Sekaria 12:8 - ICIGHAN BIBILO

⁸ Sha iyange la TER Una kumba mba ve tem ken Yerusalem; u nan lu seelee kpaa, sha iyange la nana hingir er Davidi nahan; ya u Davidi kpaa una hingir er Aôndo nahan, er Ortyom u TER nahan, sha ishigh vegh.

Sekaria 12:8 Iomraidhean Croise

Upasalmi 8:5

Gadia U er nan shi kpuaa ma nan lu er Aôndo nahan, U cir nan iengem iyol kua icivir kpaa.

Upasalmi 82:6

M kaa je Mer: Ne mba mbaaôndo; ne cii, ne mba ônov mba Uhembansha;

Ekesodu 14:19

Tsô ortyom u Aôndo u a hemen ikumior i Iserael la, mough kar hile ve ken ijime; ibeenegh ki lun er ityôgh la kpaa, mough sha hemen kar va tile ve ken ijime.

Ekesodu 33:2

Me tindi ortyom a̱ hemen we–Me zenda Mbakanaan man Mbaamor man Mbahiti man Mbaperishi man Mbahivi man Mbayebushi kera—

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yesaia 31:4

Gadia TER kaam nahan er: Er begha man gumbegha ka a ta kume sha inyam na i a woo nahan, shin á yila ikpela i mbakuranilev sha u va tan num sha a na je kpaa, una wa imo ve iko ga man una cia ayôôso a ve kpaa ga; kape TER u akum a Sha kpaa Una sen sha u va nôngon ityav a uwo u Shion kua a igungu na kpaa la.

Yesaia 33:24

Ma or u nan tem ker kpaa nana kera kaa er: Kwagh nyoon mo, ga; ior mba ve tem heregh kpaa, á de ve asorabo a ve.

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Yesaia 53:3

I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Yeremia 27:10

Ka aie ve tsengeôron ne ye, sha u karen a ven hen tar wen kera, yemen a ven ca; man sha u M̱ zenda ne ne̱ saa ishe kera yô.

Hosea 1:7

Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.

Hosea 12:3

Ken uya a kôr anngô na sha ikishinguhar, man er a kuma or yô, a nôngo wav a Aôndo;

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Yoel 3:10

Tôô nen indyuhar yen gema var nen usanker a mi, ahô a en a sôron ikon a mi kpaa, var nen awange a mi; isheeror kpaa i̱ kaa er: M taver.

Levitiku 26:8

Ior enev utaan vea zenda ior deri, ior enev deri vea zenda ior dubu pue; mbaihomov enev kpaa, vea kpe ku u sanker sha ishigh yenegh.

Mika 5:8

Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Mika 7:16

Akuraior aa nenge aa va ahenge sha agee a ve cii; vea wa ave ijô, ato a ve aa kondo.

Mika 7:8

De kera ember sha a mo ga, we orihom wam, mea gba kpaa, shi me mough; mea tema ken ime kpaa, TER Una lum iwanger.

Sekaria 10:7

Eferaim kpaa una hingir er orageegh yô, ishima ve ia ember er ka vea ma wain nahan; ônov vev vea nenge nahan, vea ember, ishima ve ia ember ken TER.

Sekaria 2:5

Gadia TER ngu kaan nahan er: Mo Me hingir un gilgar u usu, á kase un á tser, man Me hingir un kwagh u icivirigh ken atô na.

Sekaria 9:14

Tsô á nenge a TER Una kar ve sha, ivaan Na kpaa ia due er inyiar nahan; man Ter AÔNDO Una tôngo korough, Una va ken hiar u ken imbusutariyan la.

Sekaria 9:8

Me wa ya wam afo a utya, Me tser, sha u kuran un sha akumautya a a zenden karen man hiden la; ma ipilaor nana̱ de kera shi karen ker ga, gadia hegen M nenge sha ashe Am.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 11:34

ve pir usu agee a u, ve war akur a sanker, i taver ve agee ken isheer, ve hingir mbataveryol ken utya, ve zenda akumautya a akuraior agen, yevese.

Yosua 23:10

Or wen môm kpaa ka nan zenda ior dubu; gadia TER, Aôndo wen, ka Un je A nenge ityav sha ci wen ye, er lu kaa ne nahan.

Mpase U Yohane 22:13

M ngu Alefa man Omega, u hiihii man u masetyô, mhii man mkur kpaa.

Mpase U Yohane 22:16

Mo Yesu, M tindi ortyom Wam sha u a̱ er ne shiada sha akaa ne ken iniongo i Kristu. Mo M ngu mise man tsombor u Davidi man shi Ishan i sha use i engem la.