Sekaria 10:4 - ICIGHAN BIBILO

⁴ Ka ken a ve iwen i sha zongo ia due ye, imande i tenti kpaa ka ken a ve, adautya kpaa ka ken a ve, ka ken a ven kpaa hanma ortaregh nana due ye.

Sekaria 10:4 Iomraidhean Croise

Genese 49:24

kpa ada na yô, lu her taveraa, akaseaveegh a na kpaa, lu naregh her, sha ave a Uageegh u Yakob; ka heregh, her ape Orkuran, Iwen i Iserael A lu la.

Esera 9:8

Man hegen yô, ka anshighe kpuaa tsô, TER, Aôndo wase, A zungu se mhôônom i de se asande a a wer ne, man i ne se se lu a imande i manden ken icighanjiir Na, je Aôndo wase A wanger se ashe man A na i yôhôl se iyol kpuaa ken ikangenev yasev.

Upasalmi 118:22

Iwen i mbamaan ve venda i la, ka i je, i hingir i sha zongo ye.

Yesaia 19:13

Atiator a Soan hingir abumeaior, utor mba Nofi kpaa i tsugh ve; ve mba ve lu iwen sha zongo i uipaven nav, la, ve na Igipiti tsume.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Yesaia 49:2

A er zwa Wam hingir er sanker u esen nahan, A yerem ken mure u ikevwe Na; A gemam M hingir ivaan i horon, A kosom ken gbande Na;

Yesaia 54:16

Nenge, ka Mo je M gbe orvareniwa u suwen akpa a iwaagh sha akausu man nan var ityumugh ki tswamegh sha mfetom u nan la; man ka Mo kpaa M gbe ortiminakaa sha u nana tim akaa ye.

Yeremia 1:18

Gadia, nenge, Mo je, M gema u nyian, u hingir garutya man ityôgh ki iyôgh man ugilgar mba togula, sha tar ne cii, man sha utor mba Yuda, man atiator a na, man upristi nav, kua ior mba ken inya la.

Yeremia 51:20

We, u ngum msabe man ikav Yav mbi utyav; ka sha a we man M hemben akuraior avur avur ye; ka sha a we man M timin ityartor kera ye;

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

Sekaria 9:8

Me wa ya wam afo a utya, Me tser, sha u kuran un sha akumautya a a zenden karen man hiden la; ma ipilaor nana̱ de kera shi karen ker ga, gadia hegen M nenge sha ashe Am.

Numeri 24:17

M nenge a na, kpa ka hegen ga; m ta ashe m nenge a na, kpa ka ikua ga; ishan ia due ken Yakob, tôgh ku torough kua lu hen Iserael, una hembe a-ase a Moabi, una zôhô ônov mba Setu.

Mateu 9:38

Nahan yô, sôn nen Ter u sunda, A tindi mbatomov ken sunda Na.

Luka 20:17

Kpa A kenger ve, A kaa er: Kwagh u i nger heen ne inja na nana? er: Iwen i mbamaan venda i, ka i je, i hingir i sha zongo ye.

Mbaefese 2:20

i maa ne sha imagh ki mbaapostoli kua uprofeti, Kristu Yesu iyol Na ka iwen i sha zongo.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:4

Ma orutya u nan lu nôngon ityav ave yô nan cimin iyol i nan sha akaa a uma u tar ne ga, gadia ka u nana̱ er kwagh u doon or u a tsough nan sha ci u utya la.

1 Peteru 2:6

Gadia i nger ken icighanruamabera er: Nenge, m ngu veren icuwaniwen i injaa i sha zongo ken Shion. Or u nan ne Un jighjigh yô, nana va ahenge ga.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

1 Samuel 14:38

Nahan Saulu kaa er: Kporom nen heen, ne mbavesen cii, time nen, fa nen henpe kwaghbo ne a lu nyian yô.