Rutu 4:6 - ICIGHAN BIBILO

⁶ Orpaan la gema kaa er: Nahan yô, me fatyô u paan u sha ci wam iyol yam ga, gayô, me va vihi dyako wam; we gba paan sha ityough yagh tsô; gadia mo me fatyô u paan u ga.

Rutu 4:6 Iomraidhean Croise

Genese 38:8

Tsô Yuda kaa a Onan er: Tôô kwase u anngôu, tsa a na, ver anngôu tse.

Levitiku 25:25

Aluer anngôu nana gba ican je nana pande kwagh u nan, nana tee yô, orpaan u nan u a hembe lun angbian a nan ikua ikua la, a̱ va paa kwagh u anngô na lu tee la.

Duteronomi 25:7

Kpa aluer á doo or la u tôôn kwase u anngô u nan ga yô, kwase u anngô u nan la, a̱ za hen mbavesen hen hundagar, a̱ za kaa er: Anngô u nomom venda u veren anngô na tse ken Iserael, a rumun u eren a mo er anngô u nom ka nan er la nahan ga.

Duteronomi 25:8

Nahan mbatamen mba hen gar u or la, ve̱ yila nan ve̱ ôr kwagh a nan; kpa nana̱ venda ngeghekeke, nana̱ kaa er: Sarem u tôôn un ga yô,

Duteronomi 25:9

kwase u anngô u nan la, a̱ va her a nan sha ishigh ki mbatamen, a̱ va tsuwa nan ikôvough ki shin nguhar, a̱ haa nan ijer sha ishi, shi a̱ gema a̱ kaa a nan er: Kape á er a or u nan maa ya u anngô u nan ga la.

Rutu 2:20

Naomi kaa a kwase u wan na er: TER A̱ ver un dedoo, wen u a de u tesen mbaumav kua mbakpenev kpaa, erdoo na ga la. Naomi shi kaa a na er: Or la ka anmgbian wase u ikua ikua je, man shi ka or môm ken mba vea fatyô u paan kwagh wase kpaa.

Rutu 3:13

Tsa nyian tsô; sev a av yô, aluer una soo u paan we yô, doo, a̱ gba paan tsô, kpa aluer una soo u paan we ga yô, mo me paa u mimi, er TER A lu u uma ne; gba yaven tsô, sev mbu̱ av ve.

Rutu 3:9

Nahan a pine er: Ka ana? A gema a kaa er: Ka mo Rutu wanyekwase wou; cir wanyekwase wou ikondo you, gadia we u ngu orpaan.