Sekaria 10:5 - ICIGHAN BIBILO

⁵ Vea hingir er mbaageev mba ve ndyar angahar shin angbiôr a sha akômaigbinda ken utya yô; vea nôngo ityav, gadia TER ngu a ve; mbaanyinyav vea va ahenge.

Sekaria 10:5 Iomraidhean Croise

2 Samuel 22:43

Tsô m kume ve, ve hingir er vuulevu u hen inya nahan, m ndyar ve er angbiôr sha igbenda nahan, m sambe ve kera.

2 Samuel 22:8

Tsô tar tenger er ngigh ngigh, amagh a Sha kpaa tenger; i tenger a, sha ci u A yugh yô.

2 Utor 9:33

A kaa er: Gbihi nen un shin inya. Tsô ve gbihi un shin inya; awambe na tsenda sha kpekpe kua sha anyinya kpaa, tsô a ndyar un shin angahar.

Upasalmi 18:42

Tsô m kume ve, ve hingir er vuulevu u ahumbe a purugh a min yô; m haa ve kera er angbiôr a sha igbenda yô.

Upasalmi 20:7

Mbagenev mba suur sha akekeautya, mbagenev yô, sha anyinya, kpa se yô, sea ter iti i TER, Aôndo wase.

Upasalmi 33:16

Ma tor nan wer sha ikumutya i vesen ga, ortaveryol kpaa nan wer sha mvese u agee a nan ga.

Upasalmi 44:5

Ka sha a We man se gbihi mbaahendanev asev inya ye; man ka sha iti You kpaa se ndyar mba ve mough num a vese ye.

Upasalmi 45:3

Har sanker Wou a̱ gba hen ikooso, We u ageegh, cir iengem You man icivir You iyol.

Yesaia 10:6

Me tindi un er a̱ za ta num sha ikurior i eren dang yum la, man sha ior mba M yugh a ve; Me kaa un Mer, a̱ ya ishar, a̱ sar akaa, a̱ ndyar ve er angbiôr a sha igbenda nahan.

Yesaia 25:10

Gadia ka sha uwo ne uwegh ku TER kua mem ye, kpa á ndyar Moabi hen ijiir na, er ka i ndyar ayer shin mngerem ma ihungwa i uihôgh nahan.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 41:12

Ú ker mba ve nenge num a we la, kpa ú zua a ve ga; mba ve nenge ityav a we la, vea hingir er ka ma kwagh ga yô, man er gbilinkwagh kpaa.

Yesaia 41:25

M kpoghol orgen sha imbusutarimese, a va je; sha vegher u sha iyangeiduen je, or u una yila sha iti Yam; una ndyar mbatarev er ka inyandor nahan, er ormaantyegh ka nan kume inyaityuu nahan.

Yesaia 8:9

Ger nen ayôôso ne ior, i̱ kondo ne iyol; ver nen ato, ne mba ken ityar i icaa cii, ta nen akondo uya, i̱ kondo ne iyol, ta nen ikondo uya, i̱ kondo ne iyol.

Esekiel 38:15

Nahan wea mough hen ijiir you hen akighiratar a ken imbusutarimese, we man ior kpishi a we imôngo, ve cii lu sha anyinya, ikpelaior i ngeen tsung, man ikumutya i ageegh;

Amoshi 2:15

orkerenivaan kpaa nana kera tile ga; u nan eren kpaver shin angahar kpaa nana war ga; orhendan nyinya kpaa nana yima uma u nan ga;

Mika 5:8

Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Mika 7:10

Tsô orihom wam una nenge, kunya ua kôr un; un u a kaa a mo er: TER, Aôndo wou, ngu hana? la. Ashe am aa kenger un; hegen á ndyar un er angbiôr a sha igbenda yô.

Hagai 2:22

Me yôhôl ikônough ki torough ki ityartor, Me tim tahav mbu ityartor i akuraior kera; Me zôhô akekeautya a mbaunden sha mi la; anyinya man mbahendan a, vea haa inya, hanmô sha sanker u anngô u nan.

Sekaria 12:4

Sha iyange la, kape TER A kaa ne, Me ta hanma nyinya mciem iyol, man orhendan un kpaa Me ta nan ihundugh. Me bugh ashe Am sha ya u Yuda man Me pir hanma nyinya u akuraior cii ashe.

Sekaria 12:8

Sha iyange la TER Una kumba mba ve tem ken Yerusalem; u nan lu seelee kpaa, sha iyange la nana hingir er Davidi nahan; ya u Davidi kpaa una hingir er Aôndo nahan, er Ortyom u TER nahan, sha ishigh vegh.

Sekaria 14:13

Tsô sha iyange la injughul i vesen i i dugh hen TER ia ta sha a ve; hanma or nana gba or u wan ndor a nan sha uwe, uwegh ku orgenegh kua kende sha sha num a orgenegh.

Sekaria 14:3

Zum la TER Una due, Una nôngo ityav a akuraior la, er ka A nôngo sha iyange i utya nahan.

Sekaria 9:13

Gadia M henda Yuda er ada Wam nahan, M wa Eferaim sha mi er ka ivaan nahan; Me tor ônov ou mba nomso ityô, we Shion, sha u hendan a ônov ou, we tar u Grika; Me gema u, ú hingir er sanker u ortaveryol nahan.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Mateu 4:3

Tsô ormee va her a Na, kaa a Na er: Aluer Wea lu Wan u Aôndo je yô, kaa awen ne a̱ hingir bredi.

Luka 24:19

A kaa a ve er: Ka nyi akaa? Ve kaa a Na er: Ka kwagh u Yesu, Or u Nasareti, u A lu profeti u lun a agee ken tom man kwaghôron sha ishigh ki Aôndo kua ior cii.

Aerenakaa A Mbaapostoli 18:24

Oryuda ugen va ken Efese, iti na er Apolo, i mar un ken Alekesanderia, lu or u fan kwagh kpe kpe, lu a kwaghfan ken icighanruamabera kpishi.

Aerenakaa A Mbaapostoli 7:22

Tsô i tese Mose mfe u Mbaigipiti cii, hingir or u ageegh ken akaaôron a na kua aeren a na kpaa.

2 Mbakorinte 10:4

Gadia ikav mbi utyav yasev ka mbi iyolough ga, kpa ka mbi ageev sha ishigh ki Aôndo sha ci u yôhôl ayou a utya,

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:7

M nôngo ityav mbi dedoo ve. M kure ayem am vough, m saa a jighjigh u nan.

Yosua 10:14

Iyange i lun er ngila nahan ngi a lu ga, shin ken ijime shin ken hemen kpaa, i TER ungwa imo i or nahan ga; gadia TER nôngo ityav sha ci u Iserael.

Yosua 10:42

Yosua ngohol utor mban cii kua tar ve icin i môm tsô, sha ci u TER, Aôndo u Iserael, nôngo ityav sha ci u Iserael yô.

Mpase U Yohane 19:17

Shi m nenge ortyom u Sha tile sha iyange, lu yilan inyon i purugh sha kwavaôndo cii sha zegeimo er: Va kohol nen hen zegeiniongo u Aôndo ne,

1 Samuel 16:18

Tsô wanyekwaor ugen gema kaa er: Nenge, m nenge wan u Yese, or u Betelehem, a fa ityougholov mbi kuhwan kpe kpe, ka ortavershima, orutya, or u fan kwaghôron, ka or u kuman ashe kpaa, TER kpaa ngu a na.