Sekaria 1:17 - ICIGHAN BIBILO

¹⁷ Shi genger imo, kaa wer: TER u akum a Sha ngu kaan nahan er: Agar a Am aa shi á mgbough a mkpeyol; TER Una shi á sur Shion ishima, man Una shi á tsuwa Yerusalem kpaa.

Sekaria 1:17 Iomraidhean Croise

2 Kroniku 6:6

kpa M tsuwa Yerusalem Mer iti Yam i̱ lu ker; shi M tsuwa Davidi Mer a̱ tema tor sha ior Av Iserael.

Nehemia 11:20

Mba ve shi ken Iserael man ken upristi man Mbalevi yô, ve lu ken agar a Yuda cii, hanmô hen dyako u nan.

Nehemia 11:3

Mban ka mbahemenev mba hen ipaventar la, mba ve za tema ken Yerusalem la; kpa ken agar a Yuda yô, hanma or nan tema ken ya u nan ken agar a ve: Iserael man upristi man Mbalevi man mbasôrontempel kua ônov mba mbatomov mba Solomon.

Upasalmi 69:35

Gadia Aôndo Una war Shion, Una maa agar a Yuda, vea tema keregh je, á hingir kwagh ve.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Yesaia 49:13

Ember nen ne Usha; we tar, ember; ger nen atsam, ne iwo; gadia TER sur ior Nav ishima, A zungwe mba Nav mba ve ye ican la mhôônom.

Yesaia 51:12

Ka Mo, M surun ne ishima ye! Ka nyi man we u cie or u nana va kpe man wan u or u á gema nan á hingir er toho kpaa yôô?

Yesaia 51:3

Gadia TER sur Shion ishima, A sur atse a agar a na cii ishima, A gema desereti na hingir er ka Eden nahan, taaikôngo na kpaa er ka sule u TER yô; á zua a msaanyol kua iember her, ishughun kua imo i icam kpaa.

Yesaia 52:9

Ger nen iember, wa nen icam imôngo, ne atse a ayou a ken Yerusalem ne, gadia TER sur ior Nav asema, A paa Yerusalem.

Yesaia 54:8

Ka sha ishima i nyoon M yer u ishigh Yagh sha anshighe kpeghee ye; kpa M zungwe u mhôônom sha erdoo u tsôron, kape TER Orpaan wou A kaa la.

Yesaia 66:13

Er or u ngô u nan ka a sur nan ishima nahan, kape Mo kpaa Me sur ne asema la; á sur ne asema ken Yerusalem je.

Yeremia 31:13

Hen shighe la iniunkwase ia ember ia vinen amar, kua ikaior man mbatamen imôngo kpaa; gadia Me gema ijungwen ve ia hingir iember, Me sur ve ishima man Me na vea ember er ishimavihin ve i bee yô.

Yeremia 33:13

Ken agar a ken tar u Iwoogh man ken agar a ken tar u shin Pev man ken agar a ken tar u Imbusutarimese, man ken tar u Benyamin man ken iningirtar i Yerusalem kua ken agar a Yuda, akumauile shi aa kar sha ishigh ki u a er iyenge la, kape TER A kaa ne.

Yeremia 33:9

Tsô gar ne una hingir Mo iti i iember, man kwagh u iwuese man u icivirigh, sha ishigh ki akuraior a sha won cii, a aa ungwa akaadoon a M eren a ve la cii; man aa cia, aa gbidye akarkase iyol sha ci u akaadoon cii man mkpeyol cii mba M ne un la.

Esekiel 36:33

Ter AÔNDO ngu kaan nahan er: Sha iyange i Me wanger ne sha afer a en cii yô, Me na agar aa lu a ior, man á maa ajiir a a hingir atihi a alôgh la.

Amoshi 9:14

Shi Me dugh ior Av Iserael ken uikangen kera, shi vea maa agar a lu i yôhôl la, vea tema ker; vea kaha ishule i wain man vea ma zar na; shi vea kaha ishule i atamaikon vea ya atam a ker kpaa.

Obadia 1:20

Mbauikangenev mba ken ikum i Mbaiserael ne vea ngohol tar u Mbakanaan zan zan á za ar hen Sarefati; man mbaikangenev mba Yerusalem mba ve lu ken Sefaradi vea ngohol agar a ken Imbusutariyan la.

Sekaria 1:14

Nahan ortyom u a lu ôron kwagh a mo la, kaa a mo er: Genger imo, kaa wer: TER u akum a Sha ngu kaan nahan er: M gba iwuhe sha ci u Yerusalem kua Shion, ka iwuhe i taveraa je.

Sekaria 1:18

Tsô m kende ashe sha, m kenger, yô, nenge akor lu anyiin.

Sekaria 2:12

TER Una ya dyako sha Yuda, ka kwar Na ken icighantar je la, Una shi á tsuwa Yerusalem kpaa.

Sekaria 2:4

a kaa a u masen van la er: Za ayem, za ôr kwagh a wanyekwaor la, kaa wer: Yerusalem una lu er agar a lun a ugir ga nahan, sha ci mngee u ior man uzendenya mba ve lu kimi yô.

Sekaria 3:2

TER kaa a Satan er: TER A̱ yange u, we Satan; een, TER u A tsough Yerusalem la, A̱ yange u; ngun kera ka ityôndo i i sase duen a mi ken usu gaa?

Mbaefese 1:4

A tsuwa se ken a Na je er i lu a gba tar ga yô sha u lun mba i tsegh ve man u lun a acôghol iyol ga kpaa sha ishigh Nagh. Ka sha dooshima je