Sekaria 13:4 - ICIGHAN BIBILO

⁴ Tsô sha iyange la uprofeti vea va ahenge, hanmô ve sha mpase u sha mnenge u nan, zum u nan lu ôron kwaghôron u profeti la, nana kera cir ikondo i aivegh sha u tsughun ior ga;

Sekaria 13:4 Iomraidhean Croise

2 Utor 1:8

Ve gema ve kaa a na er: Nan ngu a ice iyol, a zer kwange u ikôv shin iwenge. Tsô a kaa er: Ka Eliya Ortishibi.

Yesaia 20:2

hen shighe la TER ôr kwagh sha ikev i Yesaia wan u Amoshi, kaa er: Za, za sagh ikondo i aivegh shin iwenge you kera man shi tsuwa akôv a ou shin angahar kpaa. Tsô a er nahan, a gba zenden idyelegh, a akôvangahar kpaa ga.

Yeremia 2:26

Er ormbaiv ka nan va ahenge zum u i ker nan nahan, kape ya u Iserael kpaa a ve ahenge la; ve man utor vev man mbatarev vev man upristi vev man uprofeti vev;

Yeremia 6:15

Ve va ahenge sha ci u ve er kwagh u ndôhôrshima yô; nahan kpaa kunya ngu ken ve côhin je ga, gadia ve fa ahenge a van kpaa ga; nahan yô, vea gba a mbagban imôngo; sha shighe u Me va tsaha ve la, vea nôngo gbev, kape TER A kaa ne.

Yeremia 8:9

Mbafankwagh va ahenge, kunda ve iyol, i kôr ve; nenge, ve venda kwaghôron u TER; nahan ka hanma inja i kwaghfan je ve lu a mini?

Mateu 3:4

Yohane ne yô, ikondo na lu i sha aive a rakumi, man shi a zer kwange u ikôv shin iwenge; kwaghyan na gema lu mbaahungwa man shi iyough i ken toho.

Marku 1:6

Yohane yô, haan ikondo i sha aive a rakumi iyol, man a zer kwange u ikôv shin iwenge, yaan mbaahungwa man iyough i ken toho.

Mbaheberu 11:37

I ta ve awen, i mee ve, i tôndo ve atôôn ahar sha jerto, i wua ve sha sanker, ve zenden ve cir akôv a iyôngo man a ivo iyol, ibanave kohol ve, ican kpaa i tser ve, i er a ve dang dang je—

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.