Sekaria 1:8 - ICIGHAN BIBILO

⁸ M lu kenger tugh yô, nenge, or henda nyinya u nyian, tile ker atô u ikon i mertel i shin pev; man ken ijime na yô, anyinya lu, lu a nyian man a lun kang man a pupuu.

Sekaria 1:8 Iomraidhean Croise

Genese 20:3

Tsô Aôndo va hen Abimeleki ken mnyam ma cien tugh, kaa a na er: Nenge, ú kpe sha ci u kwase u u koo a mi ne; gadia ka kwase u or je.

Genese 46:2

Aôndo ôr kwagh a Iserael sha mbampase tugh. A yila er: Yakob! Yakob! A rumun er: Een.

1 Utor 3:5

Ken Gibeon la, TER ande hen Solomon ken mnyam ma cien tugh. Aôndo kaa er: Sônom kwagh u a sar u u M̱ na u yô.

Nehemia 8:15

man ve̱ yôô, shi ve̱ tindi loho hen agar a ve cii kua ken Yerusalem kpaa er: Due, za nen sha iwo, za tôô nen agbaa a olev man agbaa a olev u ken toho man agbaa a mirtel man andar a avile kua agbaa a ikon i wan ahu kpishi sha u eren atumbe er i nger nahan.

Yobu 4:13

ken mbamhen mba ve dugh sha akaa a i nengen a ken mnya tugh, zum u mnyam ka ma kôr ior yum la,

I Solomon 2:16

U a doom ishima la, ka u wam je, mo kpaa m ngu u na; ngu kuran ilev nav henpe uimondon mba ityombo ve lu yô,

I Solomon 6:2

U a doom ishima la sen shin sule na, shin mbaagbegi mba ilyôghonov mbi human doon, sha u za nan ilev toho ken ishule man sha u kohol uimondon mba uityombo.

Yesaia 41:19

Me môôr kon u sedar ken desereti, man shi kon u akashia man mertel kua kon u olev u ken toho kpaa; ken taaikôngo Me môôr kon u fer man u pelane a u ouki imôngo,

Yesaia 55:13

Kon u fer ua mende sha ityough ki saa, kon u mertel ua mende di sha ityough ki sagher; kwagh ne una hingir TER iti, icôronikav i á vihi i kera mayange je ga yô.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Daniel 2:19

Tsô i pase Daniel kwaghmyer ne ken mpase u sha mnenge, tugh. Nahan Daniel wuese Aôndo u Sha,

Daniel 7:13

M nenge ken mbampase mba utuuv, yô, nenge Or gba van sha abeen a sha aôndo, lu er ka wan u or nahan, A va zan zan A va ar hen Or u tsan sha won la, i va a Na sha ishigh Nagh.

Daniel 7:2

Daniel ôr kwagh kaa er: M nenge ken mpase wam tugh; yô, nenge, ahumbe a anyiin a sha la, ve gbuusu zegemnger.

Sekaria 1:10

Tsô or u a tile ker atô u ikon i mertel la kaa er: Mban ka mba TER A tindi ve yô, sha u zenden ningir sha tar.

Sekaria 1:11

Ve gema ve kaa a Ortyom u TER u A tile ker atô u ikon i mertel la er: Se zende tar cii, man nenge tar cii huan ving man u mem kpaa.

Sekaria 1:7

Sha uwer u sha pue kar môm ayange a u ikundu kar anyiin, ka uwer u Shebati je la, sha inyom i sha uhar i Dariu la, kwaghôron u TER va hen profeti Sekaria, wan u Berekia, wan u Ido, er:

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Numeri 12:6

A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.

Yosua 5:13

Tso zum u Yosua lu hen Yeriko la yô, a kende ashe, a nenge or tile un sha ishi, nan tsuwa sanker nan kôr sha uwe; nahan Yosua za her a nan, za pine nan er: U ngu or wase shinii, u ngu or u mbaihomov aseva?

Mpase U Yohane 2:1

Nger hen ortyom u nongo u Kristu u ken Efese wer: Un u A ker asan ataankarahar ken uwegh Nagh ku yanegh shi A lu zenden ker atô u udaarmbaamengerev mba zenaria mba utaankaruhar la, ngu ôron akaa ne nahan er:

Mpase U Yohane 6:2

M veren ashe yô, nenge, nyinya u pupuu lu. Un u a tema sha mi la, lu a ada; shi i na un tsar u sha ityou kpaa. A due, lu hemban, man lu sha u una hemba kpaa.

Mpase U Yohane 6:4

Tsô nyinya ugen due nyian bong; man un u a tema sha mi la, i na un sha u a̱ kura bem shin tar kera, ior ve̱ wua ayol a ve; i na un zegesanker.