di nyi ve u hendan kwagh a Aôndo, kwagh u i er un a er la una fatyô u kaan a u a er un la er: Ka nyi u erem nahan, kpa?

Duteronomi 18:21

Kpa aluer u kaa ken ishima you wer, á er nan man sé fa kwagh u i lu TER A kaa un ga laa?

Duteronomi 18:22

Yô, zum u ma profeti nana ôr kwagh ken iti i TER man kwagh la una er nahan ga, man una lu nahan kpaa ga yô, kwagh la, TER kaa un ga; profeti la gba ôron un sha icihi tsô; yô, de cie nan ga.

Duteronomi 26:15

Sha icighanjiir Wou u teman u Sha la, shir ashe Ou nenge, man ver ior Ou Iserael doo doo kua tar u U ne se er U bum a uter asev yô, tar u u dumbur a atumbabua man iyough ne.