Sefania 1:3 - ICIGHAN BIBILO

³ Me kar a or kua zendenya kera; Me kar a inyon i sha kera, man ishu i shin zegemnger, kua atôakaa a nan gbev mbu nôngon, a mbaaferev imôngo; shi Me tim or sha tar kera, kape TER A kaa la.

Sefania 1:3 Iomraidhean Croise

Genese 6:7

TER shi kaa er: Or u M gbe nan ne, Me tim nan sha tar kera, or kua uzendenya man akaa a a kper a kpela inya man inyon i sha; gadia M vaa afanyô er M er ve yô.

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Yesaia 6:11

Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;

Yesaia 6:12

man TER Una yem a ior ca, man ajiir a i undu a kpaa, á ngee ken tar la.

Yeremia 12:4

Ka hanma iyange je man tar ua de u uren, man ahu a shin tar cii aa de u usene? Sha ci u kwaghbo u mba ve tem ken u la, ishôso ngi timin kua inyon kpaa, sha ci u ve kaan er: Una nenge mkur wase ga, yô.

Yeremia 50:3

Gadia ikurior igen due hen imbusutarimese ngi van num sha a na, ia gema tar na ua hingir ice, ma or nana kera tema ker ga; or kua zendenya kpaa yevese yem.

Yeremia 7:20

Sha ci u nahan yô, Ter AÔNDO ngu kaan nahan er: Nenge, á haa iyugh Yam kua ishima i vihin Yam sha ijiir ne, sha or man sha zendenya man sha ikon i ken akôngo, kua sha iyiav mbi hen inya; ia hia a kera, á pir i ga.

Yeremia 9:10

Me gber kwelegh sha ci u iwo, man sha ci u ajiir a ilev yan toho ken taaikôngo la, Me zungwe; gadia i nande a, a hia je ma or fatyô u karen her ga; man i kera ungwa mliam ma uile ga, inyon i purugh sha kua ishôso i ken toho cii nyôngoso, yem kera.

Esekiel 44:12

Sha ci u ve lu eren ve tom sha ishigh ki akombo ve man ve hingir ya u Iserael ityôikaa i nôngon gbev sha ifer; nahan M bum sha kwagh ve, kape Ter AÔNDO A kaa ne, Mer, vea ya mtsaha u sha ifer ve la.

Esekiel 7:19

Vea haa azurfa ve sha igbenda i ken gar, man zenaria ve kpaa una hingir er kwagh u hôngorough nahan; azurfa ve man zenaria ve vea fatyô u yiman ve sha iyange i iyugh i TER la ga; uma ve una ide sha mi ga, man vea iv iyav vev sha mi kpaa ga, gadia lu kwagh u nan ve gbev mbu nôngon sha u eren ifer la.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 14:8

Eferaim: Ka nyi i shi i gbem a akombo? Ka Mo M ongo un shi M nengen sha a na kpaa; M ngu er kon u fer u lun shough shough nahan; ka her a Mo atam a ou a dugh ye.

Hosea 4:3

Ka nahan man tar u lu uren man mba ve tem ken u cii ve lu usen ye: inyamtoho kua inyon i purugh sha, een, ishu i shin zegemnger kpaa, á kar a i kera.

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

Mateu 13:41

Wan u or Una tindi mbatyomov Nav, man atôakaa a nan gbev mbu nôngon ci ca, man mbavendan atindi kpaa vea kura ve ken tartor Na kera,

Mateu 23:39

Gadia M ngu kaan ne, kera nengen yen a Mo ga zan zan né va kaa ner: I̱ wuese Un u A ve ken iti i Ter la.

Mpase U Yohane 2:14

Kpa akaa shim a we kpeghee, ka er u lu a mbagenev hen a we mba ve kusu ityesen i Balaam u a tese Balaki er a̱ gbihi kwaghhônon sha ishigh ki ônov mba Iserael la; ka u yan inyamakombo man shi u eren idya je la.