Sekaria 14:7 - ICIGHAN BIBILO

⁷ Á lu iyange i môm i TER A fe i yô; á lu atetan ga, á lu tugh kpaa ga; kpa á va hingir aikighe yô, iwanger ia lu.

Sekaria 14:7 Iomraidhean Croise

Upasalmi 37:18

TER fa ayange a mba ve lu jighilii, dyako ve una lu gbem;

Yesaia 11:9

Vea vihi kwagh ga, vea tim kwagh sha icighanwo Wam cii kpaa ga, gadia tar ua mgbough a mfe u TER er mngerem ma ngee shin zegemnger nahan.

Yesaia 24:23

Zum la kunya ua kôr uwer, ua hingir nyian, iyange kpaa kunya ua kôr i; gadia TER u akum a Sha Una tema tor sha uwo u Shion kua ken Yerusalem kpaa, man sha ishigh ki mbatamen Nav yô, iengem ia lu.

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Yesaia 58:10

aluer ú na mbagenev kwagh u we kpaa a doo u la, man ú na icanor nan ide, nahan iwanger you ia wanger ken ime, ime You kpaa ia hingir er ka atetan nahan;

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 30:7

Wuu! Gadia iyange shon gba ikôr je gande agen cii; ka shighe u ican i Yakob je la; kpa á yima un sha i.

Daniel 12:4

Kpa we Daniel cir akaaôron man ver ikav sha ruamabera ne zan zan sha shighe u mkur; ior kpishi vea zende wue wue man mfe kpaa una seer.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Amoshi 8:9

Tsô sha iyange la, kape Ter AÔNDO A kaa ne: Me er iyange ia mire iyange sha tembe, Me wa tar ime atetan.

Mateu 24:36

Kpa kwagh u iyange la man shighe la yô, ma or fa ga, shin mbatyomov mba Shaav shin Wan kpaa ga, saa Ter tseegh.

Marku 13:32

Kpa iyange la man ihwa la yô, ma or fa ga, shin mbatyomov mba Shaav shin Wan kpaa ga, saa Ter tseegh.

Aerenakaa A Mbaapostoli 1:7

Kpa A kaa a ve er: U ne fa ashighe man a-an a Ter A ver sha tahav Nav, Un mtswen la yô, kwagh wen ngu sha mi ga.

Aerenakaa A Mbaapostoli 15:18

er i vande fan hii sha igbetar je.

Aerenakaa A Mbaapostoli 17:26

Ka sha u môm je man A er akuraior cii ye, sha u ve̱ tema sha won cii er A vande veren ve ashighe man akighir a mtem ve yô,

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

1 Mbatesalonika 5:2

Gadia ne ayol a en ne fa doo doo, iyange i Ter ngi van er ormbaiv ka nan va tugh nahan.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 14:6

M shi m nenge ortyom u Sha ugen lu purugh sha kwavaôndo lu a Icôronloho u Dedoo u yôôn hen mba ve tem shin tar cii, hen hanma ikurior man hanma nongo man hanma zwa man hanma nongoior.

Mpase U Yohane 21:23

Kwagh gba gar la a iyange shin uwer sha u ve̱ ta ker ga, gadia iengem i Aôndo ngi wanger ker, Waniyôngo kpaa ka imenger na.

Mpase U Yohane 21:25

Ihinda na kpaa á wuhen i atetan ga, gadia tugh mbua kera ile ker je ga.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.

Mpase U Yohane 22:5

Tugh mbua kera ile ga, kwagh una kera gba ve a iwanger i imenger shin iyange kpaa ga, gadia Ter Aôndo Una ta iwanger sha a ve, vea tema tor gbem sha won.