Sekaria 14:4 - ICIGHAN BIBILO

⁴ Sha iyange la angahar a Na aa tile sha uwo u Olev u u lu Yerusalem sha ishi, vegher u sha ityoughkitaregh la; uwo u Olev ua pav her atô, hii vegher u sha ityoughkitaregh yem shin ityôtar, zegepev una lu ken atô; vegherwo u môm una yem vegher u ken imbusutarimese, ugen di vegher u ken imbusutariyan.

Sekaria 14:4 Iomraidhean Croise

2 Samuel 15:30

Tsô Davidi gba kôndon sha gbenda u unden sha uwo u Olev la, lu vaan unden, a yisa ityough nagh, lu yemen, lu a akôv shin angahar ga; ior mba ve lu a na imôngo cii ve yisa ityough vev seer seer, ve lu kôndon vaan yemen.

Esekiel 11:23

Iengem i TER mough ker atô u gar kera, va tile sha uwo u u lu gar vegher u sha ityoughkitaregh la.

Esekiel 38:20

ishu i shin zegemnger man inyon i sha, man inyamtoho, man akaa a kpelan iyav inya shin tar cii, man ior mba ve lu sha tar cii, vea gbidye akarkase iyol sha ishigh Yagh á yôhôl iwo kera, man ajiir a taven sha aa tsehe, man hanma kpekpe una yôhôl.

Esekiel 43:2

Yô, nenge, iengem i Aôndo u Iserael za va vegher u sha ityoughkitaregh; ihuran lu er ka ihuran i mngerem ma vesen nahan, tar wanger sha iengem Na la.

Habaku 3:6

A tile, A er tar tenger; A yenge, tsô akuraior sambe sha mcie, utsembaiwoov kpaa sar, uicôronmbaagunguv wa ityouv inya; igbenda Na ka i ngise je.

Sekaria 14:10

Tar la cii ua hingir shambe shambe, á hii hen Geba zan zan á za hen Rimon hen Yerusalem vegher u ken imbusutariyan la; kpa Yerusalem una tav sha, una lu hen ijiir na, á hii hen Hundagar u Benyamin zan zan á za ar hen ijiir i hunda u tsuaa la, kar za hen Hundagar u Zongo, man hii hen gôgôyou u taven u Hananel zan zan za ar hen ahungwa a shoghol wain a tor.

Sekaria 14:7

Á lu iyange i môm i TER A fe i yô; á lu atetan ga, á lu tugh kpaa ga; kpa á va hingir aikighe yô, iwanger ia lu.

Sekaria 14:8

Tsô sha iyange la mngerem ma umam maa due ken Yerusalem; tiôn u ma ugen una yem sha zegemnger u sha ityoughkitaregh man tiôn ugen shin zegemnger u shin ityôtar; fam kua inyom kpaa, á lu nahan.

Sekaria 4:7

U ngu nyi, we zegewo ne? Sha ishigh ki Serubabel ú hingir shambe shambe; una due a iwen i sha kur a amo a genger sha i er: Mrumun u sha mhôôn, mrumun u sha mhôôn.

Marku 11:23

Gadia mimi je, M kaan ne ne, hanma or u nana kaa a uwo ne er: Mough, za gba shin zegemnger man nana ta akpelan ken ishima ga, kpa nana na jighjigh er kwagh u nan kaa la una er yô, á er nan un.