Sekaria 14:2 - ICIGHAN BIBILO

² Gadia Me kohol akuraior cii á va nôngo ityav a Yerusalem, á ngohol gar la, á kura akaa a ken ayou, á nzughul a kasev; vegher u gar á yem a ve uikangen; ior mba vea shi la, á tim ve ken gar la kera ga.

Sekaria 14:2 Iomraidhean Croise

Yesaia 13:16

Á hyer anikundanev vev hen inya sha ashe ve, á sar uya vev, á nzughul a kasev vev kpaa.

Yesaia 4:3

Or u nan shi ken Shion man u nan lu ken Yerusalem her yô, á yila nan er, icighanor, ka hanma or u i nger nan ken mbaumav ken Yerusalem la,

Yesaia 5:26

Man shi Una kende tuta sha, sha ci u ikurior i caa je, Una yila i sha hondo u tôngon sha ikighir i tar je; tsô ia va ayem gagh je.

Yesaia 65:18

Kpa lu nen saan saan, ember nen gbem sha kwagh u M lu gban yô; gadia, nenge, M ngu gban Yerusalem Mer, a̱ lu kwagh u iember, ior nav kpaa ve̱ lu saan saan.

Yeremia 21:4

TER, Aôndo u Iserael, ngu kaan nahan er: Nenge, Me hide a ikav mbi utyav mbi mbi lu sha ikev yen la ijime, mbi ne nôngo ityav a mi ken won gar a tor u Babilon, man a Mbakaldi, mba ve kase ne la, Me kohol mbi ken atô u gar ne.

Yeremia 34:1

Kwaghôron ne due hen TER va hen Yeremia, zum u Nebukadinesar tor u Babilon, man akumautya na cii, man ityartor i sha won cii i i lu sha ikev na la, man ior cii, ve lu nôngon ityav a Yerusalem man a agar a na cii la, er:

Ukwelegh 1:10

Orhendan naregh uwegh nagh sha akaa a na a dedoo cii; gadia a nenge er atôatyev nyôr ken ichighanjiir na la, u U yange wer, a̱ de nyer ken mkohol Wou ga yô.

Esekiel 5:8

nahan yô, Ter AÔNDO ngu kaan er: Nenge, Mo je kpaa, M ngu num a we, Me ôr ijir ker atô wou sha ishigh ki akuraior.

Yoel 3:2

Me kohol akuraior cii, Me sen a a shin pev u Yehoshafati, Me ôr a ijir shimi, sha kwagh u ior Av man sha kwagh u dyako Wam, Iserael, u ve sambe a mi ken akuraior, man ve gema ve kar kwar sha tar Wam la.

Yoel 3:9

Yôô nen kwagh ne hen akuraior: Kohol nen iyol i utya; nder nen anomaior, ve̱ mough sha; mbautyav cii ve̱ kporom, ve̱ va.

Amoshi 7:17

nahan yô, TER ngu kaan nahan er: Kwase wou una hingir idyakwase ken gar, ônov ou mba nomso man mba kasev á wua ve sha sanker, sule wou kpaa á kar kwar a mi sha kor u karen kwagh a min; we iyol you kpaa ú kpe ken tar u hôngorough, Iserael kpaa á kura un ken tar na kera, á yem a na uikangen.

Sekaria 12:2

Nenge, M ngu eren Yerusalem a̱ hingir iyongo i nan ior mba ve kase un la cii, ve̱ hingir zemba ze zemba; man sha Yuda kpaa ia lu nahan, zum u á kase Yerusalem sha utya la.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Sekaria 12:9

Tsô sha iyange la Me ker u timin akuraior a a mough num a Yerusalem cii.

Mateu 22:7

Nahan tor la yuwe, a tindi akumautya na a za tim mbawuanior mbala, a nande gar ve.

Marku 13:14

Kpa zum u nea nenge kwaghndôhôrshima u nan mtim la una tile hen ijiir i i doo u ma a til ga yô,—or u ôron kwaghngeren ne nana̱ kav—zum la, mba ve lu ken Yudia, ve̱ nyôngoso ve̱ yem sha iwo.

Marku 13:19

Gadia sha ayange la, ican ia lu, imbacan i hii er Aôndo gba tar je zan zan ainge ne i lu a vande eren nahan ga yô, mayange ia kera shi er nahan kpaa ga.

Luka 2:1

Tsô sha ayange la tindi due hen Shisar Agusetu er i̱ nger ior mba ve lu sha won cii.