Rutu 3:7 - ICIGHAN BIBILO

⁷ Zum u Boashi ya kwagh man ma kwagh, ishima lu un saan saan yô, a za yav henpe i ta tihi u alakema yô; tsô a za va teghelee a va bugh un ikondo sha angahar kera, a yav her.

Rutu 3:7 Iomraidhean Croise

Genese 43:34

A gba karen ve kwaghyan u a lu un hen ikum la; u Benyamin hemba u hanmô ve kwa taan. Ve ma kwagh, ve ember a na imôngo.

2 Samuel 13:28

Tsô Abesalom kaa a mbatomov nav er: Ver nen ishima, shighe u Amnon una va hingir saan saan sha wain yô, mea kaa a ven mer, wua nen Amnon yô, wua nen un je, de cie nen ga; ka mo m ne ne zwa ye gaa? Taver nen ishima lu nen icihi.

1 Utor 21:7

Tsô kwase na Yesebel kaa a na er: U ngu tor u Iserael ga ha? Mough, ya kwagh ishima i̱ lu u gbar gbar; me na u sule u ikon i wain u Naboti Oryesereel la.

Eseter 1:10

Tsô sha iyange i ataankarahar la, er ishima i tor lu saan saan sha msôr yô, a kaa Mehuman man Biseta man Harbona man Bigeta man Abageta man Setar kua Karkashi, ka mbatomov mba ken iyou i tor, mba utaankaruhar mba ve lu eren tor Ahasueru tom je la, er,

Upasalmi 104:15

man zar u wain sha u nan or msaanyol, man mkurem sha u engem or ishigh, man ruam sha u taver or ishima yô.

Orpasenkwagh 10:19

Ka i er iniongo sha ci u ahan a sen; wain yô, ne ishima i saan saan; inyaregh di ki kur akaa cii.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 8:15

Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Orpasenkwagh 9:7

Yô, ya kwaghyan wou a iember, ma wain wou a iember ken ishima, gadia Aôndo vande rumun ityom you kera ve.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

Mbaefese 5:18

De hundu nen msôrom ga, dang ngu keregh, kpa iv nen a Jijingi.

Mbaajiriv 16:25

Tsô er asema a ve lu ember nahan yô, ve kaa er: Va a Semson, a̱ va er akaahômon sha ishigh yasegh. Tsô ve yila Semson due ken gaadi, gba va eren akaahômon sha ishiv vev; ve ver un her atô u ityôv.

Mbaajiriv 19:22

Er ve lu her saan saan la yô, udangmbaiorov mba hen gar la va kase iyou la, gba tan ave sha hunda; ve ôr kwagh a orya, tamenor la, ve kaa er: Due a or u a nyer hen ya wou ne, se̱ nzughul a na.

Mbaajiriv 19:6

Tsô ve tema ve uhar cii ve ya kwagh, ve ma kwagh, ter u wankwase la kaa a or la er: Ma u shi tse heen tugh mbun kpaa a ishima i saan saan.

Mbaajiriv 19:9

Zum u or la mough sha u una yem, un vea kpankwase na man wanakiriki na yô, ter na kem, ter u wankwase la kaa a na er: Nenge, hegen iyange sôôn u been, nahan shi tsa nen, gayô, tugh sôôn ilen, tsa heen lu a ishima saan saan, tsô kper né mough pepe, né yem hen ya wou.

Rutu 3:6

Tsô a za hen vande u gbiren iyiav, a za er er ngô u nom na ôr un nahan cii.

Rutu 3:8

Tsô ka kom ateghôtôutu yô, a cia sulugha; gem yô, a kav kwase yav un shin angahar.