Sekaria 11:16 - ICIGHAN BIBILO

¹⁶ Gadia, nenge, veren Yam orkuranilev sha tar, una wa mbisaanshe iko ga, una ker mbi mbi sambe la ga, una kange mbisombon ga, una koso mbitilensha la ga, kpa una ya inyam i mbiwanahôm, una tsuwa apande a mbi.

Sekaria 11:16 Iomraidhean Croise

Genese 31:38

M tsa a we anyom ikundu je, ungômbaiyôngov ou man ungômbaivoov ou dugh iyav ga, anomaiyôngo ken ikumuile you kpaa, m ya ga.

Genese 33:13

Kpa a kaa a na er: Terem u fa er mbayev ve taver ga, akum a iyôngo man ivo kua abua kpaa a a lu a mo, nga a ônov ityô, nahan aluer á zende a ve apera apera, iyange i môm tseegh tsô kpaa akum a iyôngo man ivo cii, aa kpe.

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yeremia 23:2

Nahan yô, TER, Aôndo u Iserael ngu kaan sha kwagh u mbakuranilev mba ve koson ior Av ne, nahan er: Ne gema ne sambe ikumuile Yam, ne zenda i kera, ne kera nenge sha i ga; nenge Me va tsaha ne sha ifer i aeren a en la, kape TER A kaa ne.

Yeremia 23:22

Kpa aluer yan vea til ken mhen Wam yô, ma ve ne ior Av ma ve ongo akaaôron Am, ma ve gem ve sha gbenda ve u bo la kera, kua sha ifer i aeren a ve kpaa.

Esekiel 34:10

Ter AÔNDO ngu kaan nahan er: Nenge, M ngu num a mbakuranilev; Me ker iyôngo Yam hen a ve, Me kera rumun Mer ve̱ lu mbakosoniyôngo ga; mbakuranilev kpaa vea kera koso ayol a ve ga; Me yima iyôngo Yam sha zwa ve, sha u i̱ de kera luun kwaghyan ve ga yô.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Esekiel 34:21

Sha ci u ne mgbegha i aseer la sha imbusu man sha vandegh, man ne tume ve ikor, ne sambe ve wue wue,

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

YOHANE 10:1

Mimi mimi je, M kaan ne ne, or u nan nyer hen hunda u ityôr i iyôngo ga, kpa nan nyer i jiir igen yô, nan ngu ormbaiv man ornumungbenda kpaa.