Sekaria 1:4 - ICIGHAN BIBILO

⁴ De kera luun nen er uter enev nahan ga, mba uprofeti mba tsuaa mbala, ve lu genger imo kaan a ve er: TER u akum a Sha ngu kaan nahan er: Gema nen asema, undu nen igbenda yen i bo man aeren a en a bo; kpa ve ungwa ga, ve ver ato her a Mo kpaa ga, kape TER A kaa ne.

Sekaria 1:4 Iomraidhean Croise

2 Kroniku 30:6

Tsô mbatyomov za a uwashika mbala mba ve due hen tor man atiator a na la, ve za hen Iserael cii man Yuda, sha imo i tor, ve kaa er: Ne Mbaiserael, shi hide nen hen TER, Aôndo u Aberaham man u Isaka kua u Iserael, sha u A̱ hide hen mba ve wer sha ikev i utor mba Ashiria ve shi her ne.

2 Kroniku 30:7

De kera luun nen er uter enev, shin er anmgbianev enev nahan ga, mba ve er TER, Aôndo u uter vev kwaghbo man A gema ve ve hingir kwagh u tan mke iyol er ne nengen nahan.

2 Kroniku 34:21

Za, za pine nen TER sha ci wam man shi sha ci u ior mba ve shi her ken Iserael man Yuda, sha kwagh u akaaôron a ruamabera u i zough a mi ne; gadia iyugh i TER haa sha a vese kehe yum, gadia uter asev lu wan iko sha kwaghôron u TER, sha u eren sha kwagh u i nger ken ruamabera ne cii ga.

Esera 9:7

Hii sha ayange a uter asev je, se lu ken zegeibo zan zan nyian; ka sha ci u afer a ase kpaa, i tôô se a utor asev man upristi asev, i na se sha ikev i utor mba ityar igen, man shi i na se sha sanker, man ken uikangen, man ishar i yan, man kunya u sha ishi, er i lu nyian nahan.

Nehemia 9:16

Kpa ve, uter asev, ve er kwagh sha imanger, ve nômbo ikôr, ve ver ato sha atindi a Ou ga,

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Upasalmi 78:8

ve̱ de kera luun er uter vev ga, kov u taver ityough u henda kwagh, kov u tilen a ishima i u vough ga, u ishima i u i lu jighilii a Aôndo ga la.

Yesaia 31:6

Gema nen hile nen her a Na, Un u ne undu Un la, ne ônov mba Iserael.

Yeremia 18:11

Nahan hegen yô, shi ôr kwagh a ior i Yuda man mba ve tem ken Yerusalem, kaa wer: TER ngu kaan nahan er: Nenge, M ngu sôron kwaghbo veren a ver, Mer, a̱ va tser ne, man M ngu henen kwagh u Me er ne yô; shi hide nen, hanma or nana̱ gbihi gbenda u nan u ifer la, sôr igbenda yen kua aeren a en.

Yeremia 23:22

Kpa aluer yan vea til ken mhen Wam yô, ma ve ne ior Av ma ve ongo akaaôron Am, ma ve gem ve sha gbenda ve u bo la kera, kua sha ifer i aeren a ve kpaa.

Yeremia 25:8

Nahan yô, TER u akum a Sha ngu kaan nahan er: Er ne ver ato sha akaaôron Am ga yô,

Yeremia 26:5

man né venda u veren ato sha akaaôron a mbayev Av, uprofeti, mba M tindi her a ven pepe kua aikighe yô, kpa ne we iko ga la,

Yeremia 3:12

Za, za yôô akaaôron ne vegher u hen imbusutarimese, kaa wer: Hide, we Iserael u u undu mimi wou la, kape TER A kaa ne; Me kera kenger we a iyugh ga, gadia Mo M ngu u zungwen mhôônom je, kape TER A kaa ne; ishima ia vihim zan zan gbem ga.

Yeremia 3:14

Hide nen, ne ônov mba ne undu mimi wen la, kape TER A kaa ne; gadia Mo M ngu ter wen, nahan Me tôô ne u môm ken gar, uhar ken kwe môm, Me va a ven hen Shion.

Yeremia 35:15

Shi M tindi mbatomov Av cii, uprofeti her a ven pepe kua aikighe, M kaa Mer: Shi hide nen, hanmô wen nana̱ undu gbenda u nan u bo, sôr nen aeren a en, de kera dondon nen sha mbaaôndo mbagenev sha u eren ve tom ga, nahan né tema ken tar u M na ne kua uter enev la; kpa ne ver ato ga, iko kpaa ne wam her je ga.

Yeremia 4:1

Aluer wea hide yô, we Iserael, kape TER A kaa ne, ka her a Mo ú hide ye; aluer wea dugh akaa a hôngorough a ou sha ishigh Yagh kera yô, nahan kera gba u, ú zende wue wue ga.

Yeremia 44:16

Sha kwaghôron u u ôr se ken iti i TER la, sé wa u iko ga.

Esekiel 14:6

Nahan yô, kaa a ya u Iserael wer: Ter AÔNDO ngu kaan nahan er: Gema nen asema; gema nen, undu nen akombo a en, man gema nen ishigh kera, sha akaa a en a ndôhôrshima la cii.

Esekiel 20:18

Shi M kaa a ônov vev ken desereti Mer: De kera zenden nen ken akaawan a uter enev ga, man shi de kera waan nen akaaôron a jirigh a ve iko ga, man shi de kera hôngor nen ayol a en sha akombo a ve kpaa ga.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Esekiel 33:4

nahan hanma or u nan ongo mkaa u kor la man nan we iko ga, man sanker una va una kar a nan kera yô, awambe a nan aa lu sha ityough ki nan.

Daniel 9:6

se ver ato sha mbatomov Ou uprofeti kpaa ga, mba ve lu ôron kwagh ken iti You a utor asev man mbatarev asev man uter asev kua ior i tar la cii.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Amoshi 5:24

Kpa ijirôron i mimi i̱ kuwa er ka mngerem nahan, man perapera kpaa er ka uwagh u tôndon ga nahan.

Mika 2:6

De kera er kwaghôron u profeti ga, kape uprofeti ve kaan la. De kera er kwaghôron u profeti teren akaa angan ga; aheen nga been ga.

Sekaria 1:3

Nahan yô, kaa a ve wer: TER u akum a Sha ngu kaan nahan er: Hide nen her a Mo, kape TER u akum a Sha A kaa ne, nahan Mo kpaa Me hide her a ven, kape TER u akum a Sha A kaa ne.

Sekaria 7:7

Kera ka akaaôron a TER lu ôr sha uprofeti mba tsuaa mbala, zum u ior tema ken Yerusalem man ve lu a mkpeyol, man agar a na a a kase un tser la, man ior lu ken tar u Imbusutariyan man shin tar u Pev la gaa?

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

Aerenakaa A Mbaapostoli 3:19

Yô, zamber nen man gema nen ishima, sha u i̱ ese asorabo a en kera, man sha u ashighe a myôhôryol a sha ishigh ki Ter kpaa a̱ va sha a ven yô;

1 Peteru 1:18

Gadia ne fa i paa ne sha mlu wen u gbilinigh u ne ngohol hen uter la; lu sha akaa a saan ishe, er azurfa shin zenaria nahan, ga,