Sekaria 1:12 - ICIGHAN BIBILO

¹² Nahan Ortyom u TER la kaa er: TER u akum a Sha, shi nan je man Ú zungwe Yerusalem kua agar a Yuda mhôônom, a iyugh You i lu sha a je i kom anyom akunduatargber ne ase?

Sekaria 1:12 Iomraidhean Croise

2 Kroniku 36:21

sha u kwaghôron u TER u Yeremia lu ôr la, a̱ kure sha mi vough, zan zan tar la zua a mmem sha ayange a memen a u, gadia shighe u u hingir ice la yô, u mem zan zan anyom akunduatargber kar ivin.

Upasalmi 102:10

sha ci u ishima i vihin You man iyugh You la, gadia U tôôm, U ta kera.

Upasalmi 102:13

Ú mough, Ú zungwe Shion mhôônom; gadia shighe u zungwen un mhôônom kuma ve, shighe u i vande veren la kuma ve.

Upasalmi 69:5

Aôndo, We U fa lanegh agh; aeren am a bo nga myer sha ishigh You ga.

Upasalmi 74:10

Aôndo, shi nan je man or u ahendanegh una de ilyahana, man orihom kpaa una de u zeren tuhwan iti You gbeme?

Upasalmi 79:5

Shi nan je, TERE, man Ú de u yuwen gbeme, man iwuhe You ia de u yeghen er usu nahan?

Orpasenkwagh 3:3

shighe u wuan ngu, man shighe u waren; shighe u yôhôl, man shighe u maan kpaa;

Yesaia 47:6

Ishima vihim a ior Av, M hôngor a dyako Wam, shi M na ve sha ikev you, mayange u zungwe ve mhôônom ga; mbatamen kpaa u kighir ve igbur you i yuhwan tsung la sha mon.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Yeremia 12:4

Ka hanma iyange je man tar ua de u uren, man ahu a shin tar cii aa de u usene? Sha ci u kwaghbo u mba ve tem ken u la, ishôso ngi timin kua inyon kpaa, sha ci u ve kaan er: Una nenge mkur wase ga, yô.

Yeremia 15:17

M tema nongo a mba i lu ve iyol yagh yagh la ga, m ember kpaa ga; m tema tswen, sha ci u uwegh Ough ku lu sha a mo yô, gadia U ivim a iyugh.

Yeremia 29:10

Gadia TER ngu kaan nahan er: Saa anyom akunduatargber á iv sha ci u Babilon, man Me va sôr ne, Me kure kwaghôron Wam u dedoo a ven, Me hide a ven hen ijiir ne ye.

Yeremia 30:18

TER ngu kaan nahan er: Nenge, Me gema mlu u utenti mba Yakob, uya nav vea kôrom mhôônom, á maa gar na sha ice na, man iyou i tor kpaa sha ijiir i i la vough je.

Daniel 12:6

Ugen kaa a or u haan ikondo i pupuu i kôngor u a lu sha sha mngerem ma ifim la, er: Shighe á kar nan je man mkur u akaakpilighyol ne una kuma?

Daniel 9:2

sha inyom i hiihii i mtemtor na la, mo Daniel m nenge ken ruamabera, iyenge i anyom i TER ôr profeti Yeremia, sha u kuren kwagh u mvihi u Yerusalem la, lu anyom akunduatargber je.

Habaku 1:2

TERE, ka nan je m yila, man We U kera ongom ga? M genger imo her a We mer: Ipila; kpa U rumun u yiman ga.

Sekaria 1:8

M lu kenger tugh yô, nenge, or henda nyinya u nyian, tile ker atô u ikon i mertel i shin pev; man ken ijime na yô, anyinya lu, lu a nyian man a lun kang man a pupuu.

Sekaria 7:5

Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

Mpase U Yohane 6:10

Ve genger imo ve kaa er: We Ter, icighan man u mimi kpaa, shi nan je man U ôr ijir U or iyev sha awambe ase sha mba ve lu shin tar laa?