Sekaria 11:9 - ICIGHAN BIBILO

⁹ Nahan m kaa mer: Me kera lu orkuran wen ga; kwagh u a lu u kpen yô, a̱ kpe, man kwagh u a lu u saan yô, a̱ saa, mba vea shi her yô, ve̱ ya inyam ve ayol a ve.

Sekaria 11:9 Iomraidhean Croise

Yeremia 19:9

Shi Me na, vea ya inyam i ônov vev mba nomso kua inyam i ônov vev mba kasev, hanma or nana ya inyam i ikar u nan, sha mkase u i kase gar man m-imbishi u mbaihomov vev, man mba ve keren uma ve, vea imbishi ve yô.

Yeremia 23:33

Aluer ior mban, shin profeti, shin pristi, una pine u er: Ikav mbi TER ka nyi? Tsô u kaa a ve, wer: Ka ne je ne lu ikav ye! Me ta ne kera, kape TER A kaa ne.

Yeremia 23:39

sha ci u nahan yô, nenge, Me tôô ne man gar u M na ne kua uter enev la, Me ta ne sha ishigh Yagh kera;

Yeremia 43:11

Una va, una va hemba tar u Igipiti; mba i ver ve ku la vea za ken ku, mba i ver ve ikangenev la, vea za ken uikangen je, man mba i ver ve sanker la, vea za sha sanker je.

Esekiel 5:10

Nahan yô, uter vea ya inyam i ônov vev ker atô wou, man ônov di kpaa vea ya uter vev; Me ôr u ijir man shi Me sambe asande a a shi ken a we la sha ahumbe, hanma ian cii.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Sekaria 13:8

Tsô ken tar la cii, kape TER A kaa ne, á tim akum ahar ken atar, aa kpe; kpa ikum i sha utar la yô, ia shi her.

Mateu 15:14

De nen ve kera; ka mbaapirashe shi mba hemen mbaapirashe gbenda. Aluer orapirashe nana kôr orapirashe ugen aga yô, ve uhar cii vea gba shin akpa.

Mateu 21:19

Nengen a itine i tur sha kpegbenda yô, A za hen i kpa A zua a ma ityamegh sha mi ga saa ika tseegh; A kaa a i er: Mayange ú kera ume atam sha won ga. Tsô kon la maa uma gyoghokoko.

Mateu 21:43

Ka nahan man M kaan ne ye, á ngohol tartor u Aôndo hen a ven kera á na ikurior i ia ume atam yô. [

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 8:21

Tsô Yesu shi kaa a ve er: Me yem, né kerem, kpa né kpe ken isholibo yen; hen ape Me za la, ne fatyô u zan ga.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

Mpase U Yohane 22:11

Or u eren ifer yô, nana̱ seer a seer eren ifer, or u nan we ibinga yô, nana̱ seer ibinga, or u perapera yô, nana̱ seer a seer eren perapera, u nan lu icighanor yô, nana̱ seer a seer lun icighanor.