Rutu 4:1 - ICIGHAN BIBILO

¹ Tsô Boashi mough za hen hundagar, za tema her; yô, orpaan u Boashi ter kwagh na la, gba va karen; a gema a kaa er: We, via la, va va tema heen yôô. Tsô a va, a va tema inya.

Rutu 4:1 Iomraidhean Croise

Genese 19:1

Mbatyomov mba uhar mbala za ar hen Sodom aikighe; yô, Loti tema hen hundagar u Sodom; Loti nengen a ve yô, a mough a za kegh ve gbenda, a ngurum, a wa ityough inya,

Genese 23:10

Eferon kpaa tema lu hen atô u Mbahiti; tsô Eferon Orhiti gema kaa a Aberaham sha ato a Mbahiti, ka mba ve lu karen nyôron sha hundagar na la cii er:

Genese 34:20

Tsô Hamor vea wan na Shekem ve za hen hundagar ve, ve za ôr kwagh a ior mba ken gar ve, ve kaa er:

2 Samuel 15:2

Shi Abesalom a mough pepe a tile hen gbenda hen hundagar; nahan aluer hanma or nana va ijir i yilan hen tor yô, Abesalom a yila nan, a pine nan er: U ngu or u ken hanma gara? Nan kaa er: Wanakiriki wou ka u ken kwe ugen u Iserael.

2 Kroniku 18:9

Nahan tor u Iserael man Yehoshafati tor u Yuda ve tema, hanmô nan tema sha ikônough ki torough ki nan, a iwuhanev mbi torov iyol, hen vande u gbiren alakema hen hunda u nyôron ken Samaria la; uprofeti cii lu ôron kwaghôron u profeti sha ishiv vev.

Yobu 29:7

Zum u mea zaan sha hunda u karen yemen hen gar, mea sôr kwaghteman wam sha tembe yô,

Yobu 31:21

aluer mea naregh uwegh sha u nzughul a ancôghol, sha ci u m nenge a iwasen yam sha hundagar yô,

Upasalmi 69:12

Mba ve tem hen hundagar yô, mba ôron kwagh wam; m hingir icam i mbahundenmsôrom wan.

Anzaakaa 31:23

Nom u nan kpaa i fa un hen ihinda i gar, zum u ka una tema ken atô u mbatarev yô.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Yeremia 32:10

Nahan m nger takerada u yamen kwagh, m var ikav sha mi m yila mbashiada, man m kar un inyaregh sha iyôgh ki karen myohom a min.

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

Sekaria 2:6

Mough, mough yevese due nen ken tar u Imbusutarimese la kera, kape TER A kaa ne; gadia M sambe ne wuee er ahumbe a anyiin a Sha nahan, kape TER A kaa ne.

Duteronomi 16:18

Ver mbaajiriv man mbavesen ken agar a ou cii, a TER, Aôndo wou, Una na u, sha ikwe you yô; ve̱ ôron ior ijir sha mimi.

Duteronomi 17:5

due a or la, shin kwase la, u nan er ifer la, hen ihindagar you, or la shin kwase la, ta ve awen ve̱ kpe.

Duteronomi 21:19

ter u nan kua ngô u nan ve̱ kôr nan ve̱ za a nan hen mbatamen mba hen gar u nan, hen hundagar u nan la;

Duteronomi 25:7

Kpa aluer á doo or la u tôôn kwase u anngô u nan ga yô, kwase u anngô u nan la, a̱ za hen mbavesen hen hundagar, a̱ za kaa er: Anngô u nomom venda u veren anngô na tse ken Iserael, a rumun u eren a mo er anngô u nom ka nan er la nahan ga.

Yosua 20:4

Nana̱ yevese nana̱ za ta ken mô gar ugen, nana̱ tile sha hundagar henpe nyôron, nana̱ pase mbavesen mba gar la kwagh u nan er yô; nahan vea nyôr a nan ken gar vea na nan ijiir i teman.

Rutu 3:12

Mimi je, mo m ngu orpaan; nahan kpaa, orpaan ugen u a hembe lun ikua ikua a mo ngu.

Rutu 3:18

Nahan a kaa a na er: Gba teman ving tsô, wan wam, tsô ú nenge er kwagh la una za yô; gadia or la una mem ga, saa una kure kwagh ne nyian keng.