Sekaria 2:10 - ICIGHAN BIBILO

¹⁰ Wa icam, ember, we wankwase u Shion; gadia nenge, M ngu van, Me tema ken atô wou, kape TER A kaa ne.

Sekaria 2:10 Iomraidhean Croise

Upasalmi 40:7

Tsô m kaa mer, nenge, m va ve, ka ken ihurenruamabera i nger kwagh wam ye.

Upasalmi 68:18

U kôndo U yem Sha, U yem a mbakwarev uikangen, U ngohol uiwua hen ior, een, zan zan hen mbahendan kpaa, sha er TER Aôndo Una tema a ve imôngo yô.

Ekesodu 29:45

Man Me tema a ônov mba Iserael imôngo, Me lu Aôndo ve kpaa.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 35:10

Mba TER A paa ve la vea hide, vea va a icam i wan hen Shion; iember i tsôron ia lu ve sha ityou; vea zua a msaanyol kua iember, ishima i vihin kua ishima i shirin ia yevese kera.

Yesaia 37:22

ka kwaghôron u TER A kaa sha a na ne, er: Iniunkwase, wankwase u Shion ngu lahan we, ngu sen we sha ilyahan; wankwase u Yerusalem ngu jingir ityough ken ijime you.

Yesaia 42:10

Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Yesaia 48:20

Due nen ken Babilon kera, yevese nen Mbakaldi; pase nen sha imo i icam je, kaa nen kwagh ne, yôô nen un zan zan ikighir i tar, kaa nen ner: TER paa wanakiriki Na Yakob.

Yesaia 51:11

Mba TER A paa ve la vea hide, vea nyôr ken Shion a atsam zwa, iember i tsôron ia lu ve sha ityo, vea zua a iember kua msaanyol, ishimavihin man ishimashirin ia yevese kera.

Yesaia 52:11

Mough nen, mough nen, due nen ken ijiir la kera, de benden nen ma kwagh u hôngorough ave ga; due nen ker atô na kera; wanger nen ayol a en, ne mbatôôn ikav mbi TER.

Yesaia 54:1

Wa atsam, we ikômkwase u u mar ga ne, hii ember sha atsam; genger imo, we u u toghor mar ga ne; gadia ônov mba kwase u a lu tseeneke la, hemba ngeen a mba kwase u lun a nom, kape TER A kaa la.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 66:14

Nea nenge nahan, man ishima yen ia ember, akuhe a en aa hingir gese gese er gwergwer nahan, man á fa er uwegh ku TER ku lu a mbayev Nav yô, man Una yuwe a mbaihomov Nav.

Yeremia 30:19

Tsô á ungwa imo i iwuese ken a ve kua imo i mba ve lu sar sar yô; man shi Me seer ve vea ngee, vea kera ndahar ga; Me shi Me kende ve sha, vea kera lu kwagh u ikoogh ga ze.

Yeremia 31:12

Vea va man vea wa atsam sha igungu u Shion, vea sen gudu gudu hen mdoom ma TER, hen alakema man zar u wain, man hen mkurem, man hen agum a iyôngo man a ibua; uma ve una hingir er sule u i urun u mngerem yô, vea kera shi lu gbuu mayange je ga.

Yeremia 33:11

imo i iember ker, man imo i sar sar, man imo i orkwasehe man imo i kwasehe man imo i mba ve kaan er: Wuese nen TER ka u akum a Sha, gadia TER ka u doon je, gadia erdoo Na ngu zan zan gbem sha won. Ka imo i mba ve ve a iniav mbi ishughun ken iyou i TER je la. Gadia Me gema mlu u tar la, ua hingir er tsuaa nahan, kape TER A kaa ne.

Esekiel 37:27

Ijiir Yam i teman ia lu hen ve; Me hingir Aôndo ve, ve kpaa vea hingir ior Av.

Esekiel 48:35

Ikasen na cii lu aseva dubu pue kar dubu anigheni hii sha iyange la je á yila gar la iti er, Yehova-shama (TER ngu ker).

Levitiku 26:12

Me zende hen atô wen, Me lu Aôndo wen, ne né lu ior Av.

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Sekaria 1:16

Nahan yô, TER ngu kaan nahan er: M hide hen Yerusalem a mhôônom ma zungwen; á maa iyou Yam ker, kape TER u akum a Sha A kaa ne; á samber kor u karen sha Yerusalem cii.

Sekaria 14:5

Nea yevese nea kar shin pev u iwo Yam; gadia pev u iwo la una ar hen Asel je; nea yevese er lu ne yevese mtenger u tar sha ayange a Ushia tor u Yuda la nahan; tsô TER Aôndo Wam Una va a uicighan Nav cii.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Sekaria 2:5

Gadia TER ngu kaan nahan er: Mo Me hingir un gilgar u usu, á kase un á tser, man Me hingir un kwagh u icivirigh ken atô na.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

Duteronomi 28:64

TER Una samber a we ken akuraior cii, hii hen ikighir i tar ne zan zan za ar ken ikighir i tar ngila; keela yô, né za civir mbaaôndo mbagenev mba we kua uter ou ne fe ve ga la, ikon man awen.

Mbafilipi 4:4

Ember nen ken Ter gbem, shi me kaa mer, ember nen.

Mpase U Yohane 2:1

Nger hen ortyom u nongo u Kristu u ken Efese wer: Un u A ker asan ataankarahar ken uwegh Nagh ku yanegh shi A lu zenden ker atô u udaarmbaamengerev mba zenaria mba utaankaruhar la, ngu ôron akaa ne nahan er:

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.