Sekaria 13:8 - ICIGHAN BIBILO

⁸ Tsô ken tar la cii, kape TER A kaa ne, á tim akum ahar ken atar, aa kpe; kpa ikum i sha utar la yô, ia shi her.

Sekaria 13:8 Iomraidhean Croise

Yesaia 6:13

Man aluer nahan kpaa shi môm-ken-upue una shi ker yô, shi á kar a ve ken usu; er kon u terebin man u ouki mba ka a gber ve man akpughur a ve a shi her la, kape icighantsombor una lu ikpughur her la.

Yesaia 66:24

Vea due vea za kenger akom a ior mba ve hendan a Mo la, gadia ijôô ve ia kpe ga, man usu ve kpa á pir u ga; vea hingir kwagh u ndôhôr uumace cii ishima.

Yeremia 30:11

Gadia M ngu a we je, kape TER A kaa ne, sha u yiman we; gadia Me tim akuraior cii, a M sambe u ken a la; kpa we yô, Me tim u cii ga, kpa me tsaha u akuma akuma, Me gba den we nahan tsô ga.

Esekiel 20:38

man Me yegher mbahendan kwagh ker atô wen kera kua Mbaperen atindi a Am kpaa; Me due a ve ken tar u ve lu shir ker la, kpa vea nyôr ken tar u Iserael ga, man nea fa er Mo M lu TER ye.

Esekiel 5:12

Kwe wou u môm ken ikwe itiar ua kpe bouange, man ijen ia wua ve ker atô wou; shi kwe wou ugen ken ikwe itiar á wua u sha sanker, á ningir á tser, shi kwe ugen ken ikwe itiar Me sambe u sha ahumbe hanma ian cii, man shi Me tsuwa sanker ken ijime ve.

Daniel 9:27

Una ya ikur i taveraa a ior kpishi lahadi môm man ker atô u lahadi la una er nagh ku sha samuyia kua bunde; sha kpelegh ku akaahôngorough or u nan mtim la, una va zan zan mkur u i ver la kuma, á haa iyugh sha or u nan mtim la.

Amoshi 9:10

Á wua mbaasorabo mba ken ior Av cii sha sanker, ve mba ve kaan er: Kwagh u bo una tser se ga, una kohol se kpaa ga.

Sefania 3:12

Kpa Me undu atereghaior man atsanaior ken atô wou, vea suur sha iti i TER.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 22:7

Nahan tor la yuwe, a tindi akumautya na a za tim mbawuanior mbala, a nande gar ve.

Marku 13:20

Ka er Ter A pande ayange la kera, gayô, ma i yom ma or ga; kpa sha ci u uicuwanmbaiorov mba A tsough ve yô, á pande ayange la kera.

Mpase U Yohane 16:19

Nahan zegegar la pav ikwe itiar, agar a akuraior kpaa yôhôl kera. Aôndo umbur Zegebabilon sha u nan un iyongo i wain u iyugh Na la.