Sekaria 12:11 - ICIGHAN BIBILO

¹¹ Sha iyange la ijungwen i ken Yerusalem ia vese er ijungwen i Hadadi-rimon shin pev u Megido nahan.

Sekaria 12:11 Iomraidhean Croise

2 Utor 23:29

Sha ayange na la, Farao-neko tor u Igipiti kôndo sha u za nôngon ityav a tor u Ashiria hen ifi u Uferati; tsô tor Yoshia za nôngo ityav a na, kpa a wua un hen Megido zum u a nenge a na yô.

2 Kroniku 35:22

Kpa Yoshia rumun u geman ishigh kera den un ga, kpa a er ayom, a gema iyol sha u una nôngo ityav a na yô, a kera wa iko sha imo i Neko i i due sha zwa u Aôndo la ga, nahan a va ityav shin pev u Megido.

2 Kroniku 35:24

Tsô mbayev nav dugh un shin ikyekye na, wa un shin ikyekye na i sha uhar i a lu a mi la, ve va a na ken Yerusalem, maa a kpe; i ii un ken iwar i uter nav. Yuda cii kua Yerusalem zungwe ku u Yoshia.

Sekaria 12:12

Tar ua zungwe, hanma tsombor kposo; tsombor u ya u Davidi kposo, kasev vev kpaa kposo; tsombor u ya u Natan kposo, kasev vev kpaa kposo;

Mateu 24:30

Tsô zum la ikav i Wan u or ia due sha aôndo. Zum la akuraior a sha won cii aa ta ave sha vanger, man aa nenge a Wan u or Una lu van sha abeen a sha kwavaôndo a agee a vesen kua iengem kpaa.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.

Mpase U Yohane 16:16

Tsô ve kohol ve imôngo hen ijiir i i yer ken zwa u Heberu er Armagedon la.