Sekaria 12:2 - ICIGHAN BIBILO

² Nenge, M ngu eren Yerusalem a̱ hingir iyongo i nan ior mba ve kase un la cii, ve̱ hingir zemba ze zemba; man sha Yuda kpaa ia lu nahan, zum u á kase Yerusalem sha utya la.

Sekaria 12:2 Iomraidhean Croise

Upasalmi 75:8

Gadia ken uwegh ku TER yô, iyongo ngi, man zar u wain u u lu shimi ngu oso hugh, i nungwa u dedoo, ka sha i je A toon ye; mimi je akase a na la yô, mbaaferev mba shin tar cii vea mase ndeer.

Yesaia 51:17

Nder, nder, mough tile sha, we Yerusalem, we u u me iyongo i iyugh sha ikev i TER; u ma iyongo i nan zuzu, u ma i ndeera.

Yeremia 25:15

Gadia TER, Aôndo u Iserael, kaa a mo nahan er: Ngohol iyongo i wain i iyugh Yam sha uwegh Agh, za na akuraior a M tindi u hen a la, a̱ ma.

Yeremia 25:17

Tsô m ngohol iyongo la hen uwegh ku TER, m za na akuraior a TER tindim hen a la cii mer, a̱ ma:

Yeremia 49:12

Gadia TER ngu kaan nahan er: Nenge, ve mba i ver ve u man iyongo ga la kpaa, vea ma kpee je, man hire we ve, ú kera zua a mtsaha ga yee? Ú war mtsaha ga, ú ma keng.

Yeremia 51:57

Me na atiator a na á hunde kua mbafankwagh nav, man ugomna nav, man mbahemenev nav, man mbautyav nav kpaa; vea gba mnyam vea saa yaven gbem sha won, vea nder ga, kape Tor A kaa ne, TER u akum a Sha ka iti Na je la.

Yeremia 51:7

Babilon vande lun iyongo i zenaria sha uwegh ku TER, i i na tar cii u hunde la; akuraior ma wain na, nahan akuraior hunde.

Yeremia 8:14

Ka nyi man se gbe teman tsôô? Kohol nen, sé nyôr nen ken agar a lun a ugir, sé za kpe nen ker; gadia TER, Aôndo wase, A na, se saa ishe, man A na se mngerem ma meghem er, se̱ ma, sha ci u se er TER isholibo yô.

Habaku 2:16

U mgbough a kunya sha ityough ki icivir; yô, we kpaa ma, kunya wou a̱ hingir ken igbar; iyongo i sha uwegh ku yanegh ku TER, á gema a i hen a we, man kunya u ndôhôrshima ua cir icivir you.

Sekaria 14:14

Yuda je kpaa, una nôngo ityav a Yerusalem; man á kohol inyaregh ki akuraior a a kase un la cii: zenaria man azurfa man akondo, á ngee á dumbur.

Sekaria 14:2

Gadia Me kohol akuraior cii á va nôngo ityav a Yerusalem, á ngohol gar la, á kura akaa a ken ayou, á nzughul a kasev; vegher u gar á yem a ve uikangen; ior mba vea shi la, á tim ve ken gar la kera ga.

Mpase U Yohane 14:10

nan kpaa nana ma wain u iyugh i Aôndo u i nongo kwagh sha mi ga i hee ken iyongo i iyugh Na la. Á er nan ican sha usu man sha sulfur sha ishigh ki uicighanmbatyomov mba Shaav man sha ishigh ki Waniyôngo kpaa.

Mpase U Yohane 16:19

Nahan zegegar la pav ikwe itiar, agar a akuraior kpaa yôhôl kera. Aôndo umbur Zegebabilon sha u nan un iyongo i wain u iyugh Na la.

Mpase U Yohane 18:6

Er nen a na vough er un kpaa a eren nahan la; or nen un iyev kwa har sha aeren a na la; nungwa nen un kwaghman kwa har shin iyongo i a lu nungwan la.