Sekaria 14:9 - ICIGHAN BIBILO

⁹ TER Una tema tor sha tar cii; sha iyange la TER Una lu môm man iti Na kpaa ia lu i môm.

Sekaria 14:9 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Upasalmi 67:4

Akuraior a̱ ember, a̱ wa icam i wuese, gadia U er ior ijir sha mimi, man U hemen akuraior a shin tar. Sela.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 86:9

Tere, akuraior a U er cii, aa va, aa va gure U inya, aa civir iti You kpaa.

Upasalmi 97:1

TER tema tor; yô, tar u̱ ember tsung; i̱ doo ityar i hen kpezegemnger la cii iyol.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Amoshi 9:12

sha u ve̱ ngohol asande a Edom a a shi her man akuraior a i yer a sha iti Yam cii, kape TER u A er kwagh ne, A kaa la.

Obadia 1:21

Mbayiman vea unde sha uwo u Shion sha u ôron uwo u Isou ijir; nahan tartor ua hingir u TER.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Habaku 2:14

Gadia tar ua mgbough a mfe u iengem i TER, er mngerem ma ngee ma cir zegemnger nahan.

Sefania 3:9

Gadia hen shighe la Me gema zwa u ior ua hingir zwa u wang, sha u ve cii ve̱ yila sha iti i TER, man ve̱ er Un tom sha ishima i môm yô.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Malaki 1:14

Ifan i̱ kôr orcugh, u ka nan lu a nomile ken ikumuile i nan la, man nan tôndo zwa je, kpa nan gema nan na TER nagh sha kwagh u lun a ihogholough iyol; gadia Mo M ngu Zegetor, kape TER u akum a Sha A kaa ne, iti Yam kpaa cier iyol ken akuraior.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Duteronomi 6:4

Yô, ver ato Iserael: TER, Aôndo wase, ka TER, tswen, je!

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

1 Samuel 2:10

Mba ve hendan a TER yô, á her ve, Una dura Sha, sha a ve; TER Una ôr akighir a tar ijir, Una na tor Na agee kpaa, Una kende a korough ku or Na u i shigh un mkurem la, sha.