Sekaria 14:10 - ICIGHAN BIBILO

¹⁰ Tar la cii ua hingir shambe shambe, á hii hen Geba zan zan á za hen Rimon hen Yerusalem vegher u ken imbusutariyan la; kpa Yerusalem una tav sha, una lu hen ijiir na, á hii hen Hundagar u Benyamin zan zan á za ar hen ijiir i hunda u tsuaa la, kar za hen Hundagar u Zongo, man hii hen gôgôyou u taven u Hananel zan zan za ar hen ahungwa a shoghol wain a tor.

Sekaria 14:10 Iomraidhean Croise

1 Utor 15:22

Tsô tor Asa lôhô Yuda cii, i tsegha ma or môm ga, ve kura awen a Rama man ikpande i Baasha maa a mi la, nahan tor Asa za maa Geba u Benyamin man Misepa a min.

2 Utor 14:13

Yoashi tor u Iserael kôr Amashia tor u Yuda, wan u Yoashi, wan u Ahashia, hen Bete-shemeshi, kar va ken Yerusalem, va hembe gilgar u Yerusalem, hii hen Hundagar u Eferaim zan zan ar hen Hundagar u Zongo, ka aseva deri unyiin je la.

1 Kroniku 4:32

Angarev vev yô, lu Etam man Ain man Rimon man Token man Ashan, lu agar ataan;

1 Kroniku 6:77

Mbalevi mba ve shi ken ônov mba Merari la, i na ve agar ken kwe u Sebulon, ka: Rimon a akôngo a na, man Tabor a akôngo a na;

2 Kroniku 25:23

Yoashi tor u Iserael kôr Amashia tor u Yuda wan u Yoashi wan u Yehoahashi hen Bete-shemeshi, va a na ken Yerusalem, va hembe gilgar u Yerusalem, hii hen Hundagar u Eferaim je zan zan ar hen Hundagar u Zongo, ka aseva deri unyiin je la.

2 Kroniku 26:9

Shi Ushia maa ayou a taven gôgônan ken Yerusalem hen Hundagar u Zongo la, man shi hen Hundagar u Pev la, kua hen iniuugh ki gilgar, a taver ve sha ikav mbi utyav.

Nehemia 12:39

man sha Hundagar u Eferaim man Hundagar u Tse man Hundagar u Ishu man gôgôyou u taven u Hananel man gôgôyou u taven u Hamea kpaa, zan zan ar hen Hundagar u Iyôngo; hen Hundagar u Orkuran yô, ve tile her.

Nehemia 3:1

Tsô zegepristi Eliashibi mough a anmgbianev nav upristi imôngo, ve maa Hundagar u Iyôngo, ve wanger u, ve zer ucivir mba u, ve wanger u zan zan ve ar hen gôgôyou u taven u Hamea, man zan zan ar hen gôgôyou u taven u Hananel.

Yesaia 10:29

ve kar hen huwawoogh, ve va tsa hen Geba; Rama ngu gbidyen ikarikase iyol, Gibea u Saulu yevese.

Yesaia 2:2

Sha ayange a masetyô yô, uwo u iyou i TER ua tile dông, ua tav sha ua hemba iwo cii, á kende u sha, ua hemba agungu; akuraior cii aa kôndo sha u iuu.

Yeremia 20:2

nahan Pashur gbidye profeti Yeremia man a za mande un igbe i i lu hen Hunda u Benyamin u sha u hen iyou i TER la.

Yeremia 30:18

TER ngu kaan nahan er: Nenge, Me gema mlu u utenti mba Yakob, uya nav vea kôrom mhôônom, á maa gar na sha ice na, man iyou i tor kpaa sha ijiir i i la vough je.

Yeremia 37:13

Zum u a lu hen Hundagar u Benyamin yô, orhemen u mbakuran lu her, iti na er Iriya wan u Shelemia, wan u Hanania, a kôr profeti Yeremia er: U ngu meen yemen hen Mbakaldi.

Yeremia 38:7

Kpa zum u Ebedi-meleki Oretiopia, ortom u ken ya u tor, ungwa er ve gbihi Yeremia ken ihungwa yô—hen shighe la tor tema ken Hundagar u Benyamin—

Amoshi 9:11

Sha iyange la Me mough a ityumbe i Davidi i lu i yôhôl la sha, Me maa ajiir a na a hemben; Me mough a atse a na sha, Me shi Me maa un er sha ayange a tsuaa la nahan;

Mika 4:1

Kpa sha ayange a masetyô la, á ver uwo u ya u TER sha ityough ki iwoov, á kende a u sha, ua kar agungu; akuraior aa ur yemen her;

Sekaria 12:6

Sha iyange la Me er mbahemenev mba Yuda vea hingir er gbande u lun a usu ken atô u ikon, man er ikaghusu ken atô u aile a uyia nahan; vea nande akuraior a a kase ve la cii ken iyan kua ken imese kpaa; Yerusalem una lu her hen ijiir na, ka hen Yerusalem je la.

Sekaria 2:4

a kaa a u masen van la er: Za ayem, za ôr kwagh a wanyekwaor la, kaa wer: Yerusalem una lu er agar a lun a ugir ga nahan, sha ci mngee u ior man uzendenya mba ve lu kimi yô.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Yosua 15:32

man Lebaoti man Shilhim man Ain kua Rimon; agar ne cii nga ikundu kar ataankaranyiin kua agar a kiriki a a kase a la.

Yosua 21:17

Ken kwe u Benyamin yô, ka Gibeon kua akôngo a na, man Geba kua akôngo a na,

Mbaajiriv 20:45

Ve gema ijime, ve yevese, ve yem ken desereti hen vande u Rimon; ve yar twar, ve wua ior dubu utaan sha uigbudu; ve zenda ve ityô zan zan za ar hen Gidom, shi ve wua ve ior dubu uhar.

Mbaajiriv 20:47

Kpa ior deri ataratar gema yevese yem ken ikôngo hen vande u Rimon, ve za tema hen vande u Rimon iwer inyiin.

Mbaajiriv 21:13

Nahan mkohol u ior cii tindi, i za ôr kwagh a Mbabenyamin mba ve lu hen vande u Rimon la, er i hime a ve ve.