Sekaria 11:5 - ICIGHAN BIBILO

⁵ mbayamen i mba senge i, kpa ishima i ne ve ibo ga; mba ve teen i, ve kaan er: I̱ wuese TER, gadia m hingir ornyar; mbakuran i kpaa mhôônom kôr ve a i ga.

Sekaria 11:5 Iomraidhean Croise

2 Utor 4:1

Tsô kwase ugen ken kasev mba uprofeti va vaa a Elisha kaa er: Wanakiriki wou, nomom, kpe; man we kpaa u fa wanakiriki wou lu cian TER; yô, oryareninjô va er una va kuram ônov uhar, ve̱ za hingir ikpan na.

Nehemia 5:8

M kaa a ve, mer: Se yô, sha mfetyô wase yô, se paa anmgbianev asev Mbayuda, mba lu i tee ve atôatyev yam la; man ne yô, gema ne mba teen anmgbianev enev; nahan doo u ve̱ tee ayol a ve, se se̱ yama? Tsô ve huan ving, ve kera fa kwagh u vea kaa ga.

Yeremia 2:3

Iserael lu TER icighankwagh je, atam a tsutswa a iyiav Nav; mba ve ye un cii, á na ve ibo, kwaghbo una tser ve, kape TER A kaa ne.

Yeremia 50:7

Mba ve kohol ve cii ve ya ve; mbaahendanev vev kaa er: Se mba a ibo ga, sha ci u ve er TER, ijiir i teman i perapera la, isholibo, ka TER u A lu ishimaverenkeghen i uter vev la.

Esekiel 34:10

Ter AÔNDO ngu kaan nahan er: Nenge, M ngu num a mbakuranilev; Me ker iyôngo Yam hen a ve, Me kera rumun Mer ve̱ lu mbakosoniyôngo ga; mbakuranilev kpaa vea kera koso ayol a ve ga; Me yima iyôngo Yam sha zwa ve, sha u i̱ de kera luun kwaghyan ve ga yô.

Esekiel 34:21

Sha ci u ne mgbegha i aseer la sha imbusu man sha vandegh, man ne tume ve ikor, ne sambe ve wue wue,

Esekiel 34:6

Iyôngo Yam lu zenden kughukuku sha iwo cii, man sha hanma igungu u taven; een, i sambe iyôngo Yam sha tar wuee, man ma or u keren shin u tôvon i lu ga.

Hosea 12:8

Nahan Eferaim kaa er: M hingir ornyar ve, m tser a inyaregh; ken akaa am cii, i zua a ma kwagh u ifer ken a mo u lun isholibo ga.

Hosea 12:9

Kpa M ngu TER, Aôndo wou, hii ken tar u Igipiti je, Me shi Me na u u̱ tsa ken utenti, er sha ayange a iniongo i i ver i la nahan.

Amoshi 2:6

TER ngu kaan nahan er: Sha ci u atindi a peren atar a Iserael, een, sha ci u anyiin je yô, Me kera hide a mtsaha na ijime ga; gadia ve tee orperapera, ve yam azurfa, man oribanave kpaa sha kweakôvough môm;

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

YOHANE 10:1

Mimi mimi je, M kaan ne ne, or u nan nyer hen hunda u ityôr i iyôngo ga, kpa nan nyer i jiir igen yô, nan ngu ormbaiv man ornumungbenda kpaa.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

Mpase U Yohane 18:13

man shinamon man amomo man akaa a human doon man mkurem ma human doon man libano man wain man mkurem man mwem ma kengese man alakema man ibua man iyôngo man anyinya man akeke a zeren sha anyinya man ikpan man uuma mba iorov kpaa.

Mpase U Yohane 3:17

Gadia u ngu kaan wer, m ngee a akaa, m hingir u lun a kwagh ave kpishi, ma kwagh kera banem ga, kpa u kera fa er u gbe kera, u lu mhôônom mhôônom, u kungu ican, u pir ashe, u lu idyelegh kpaa ga.