Sekaria 1:3 - ICIGHAN BIBILO

³ Nahan yô, kaa a ve wer: TER u akum a Sha ngu kaan nahan er: Hide nen her a Mo, kape TER u akum a Sha A kaa ne, nahan Mo kpaa Me hide her a ven, kape TER u akum a Sha A kaa ne.

Sekaria 1:3 Iomraidhean Croise

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 15:4

kpa er ve hide hen TER, Aôndo u Iserael, ve ker Un zum u ican er ve la, ve zua a Na.

Nehemia 9:28

Kpa er ve zua a mmem kera yô, shi ve er kwaghbo sha ishigh You, nahan U na ve sha ikev i mbaihomov vev Wer, ve̱ ya tor sha a ve; nahan kpaa zum u ve hide ve zamber a We yô, U ungwa ve Sha; acin imôngo je U yima ve sha mhôônom Ou ma zungwen;

Yobu 22:23

Aluer ú hide hen Uhembanagee yô, á maa u; aluer ú dugh afer ken utenti ou kera,

Yesaia 31:6

Gema nen hile nen her a Na, Un u ne undu Un la, ne ônov mba Iserael.

Yesaia 44:22

M ese atindi a ou a peren kera er irkpiigh nahan, man asorabo a ou kpaa, er ibeenegh yô; hide her a Mo, gadia M paa u.

Yeremia 12:15

Tsô ken masetyô u M tsuwe ve kera yô, Me shi Me zungwe ve mhôônom; shi Me hide a ve, hanma or hen dyako u nan, man hanma or hen tar u nan.

Yeremia 25:5

lu kaan er: Shi gema nen, hanmô wen nana̱ undu gbenda u nan u bo kua shi afer a aeren a en la, tema nen ken tar u TER A ne ne kua uter enev sha ikov ikov je;

Yeremia 3:1

A kaa er: Aluer or nan pav a kwase u nan, man a due her a nan a za hingir u orgen, nahan shi nana hide hen kwase laa? Nahan tar la ua kera hôngor tsung je gaa? Man we yô, u er idya a ior kpishi mba u doo ve la, nahan kpaa u ngu fan wer, ú shi ú hide her a Moo? Kape TER A kaa ne.

Yeremia 3:22

Hide nen, ne ônov mba ne undu mimi la, Mo Me wanger m-undu u mimi wen la. Nenge, se mban, se mba van her a We; gadia ka We u lu TER, Aôndo wase ye.

Yeremia 35:15

Shi M tindi mbatomov Av cii, uprofeti her a ven pepe kua aikighe, M kaa Mer: Shi hide nen, hanmô wen nana̱ undu gbenda u nan u bo, sôr nen aeren a en, de kera dondon nen sha mbaaôndo mbagenev sha u eren ve tom ga, nahan né tema ken tar u M na ne kua uter enev la; kpa ne ver ato ga, iko kpaa ne wam her je ga.

Yeremia 4:1

Aluer wea hide yô, we Iserael, kape TER A kaa ne, ka her a Mo ú hide ye; aluer wea dugh akaa a hôngorough a ou sha ishigh Yagh kera yô, nahan kera gba u, ú zende wue wue ga.

Esekiel 18:19

Kpa ne mba kaan ner: Ka sha ci u nyi man wan á ya ican sha ci u ibo i ter na ga? Kpa wan yô, er kwagh sha tindi vough man sha mimi, man a wa akaawan a Am cii iko, a er sha a kpaa, una lu uma kpee je.

Esekiel 18:31

Haa nen asorabo a en, a ne er la cii kera, wa nen ishima i he man jijingi u he kpaa, gadia ka sha ci u nyi né kpe, we ya u Iseraele?

Esekiel 18:32

Gadia saan Mo iyol a ku u or u nan kpe la ga, kape Ter AÔNDO A kaa ne; nahan yô, gema nen asema lu nen uma.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 14:4

Me wanger mhirjime ve, vea gba doon Mo ishima tsô; gadia iyugh Yam gema her a na kera;

Hosea 6:1

Va sé hide nen hen TER; gadia ka Un A ande ye, shi Una wanger se; ka Un A gber avav ye, shi Una kange se a.

Yoel 2:12

Shin hegen je kpaa, kape TER A kaa ne: Gema nen her a Mo a asema a en cii, a kwaghyan u hôron man mliam ashe man a ijungwen,

Malaki 3:7

Hii sha ayange a uter enev la je ne kaha ne undu akaawan a Am, ne wa a iko kpaa ga. Hide nen her a Mo, Mo kpaa Me hide her a ven, kape TER u akum a Sha A kaa ne. Kpa ne mba kaan ner: Se hide nana?