Sekaria 12:5 - ICIGHAN BIBILO

⁵ Nahan mbahemenev mba ikwe i Yuda vea kaa ken asema a ve er: Mbateman ken Yerusalem, mba agee am ken TER u akum a Sha, Aôndo ve la.

Sekaria 12:5 Iomraidhean Croise

Upasalmi 144:1

I̱ wuese TER, vande wam, u A tese ave am ityav mbi nôngon, man ahôaveegh am kpaa num u nôngon ne.

Upasalmi 18:32

Ka Aôndo u A wem agee iyol la; man A gem gbenda wam u hingir vough ye.

Upasalmi 18:39

Gadia U wam agee iyol sha u zan ityav, mba ve mough num a mo, U er ve ve shiligh hen ikum yam.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Yesaia 1:10

Ungwa nen kwaghôron u TER, ne mbavesen mba Sodom; ver nen ato sha ityesen i Aôndo wase, ne ior i Gomora!

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 1:26

Me hide a mbaajiriv ou her, er tsuaa nahan, man mbawasentor kpaa er sha hiihii nahan; ken masetyô, á yilan we er, gar u perapera, gar u mimi.

Yesaia 28:5

Sha iyange la TER u akum a Sha Una hingir asande a ior Nav a a shi her la er ka idyer i tor i icivirigh man tsar u doon ashe nahan,

Yesaia 28:6

man jijingi u ijirigh u or u nan tem sha u ôron ijir la, man agee a mba ve daan ityav sha ihinda ve hidi a mi ijime yô.

Yesaia 29:10

Gadia TER haa ne jijingi u mnyam ma mem mem, A pir ne ashe, ka uprofeti je la, man A cir ne ityouv, ka mbanengenakaa je la.

Yesaia 32:1

Nenge, tor ugen una tema tor sha perapera, atiator kpaa aa kura tar sha ijirôron i mimi.

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Yesaia 60:17

Me va a zenaria sha ityough ki togula, shi Me va a azurfa sha ityough ki iyôgh, togula sha ityough ki kon, iyôgh sha ityough ki awen. Me ver bem a̱ lu orkurantar wou man perapera a̱ lu ityoor wou.

Yeremia 30:21

Ortaregh ve á lu or u ken a ve ayol a ve, man or u nan tem tor ken a ve kpaa nana due ken a ve, Me kporom a nan, nana mgbôghom a Mo; gadia ka an je nana cihi nana kporom her a Mo? Kape TER A kaa ne.

Yeremia 33:26

nahan vor u Yakob man u Davidi wanakiriki wam la kpaa Me gbihi u kera, je Me kera tôô or ken vor na u nana̱ tema tor sha vor u Aberaham man Isaka kua Yakob ga; gadia Me gema mlu ve la, Me zungwe ve mhôônom.

Yoel 3:16

TER ngu tan kume ken Shion, ngu taver imo ken Yerusalem je; Usha man tar tenger kpa TER Una hingir ijiir i yeren i ior Nav, man garutya u Mbaiserael.

Sekaria 10:12

Me taver ve ken TER; vea zenden ken iti Na, kape TER A kaa la.

Sekaria 10:6

Me taver ya u Yuda, Me yima ya u Yosev kpaa. Me hide a ve, gadia mhôônom kôrom a ve, vea hingir je á bee er lu M ta ve kera ga nahan; gadia Mo M ngu TER, Aôndo ve, Me ungwa ve kpaa.

Sekaria 12:4

Sha iyange la, kape TER A kaa ne, Me ta hanma nyinya mciem iyol, man orhendan un kpaa Me ta nan ihundugh. Me bugh ashe Am sha ya u Yuda man Me pir hanma nyinya u akuraior cii ashe.

Sekaria 12:6

Sha iyange la Me er mbahemenev mba Yuda vea hingir er gbande u lun a usu ken atô u ikon, man er ikaghusu ken atô u aile a uyia nahan; vea nande akuraior a a kase ve la cii ken iyan kua ken imese kpaa; Yerusalem una lu her hen ijiir na, ka hen Yerusalem je la.

Sekaria 14:14

Yuda je kpaa, una nôngo ityav a Yerusalem; man á kohol inyaregh ki akuraior a a kase un la cii: zenaria man azurfa man akondo, á ngee á dumbur.

Mbaajiriv 5:9

Ishima yam ngi sha mbahemenev mba Iserael, mba ve dugh ken ior ve ne ayol a ve sha asema a ve gbar gbar yô. Wuese nen TER.