Sekaria 10:6 - ICIGHAN BIBILO

⁶ Me taver ya u Yuda, Me yima ya u Yosev kpaa. Me hide a ve, gadia mhôônom kôrom a ve, vea hingir je á bee er lu M ta ve kera ga nahan; gadia Mo M ngu TER, Aôndo ve, Me ungwa ve kpaa.

Sekaria 10:6 Iomraidhean Croise

Upasalmi 89:21

uwegh Agh kua lu a na gbem, ikasewe Yam kpaa ia taver un.

Yesaia 11:12

Una tim tuta sha sha ci u akuraior, Una kohol mba i zende ve kera ken Iserael, man Una kohol Mbayuda mba ve sambe sha azongo a tar a anyiin la, hen ijiir i môm.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 54:4

De cie ga, gadia ú ya kunya ga; i̱ de kondon we iyol kpaa ga, gadia ú va ahenge ga; gadia kunya u iyev ou ua hungul we, iheen you i sha mlu u kwasecôghol la kpaa, ú kera umbur i ga.

Yesaia 54:8

Ka sha ishima i nyoon M yer u ishigh Yagh sha anshighe kpeghee ye; kpa M zungwe u mhôônom sha erdoo u tsôron, kape TER Orpaan wou A kaa la.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 3:18

Sha ayange la, ya u Yuda una zua a ya u Iserael, vea due imôngo ken Imbusutarimese la, vea va nyôr ken tar u M na uter enev dyako yô.

Yeremia 30:18

TER ngu kaan nahan er: Nenge, Me gema mlu u utenti mba Yakob, uya nav vea kôrom mhôônom, á maa gar na sha ice na, man iyou i tor kpaa sha ijiir i i la vough je.

Yeremia 30:20

Ônov vev kpaa vea hingir er ngise nahan, mkohol ve kpaa una hingir igbekeke sha ishigh Yagh, man Me tsaha mba ve kighir ve a ican cii.

Yeremia 31:1

Hen shighe la, kape TER A kaa ne, Me hingir Aôndo u icombor i Iserael cii, ve di vea gema á hingir ior Av.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 31:31

Nenge, ayange nga van, kape TER A kaa ne, a Me ya ikuryan i he a ya u Iserael kua ya u Yuda;

Esekiel 36:11

Me na ior kua uzendenya vea ngee sha a ven, vea mar ônov vea ngee; shi Me na ne mbateman sha a ven er tsuaa nahan, man Me er a ven dedoo á hemba ayange a hiihii la; nahan man né fa er Mo M lu TER ye.

Esekiel 36:37

Ter AÔNDO ngu kaan nahan er: Kwagh ne yô, kam pe ya u Iserael ma a va senem er Me er ve un yô; Me seer ve ior er ikumuile nahan.

Esekiel 37:16

We, wan u or, tôô aga nger sha mi nahan wer: Sha ci u Yuda man Mbaiserael mba ve lu ken nongo na; shi tôô aga ugen kpaa, nger sha mi, wer: Sha ci u Yosev—aga u Eferaim—man ya u Iserael mba ve lu ken nongo na;

Esekiel 39:25

Nahan yô, Ter AÔNDO ngu kaan nahan er: Hegen Me dugh Yakob ken uikangen kera, Me hide a ve, Me zungwe ya u Iserael jimin cii mhôônom; Me gba iwuhe sha ci u icighanti Wam.

Hosea 1:11

Tsô ônov mba Yuda man ônov mba Iserael vea kohol imôngo, man vea ver or môm nana lu ityough sha a ve, vea due ken tar la; gadia iyange i Yesereel ia lu iyange i vesen je.

Hosea 1:7

Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.

Hosea 14:9

Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Obadia 1:18

Ya u Yakob una hingir usu, ya u Yosev kpaa una lu nombor usu, ya u Isou yô, una lu ayia, vea yegh ker vea hia a; ma kwagh á shi ken ya u Isou ga, gadia ka TER A kaa nahan ye.

Mika 4:13

Mough sha, shoghol iyiav, we wankwase u Shion; gadia Me gema korough ough kua hingir iyôgh man apande a ou kpaa aa hingir togula; wea hembe ior kpishi avur avur, wea tsegha mtsera ve sha ci u TER man inyaregh vegh kpaa kia lu sha ci u TER u sha won cii.

Mika 4:6

Sha iyange la, kape TER A kaa ne, Me kohol mbakeer man Me kohol mba i zende ve la, man mba m er ve ican kpaa la.

Mika 5:3

Nahan yô, Una na ve kera zan zan shighe u un u toghol mar la una mar; nahan asande a anmgbianev Nav a a shi her la aa hide a Mbaiserael imôngo.

Mika 5:8

Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Mika 7:16

Akuraior aa nenge aa va ahenge sha agee a ve cii; vea wa ave ijô, ato a ve aa kondo.

Sekaria 1:16

Nahan yô, TER ngu kaan nahan er: M hide hen Yerusalem a mhôônom ma zungwen; á maa iyou Yam ker, kape TER u akum a Sha A kaa ne; á samber kor u karen sha Yerusalem cii.

Sekaria 10:12

Me taver ve ken TER; vea zenden ken iti Na, kape TER A kaa la.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Sekaria 8:11

Kpa hegen yô, Me kera er a asande a ior a a shi ne, er sha ayange a tsuaa la nahan ga, kape TER u akum a Sha A kaa ne.

Sekaria 9:16

Sha iyange la TER, Aôndo ve, Una yima ve er ka ikumuile i ior Nav nahan; gadia vea lu er awen a engem a sha idyer i tor yô, vea engem sha tar Na.