Sekaria 13:2 - ICIGHAN BIBILO

² Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

Sekaria 13:2 Iomraidhean Croise

1 Utor 22:22

TER pine un er: Ka sha nyi? A kaa er: Me due, me hingir jijingi u aiegh ken zwa u uprofeti nav cii. Tsô A kaa er: We, ú mee un, ú hemba un kpaa; za ase, za er nahan.

Upasalmi 16:4

Atsan aa ngee sha mba ve civir aôndo ugen la; me too nagh vegh ku man ku awambegh ga; ati ve tsô kpaa, me teren sha zwa wam ga.

Ekesodu 22:13

Man aluer á ande un a ande yô, nana̱ va a mi sha ci u shiada; kwagh u i ande la yô, nana kimbi ga.

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Yesaia 2:18

Akombo kpaa á kar a mi kera purututu.

Yesaia 2:20

Sha iyange la yô, or nana haa akombo a nan a azurfa kua akombo a nan a zenaria kera, a nan er sha ci u gulen civir a la, nana gema a, nana gbihi ijuhyev man anema,

Yeremia 29:23

sha ci u ve er kwagh u ibume ken Iserael, man ve er idya a kasev mba ior mba wan ndor a ve man ve ôr kwagh ken iti Yam sha aie je, kwagh u M ne ve zwa sha mi ga yô; ka Mo M fe, shi M eren shiada kpaa ye, kape TER A̱ kaa ne.

Esekiel 12:24

Gadia mpase u icughugh una kera lu ga, shin mtsengeôron kwagh u sha zwanyohon ken ya u Iserael kpaa ga.

Esekiel 13:23

Nahan yô, né kera nenge a mpase u icughugh ga, man né kera tsengapasen kwagh kpaa ga; Me yima ior Av sha ikev yen; man nea fa er Mo M lu TER ye.

Esekiel 14:9

Aluer profeti shon la, nana rumun er i̱ bume nan, nana ôr kwagh yô, ka Mo TER M bum profeti la ye, Me naregh uwegh agh sha a nan, Me tim nan ken atô u ior Av Iserael kera.

Esekiel 30:13

Ter AÔNDO ngu kaan nahan er: Me tim akombo kera, Me na mbaaôndo mba gbiliniv vea bee ken Nofe; ma tor una kera due ken tar u Igipiti ga; man Me haa mciem ken tar u Igipiti.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Esekiel 36:29

Me yima ne sha mhôngor wen cii; Me yila samuyia, ua ngee, Me kera na ne ijen ga.

Esekiel 37:23

man shi vea kera hôngor ayol a ve sha akombo a ve ga, shin sha akaa a ndôhôrshima a ve kpaa ga, shin sha ma atindi a ve a peren kpaa ga; kpa Me yima ve sha mbamhirjime vev cii mba ve er isholibo sha mi la, man Me wanger ve, nahan vea hingir ior Av, Mo kpaa Me lu Aôndo ve.

Esekiel 43:7

A kaa a mo er: Wan u or, ka ijiir i ikônough Yagh ki torough je ne, man ijiir i tan angahar Am, henpe Me tema hen atô u ônov mba Iserael gbem sha won yô; ya u Iserael vea kera seer u hôngor a iti Yam i tseghan ga, shin ve, shin utor vev kpaa ga, sha idya ve man sha akom a utor vev zum u ve kpe la;

Esekiel 6:6

Ken ajiir a en a teman cii, á tim agar a vesen kera, man ajiir a taven sha la, aa hingir ice; sha u i̱ tim atse en a nan nagh sha mi la, a̱ hingir ice, man i̱ hembe akombo a en a̱ bee, man i̱ gber atse a en a nanden kwaghhumandoon sha mi la kera, man i̱ kar a ityom yen kera purututu.

Hosea 14:8

Eferaim: Ka nyi i shi i gbem a akombo? Ka Mo M ongo un shi M nengen sha a na kpaa; M ngu er kon u fer u lun shough shough nahan; ka her a Mo atam a ou a dugh ye.

Hosea 2:17

Gadia Me dugh ati a Ubaal ken zwa na kera, mayange á kera ter ati a ve ga.

Hosea 2:19

Me kange zwa a we u bunden mayange ga; een, Me kange zwa a we sha perapera, man sha ijirôron i mimi man sha erdoo man sha mhôônom ma zungwen.

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Mateu 12:43

Kpa jijingi u hôngorough ka una due ken or yô, a karen ken ajir a mngerem ma lu ga, a keren mmem, kpa a zua a min ga.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

Luka 11:20

Kpa aluer ka sha ihôwe u Aôndo M dughun ujijingi mba bov yô, tartor u Aôndo va hen a ven je ve.

Duteronomi 12:3

yôhôl nen atse a ve a nanden nagh sha mi, hembe nen mtôm ma awenem vem, nande nen Asherim ve sha usu; gber nen ieev mbi gban a gba mbi mbaaôndo vev kera; er nen iti ve i̱ hungul hen ijiir la kera.

Duteronomi 18:20

Kpa profeti u nana cihi nana ôr kwagh ken iti Yam, u M kaa a nan Mer nana̱ ôr ga, shin nana ôr kwagh ken iti i mbaaôndo mbagenev yô, profeti la nana̱ kpe.

Yosua 23:7

de nongo nen a akuraior a a shi ken a ven ne mayange ga, man de teren nen iti i mbaaôndo vev ga, de bumun ve ga, de eren nen ve tom ga, de gur civir nen ve kpaa ga;

Mpase U Yohane 18:2

A yila sha imo i genger genger a kaa er: A yôhôl ve, Zegebabilon yôhôl ve, hingir ijiir i ujijingi mba bov tsan her, shi hingir ya u hanma jijingi u hwangeregh man shi ya u inyon i hwangerev man i ndôhôr ishima kpaa.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.