Sekaria 14:11 - ICIGHAN BIBILO

¹¹ Ior vea tema ker, mtim u sha ifan i wan una kera lu ga, Yerusalem una tema bem bem.

Sekaria 14:11 Iomraidhean Croise

Yesaia 26:1

Sha iyange la á wa icam ne ken tar u Yuda er: Se mba a gar u taver; A ver myom er, a̱ lu gilgar kua akpagar.

Yesaia 60:18

Mayange á kera ungwa iperakwagh ken tar wou ga, shin myôhôr shin mtim ken ipaventar wou kpaa ga; wea yila ugilgar ou wer Myom, man ihindagar you kpaa wer Iwuese.

Yesaia 66:22

Gadia er Sha u he man tar u he, mba Me er ve la, vea lu sha ishigh Yagh gbem nahan, kape vor wen man iti yen vea lu gbem je la, kape TER A kaa la.

Yeremia 31:40

Pev u akom cii man u mtwe man akôngo la cii zan zan á ar hen uwagh u Kideron, hen iniuugh ki Hundagar u Nyinya vegher u sha ityoughkitaregh la, vea hingir TER icighankwagh; á kera wuhe ve man á kera yôhôl ve sha won kpaa ga.

Yeremia 32:37

Nenge, Me kohol ve ken ityar cii, i M zende ve ve yem ker sha ishima Yam i vihin, man sha iyugh Yam i tsung kua ishimavihin Yam la; shi Me va a ve hen ijiir ne Me ver ve vea tema bem bem;

Esekiel 37:26

Man shi Me ya ikur i bem a ve, ia lu ikuryan i tsôron a ve; Me ver ve her, Me na, vea ngee, man Me ver icighanjiir Wam ken atô ve gbem sha won.

Yoel 3:17

Ka nahan man né fa er M lu TER, Aôndo wen ye, M tem ken Shion, icighanwo Wam; zum la Yerusalem una hingir icighanjiir, atôatyev aa kera kar ker ga.

Yoel 3:20

Kpa Yuda yô, una lu gbem sha won man Yerusalem kpaa una lu sha ikov ikov.

Amoshi 9:15

Me môôr ve ken tar ve, á kera wuhe ve ken tar ve u M ne ve la kera mayange ga, kape TER, Aôndo wou, A kaa ne.

Sekaria 12:6

Sha iyange la Me er mbahemenev mba Yuda vea hingir er gbande u lun a usu ken atô u ikon, man er ikaghusu ken atô u aile a uyia nahan; vea nande akuraior a a kase ve la cii ken iyan kua ken imese kpaa; Yerusalem una lu her hen ijiir na, ka hen Yerusalem je la.

Sekaria 2:4

a kaa a u masen van la er: Za ayem, za ôr kwagh a wanyekwaor la, kaa wer: Yerusalem una lu er agar a lun a ugir ga nahan, sha ci mngee u ior man uzendenya mba ve lu kimi yô.

Sekaria 8:13

Tsô, er ne lu a ifan iyol ken akuraior nahan, we, ya u Yuda man ya u Iserael, kape Me yima ne la, man nea hingir iveren; de kera cie nen ga, taver nen ave a en.

Sekaria 8:4

TER u akum a Sha ngu kaan nahan er: Utamenmbaiorov man ungômbakasev, shi vea tema sha igbenda i Yerusalem, hanma or nana lu a gbough ku nan ken uwe sha ci u ayange kar ve sha won ngee.

Sekaria 8:8

Me hide a ve, vea va tema ken atô u Yerusalem, vea hingir ior Av, Mo kpaa Me hingir Aôndo ve ken jighjigh man ken perapera.

Numeri 21:3

Tsô TER ungwa imo i Iserael, A na Mbakanaan sha ikev ve, ve tim ve purututu kua agar a ve cii; maa i ii ijiir la iti er Horma.

Duteronomi 33:28

Nahan Iserael tema bem bem. Imbor i Yakob tema kposo, ken tar u alakema man wain; a er, Usha nav mba nôndon avure.

Mpase U Yohane 21:4

Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.

Mpase U Yohane 22:3

Ma kwagh u i we un ifan una kera lu ga, kpa ikônough ki torough ki Aôndo man ki Waniyôngo kia lu ker, mbatomov Nav vea civir Un.