Sekaria 11:11 - ICIGHAN BIBILO

¹¹ I pav i sha iyange la, nahan iyôngo i i ker mhôônom i wem iko ne, i fa er i lu kwaghôron u TER je yô.

Sekaria 11:11 Iomraidhean Croise

2 Kroniku 9:14

i ôr kwagh u mbazendenkpenga man mbateenkasua hen ityôinya ve zua a mi la, ga; utor mba Arabia cii kua ugomna mba ken tar na kpaa ve va naan Solomon zenaria man azurfa.

Upasalmi 69:33

Gadia TER ongo imo i mbaibanave, man lahan mbakwarev Nav kpaa ga.

Yesaia 14:32

Ka nyi kwagh, á ôr mbatyomov mba ikurior ne? TER ver Shion, nahan ka ker man ior Nav mba ve ye ican vea yer ye.

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Yesaia 8:17

Tsô me kegh TER u A yer ya u Yakob ishigh Nagh la, ka sha a Na ishimaverenkeghen yam i lu ye.

Yeremia 32:8

Nahan Hanamel wan u anngô u terem va her a mo hen tembe u mbakuran, er TER kaa la, a kaa a mo er: Shi yam sule wam u u lu ken Anatoti, u u lu ken tar u Benyamin la, gadia we u ngu a tahav mbu ngohol u hingir u wou, mpaa kpaa ka u wou; yam u sha ci wou. Nahan m fa er i lu imo i TER je yô.

Mika 7:7

Kpa mo yô, me ver ashe hen TER, me kegh Aôndo u myom wam; Aôndo wam kpaa Una ungwam.

Sefania 3:12

Kpa Me undu atereghaior man atsanaior ken atô wou, vea suur sha iti i TER.

Luka 19:48

Kpa ve zua a kwagh u vea er ga; gadia ior cii lu veren ato sha a Na, ungwan Un.

Luka 2:25

Orgen lu ken Yerusalem, iti na er Shimeon; or la lu or u perapera man u cian Aôndo a ishima i môm, lu keghen msurshima u Iserael; Icighan Jijingi kpaa lu sha a na.

Luka 2:38

Un kpaa, er a va nôôr hen shighe la yô, a sugh Aôndo shi a ôr kwagh Na a mba ve lu keghen mpaa u Yerusalem la cii.

Luka 23:51

un lu a ve ityô sha mhen ve man ier ve la kpaa ga; lu or u ken Arimatia, gar u Mbayuda ugen, wen kpaa lu keghen tartor u Aôndo.

Luka 7:22

A gema A kaa a ve er: Gba yemen nen tsô, za ôr nen Yohane akaa a ne nenge man a ne ongo kpaa, ner: Mbaapirashe mba nengen kera, mbasombon mba zenden; ka wanger mbaamandev iyol, mbakondonato mba ungwan, mba nderen mbakpenev, man shi mba ôron mbaatsanev Loho u Dedoo.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.

Duteronomi 31:29

Gadia m fa ken ijime i ku wam, né er dang, né undu gbenda u m kaa ne ne; kwaghbo una tser ne sha ayange a masetyô, sha ci u nea er kwaghbo sha ishigh ki TER, sha u bamen Un sha tom u ave a en.