Sekaria 14:21 - ICIGHAN BIBILO

²¹ Een, hanma ityegh ki ken Yerusalem man ki ken Yuda kia hingir icighankwagh u TER u akum a Sha; mbanan iniav cii kpaa, vea va tôô ki, vea jiidi kwagh shimi; sha iyange la ma Orkanaan nana kera lu ken iyou i TER u akum a Sha ga.

Sekaria 14:21 Iomraidhean Croise

Esekiel 44:9

Ter AÔNDO ngu kaan nahan er: Ma or u ityôtyev u nan tsenge ken ishima ga, man sha mlu u iyolough kpaa nan tsenge ga, u ken atôatyev cii, a a lu ken Mbaiserael la, nana nyôr ken icighanjiir Wam ga.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

Yoel 3:17

Ka nahan man né fa er M lu TER, Aôndo wen ye, M tem ken Shion, icighanwo Wam; zum la Yerusalem una hingir icighanjiir, atôatyev aa kera kar ker ga.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

1 Peteru 4:17

Gadia shighe kuma u ijir ia ngurum sha ya u Aôndo je ve. Man á lu ken ian yase ia hii yô, mkur u mbahemban Loho u Dedoo u Aôndo ato la yô, una lu nana?

Mbaheberu 3:6

Kpa Kristu yô lu jighjigh sha ya Na, lu Wan je. Man ka se se lu ya Na ye, aluer se kôr ave gbang gbang sha vangertiôr wase man ihagh i sha ishimaverenkeghen yase la zan zan mkur yô.

1 Timoteu 3:15

sha u aluer me timbir kpaa, ú fa er i doo u eren ken ya u Aôndo, ka nongo u Kristu u Aôndo u uma je la, ka ityôgh man imagh ki mimi a suur sha mi yô.

Sekaria 14:20

Sha iyange la á nger sha amem a anyinya er: Icighankwagh u TER; ityev mbi ken iyou i TER kpaa mbia hingir er ka agbande a sha ishigh ki atse a nanden nagh sha mi la nahan.

Sekaria 7:6

Zum u ka nea yaan kwagh man nea maan kwagh la, kera ka sha ci wen ayol a en tsô ka ne yaan man ne maan gaa?

Hosea 12:7

Ka orkasua je, uikaren mba icughuv mba sha uwegh nagh; u ngohol mtsera ganden ikaa inya doo un.

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Yesaia 4:3

Or u nan shi ken Shion man u nan lu ken Yerusalem her yô, á yila nan er, icighanor, ka hanma or u i nger nan ken mbaumav ken Yerusalem la,

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Yesaia 52:1

Nder, nder, we Shion, wa agee a ou iyol, haa akondo a ou a dedoo, we Yerusalem, icighangar; gadia ken hemen yô, oripusu man orhôngorough vea kera nyôr ken a we ga.

Esekiel 45:1

Man shi zum u né kar tar sha ishor i eren sha ci u dyako yô, pande nen tar la tsegha nen sha ci u TER, u̱ lu icighantiôntar; ilihen i u i̱ lu aseva dubu ikundu kar utaan man igbanger i u i̱ lu aseva dubu ikundu; ua hingir icighankwagh zan zan ikighir i u jimin cii.

Sefania 1:11

Vaa nen, ne mba ne tem ken Maketeshi, gadia ior mba teen kasua cii saa ishe; mba ve karen myohom ma azurfa cii i tim ve kera.