Sekaria 12:10 - ICIGHAN BIBILO

¹⁰ Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Sekaria 12:10 Iomraidhean Croise

Genese 45:1

Zum la Yosev kera fatyô u wan ishima sha ishigh ki mba ve tile a na cii la ga, a genger imo, a kaa er: Karem a hanma or heen kera. Ma or kera tile a Yosev zum u a pase iyol na hen anngôôv nav la ga.

Genese 45:2

Tsô a ngor mliam, a gba vaan genger genger; Mbaigipiti ungwa, kua mba hen ya u Farao kpaa.

Upasalmi 51:12

Hidem a iember i myom Wou her, suwem, m̱ lu a jijingi u vangertiôr.

Anzaakaa 1:23

Wa nen myange wam iko, tsô me haa ne jijingi wam, me pase ne akaaôron am.

Anzaakaa 4:3

Gadia mo m lu wan u terem u mimi je, u denge denge u doon tswen ken ashe a ngôm;

Yesaia 32:15

zan zan á haa se Jijingi u Sha man desereti una hingir sule u ikon i umen atam man sule u ikon i umen atam kpaa ia hingir er ka ikô nahan.

Yesaia 45:22

Gema nen her a Mo, i̱ yima ne, ne akighir a tar cii; gadia M ngu Aôndo, mô ugen kpaa ngu ga.

Yeremia 31:19

Ken masejime u m gema la, m vaa afanyô; man ken masejime u i kôôm mo la, m gbidye uwegh sha nam, m va ahenge, een, zan zan kundam iyol, gadia m tôô iheen i iyev av je.

Yeremia 31:9

Vea va a mliam ashe je, man ka sha mzamber Me hide a ve ye. Me va a ve hen ukungômbamngerev, sha gbenda u nôô, henpe vea ta nguhar kera ga yô; gadia Mo M ngu Iserael ter je, man Eferaim ka wan Wam.

Yeremia 50:4

Sha ayange la man sha shighe la, kape TER A kaa ne, Mbaiserael vea va, ve kua Mbayuda, vea kôr gbenda vea lu vaan hiden, keren TER, Aôndo ve, kpaa.

Yeremia 6:26

We, wankwase u ior av, ta ibashôhô uya, vingir sha mtwe; zungwe, er ka i zungwe wan u a lu môm nahan, gber kwelegh, gadia ortimin ngu va burun se a bur.

Esekiel 20:43

Ka keela nea umbur igbenda yen man aeren a en cii, a ne lu hôngor ayol a en sha mi la ye; kwagh wen una ndôhôrshima sha ci u afer a en cii a ne er yô.

Esekiel 37:14

Tsô Me er Jijingi Wam ken a ven, man né lu uma, Me ver ne ken tar wen kpaa; nahan né fa er Mo TER M kaa nahan man shi M er sha mi kpaa yô, kape TER A kaa ne.

Esekiel 39:29

man shi Me kera yer ve ishigh Yagh ga, gadia M haa Jijingi Wam sha ya u Iserael, kape Ter AÔNDO A kaa ne.

Amoshi 8:10

Me gema uiniongo enev vea hingir ijungwen, atsam a en cii kpaa aa hingir kwelegh; Me na hanma or nana lu a ikondo uya man hanma ityough kia kpul; Me na ia hingir er ka mliam ma vaan wannomso u môm môm nahan, man mkur u i kpaa er ka sha iyange i vihin ishima tsung nahan.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Numeri 21:9

Tsô Mose ker iyô i togula, hambe i sha ityô; nahan or u iyô i nyom nan nan kenger sha iyô i togula la yô, nan war je.

Mateu 24:30

Tsô zum la ikav i Wan u or ia due sha aôndo. Zum la akuraior a sha won cii aa ta ave sha vanger, man aa nenge a Wan u or Una lu van sha abeen a sha kwavaôndo a agee a vesen kua iengem kpaa.

Mateu 26:75

Tsô Peteru umbur mkaanem ma Yesu kaa un la er: Ikegh ia lu a tôngo ga je tsô ú nyiman kwa tar wer, u fam ga. Tsô a due ken won, a gba za vaan tsung.

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

Aerenakaa A Mbaapostoli 10:45

Nahan mbananjighjigh mba ken mbaicôngov mba ve va a Peteru imôngo la cii, kpiligh ve iyol sha ci u i hee atôatyev iwua i Icighan Jijingi kpaa yô.

Aerenakaa A Mbaapostoli 11:15

Tsô er m hiin u ôron yô, Icighan Jijingi gba sha a ve er iyange gba sha a vese sha hiihii la nahan vough.

Aerenakaa A Mbaapostoli 2:17

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 2:37

Tsô, zum u ve ungwa kwagh ne nahan yô, sôô ve ken ishima, nahan ve kaa a Peteru kua mbaapostoli mbagenev er: Ne anmgbianev, tsô sé er nana?

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mbaromanu 8:26

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

Mbaefese 6:18

Eren nen msen hanma shighe ken Jijingi sha hanma msen man mzamber cii. Luun nen per sha mi sha ishima i taver man sha mzamber sha ci u uicighanmbaiorov cii,

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Yuda 1:20

Kpa ne mbadoon mo ishima yô, maan nen ayol a en ken icighanjighjigh wen u nan, eren nen msen ken Icighan Jijingi.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.

1 Samuel 7:2

Er areki va lu ken Kiriati-yearim la yô, shighe kar kpishi, kuma anyom ikundu je; nahan ya u Iserael cii gba vaan keren TER.