Sekaria 13:9 - ICIGHAN BIBILO

⁹ Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Sekaria 13:9 Iomraidhean Croise

2 Samuel 7:24

Shi U ver ior Ou Iserael Wer, ve̱ lu ior Ou gbem sha won; We TER, U hingir Aôndo ve.

Yobu 23:10

Gadia A fa er zende wam u lu yô; aluer Una karem kpaa, me due er zenaria nahan.

Yobu 28:1

Gadia ijiir i azurfa a dugh her, ngi, shi ijiir ngi sha ci u zenaria u i ser un la kpaa.

Upasalmi 144:15

Saan ior mba ve lu a imbamlu ne iyol je, een, saan ior mba TER A lu Aôndo ve la, iyol. Ka Pasalmi u iwuese, u Davidi

Upasalmi 43:4

Nahan me za hen atse a Aôndo a nanden nagh sha mi, Aôndo u m-ember wam u tsung; me wuese We sha adiguve, Aôndo, Aôndo wam.

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Anzaakaa 17:3

Adum ngu sha ci u sôron azurfa je, man usu u iwaagh kpaa ngu sha ci u zenaria, kpa TER yô, karen asema.

I Solomon 2:16

U a doom ishima la, ka u wam je, mo kpaa m ngu u na; ngu kuran ilev nav henpe uimondon mba ityombo ve lu yô,

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Yesaia 48:10

Nenge, M wanger we, kpa ka er azurfa nahan ga; M kar u ken atse a usu u ican.

Yesaia 58:9

Nahan wea yila, TER kpaa Una rumun; wea genger imo kpaa, Una kaa er: Mo ne. Aluer wea dugh igbur i hen a we la kera, man shi hôwe u dughun sha ilyahan kua u ôron kwagh sha ifer kpaa yô;

Yeremia 24:5

TER, Aôndo u Iserael, ngu kaan nahan er: Er atam a tur a dedoo a lu nahan, kape Me wa Mbayuda mba i yem a ve uikangen la iko, mba M tindi ve, ve mough hen ijiir ne, ve yem ken tar u Mbakaldi la, sha u eren a ve dedoo.

Yeremia 30:22

Nea lu ior Av, Mo kpaa Me lu Aôndo wen.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Yeremia 32:38

vea hingir ior Av, Mo kpaa Me gema Me hingir Aôndo ve;

Yeremia 9:6

Ya wou ngu ken atô u icugh, sha ci u icugh ve yô, ve venda u fan Mo, kape TER A kaa ne.

Esekiel 11:20

sha u vea zende sha akaawan a Am man vea waan akaaôron a jirigh a Am iko, vea er sha a yô; vea hingir ior Av, Mo kpaa Me lu Aôndo ve.

Esekiel 14:11

sha u ya u Iserael a̱ de kera tsumen undun Mo ga, man ve̱ de kera hôngor ayol a ve sha afer a ve cii la ga; kpa ve̱ hingir ior Av, Mo di kpaa Me hingir Aôndo ve, kape Ter AÔNDO A kaa ne.

Esekiel 20:38

man Me yegher mbahendan kwagh ker atô wen kera kua Mbaperen atindi a Am kpaa; Me due a ve ken tar u ve lu shir ker la, kpa vea nyôr ken tar u Iserael ga, man nea fa er Mo M lu TER ye.

Esekiel 36:28

Né tema ken tar u M na uter enev; né hingir ior Av, Mo kpaa, Me hingir Aôndo wen.

Esekiel 37:27

Ijiir Yam i teman ia lu hen ve; Me hingir Aôndo ve, ve kpaa vea hingir ior Av.

Daniel 11:35

Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Daniel 12:10

Mbagenev kpishi vea wanger ayol a ve, vea tsegha ayol a ve, vea lu wang; kpa mbaaferev yô, vea er aferakaa; mô môm ken mbaaferev nana kav ga; kpa mba ve lu a kwaghfan yô, vea kav.

Yoel 2:32

Nahan yô, á hingir u hanma or u nan yer sha iti i TER yô, nana war; gadia sha uwo u Shion man ken Yerusalem á zua a mbawaren, er TER lu kaa yô; ka ken mbawaren mbala á zua a mba TER Una yila ve ye.

Levitiku 26:12

Me zende hen atô wen, Me lu Aôndo wen, ne né lu ior Av.

Sekaria 10:6

Me taver ya u Yuda, Me yima ya u Yosev kpaa. Me hide a ve, gadia mhôônom kôrom a ve, vea hingir je á bee er lu M ta ve kera ga nahan; gadia Mo M ngu TER, Aôndo ve, Me ungwa ve kpaa.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Sekaria 8:8

Me hide a ve, vea va tema ken atô u Yerusalem, vea hingir ior Av, Mo kpaa Me hingir Aôndo ve ken jighjigh man ken perapera.

Aerenakaa A Mbaapostoli 2:21

Nahan á hingir u hanma or u nan yer sha iti i Ter yô, nana war.

Mbaheberu 8:10

Gadia ka ikuryan Yam i Me ya a ya u Iserael je ne, er ayange a ngara aa kar kera yô, kape Ter A kaa la. Me ver atindiakaa Am ken mhen ve shi ka ken asema a ve kpaa Me nger a ye. Me lu Aôndo ve ve di kpaa vea lu nongoior Wam.

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

1 Peteru 4:12

Ne mbadoon mo ishima, bocan u a ve sha a ven sha u karen ne a kar la, a̱ de kpiligh ne iyol er ka kwagh u cier iyol man a va tser ne ga.

Mpase U Yohane 21:7

Or u nan hembe yô, nana ya dyako sha akaa ne, Me lu Aôndo u nan, nan di kpaa nana lu wan Wam.

Mpase U Yohane 8:10

Ortyom u Sha u sha utar kpaa tôngo tsô zegeshan osough Sha gba, lu yeghen er ka ikaghusu nahan. A gba sha tiôn môm u ken atôôn atar a uifi man amboramnger kpaa.

Mpase U Yohane 8:11

Iti i ishan la yô, er Kon u yuan, tsô tiôn môm u ken atôôn atar a mngerem kpaa gema yua er kon u yuan la nahan. Ior kpishi kpe sha mngerem mara sha ci u ma you yô.

Mpase U Yohane 8:12

Ortyom u Sha u sha unyiin la kpaa tôngo tsô i vihi tiôn môm u ken atôôn atar a iyange, man shi tiôn môm u ken atôôn atar a a uweregh man shi tiôn môm u ken atôôn atar a asan kpaa, nahan tiôn môm u ken atôôn atar iwanger ve la gema wa ime, tiôn môm u ken atôôn atar a sev kera wanger ga, tugh kpaa nahan.

Mpase U Yohane 8:7

Tsô u hiihii la tôngo nahan awombo man usu haa shin tar i nungwa awambe sha mi, tsô tiôn môm u taregh u ken atôôn atar, hia kera, ikon kpaa, tiôn môm u ken atôôn atar hia kera, toho u ndor cii kpaa hia kera.

Mpase U Yohane 8:8

Tsô ortyom u Sha, u sha uhar kpaa tôngo nahan i kende kwagh shin zegemnger lu er ka zegewo u hian nahan,

Mpase U Yohane 8:9

tiôn môm u ken atôôn atar a zegemnger hingir awambe, maa tiôn môm u ken atôôn atar a akaauma a shin zegemnger kpe man shi tiôn môm u ken atôôn atar a utso kpaa vihi.